Íslands þúsund ár

3.2.2020 | 19:08

Loksins að kvikna ljós?

Svo lengi sem menn muna hefur það verið lenska hér á landi að taka því sem gefnu að alls staðar sé aðgangur um hreinu vatni ótakmarkaður.

Það hefur vakið undrun okkar að víða um lönd skuli vatn vera talið svo dýrmæt og takmörkuð auðlind að það geti jafnvel verið ástæða til styrjaldarátaka.

Allt frá Mosfellsheiði til Reykjaness, yst á Reykjanesskaga, raðast hins vegar dýrmæt og viðkvæm vatnsvernarsvæði, sem hingað til hefur þótt lítil ástæða til að hafa áhyggjur af, heldur hin sjálfsagðasta mál að ganga ekki aðeins rakleitt til verks til að ná sér í vatn á sem einfaldastan hátt, heldur einnig að stunda stórbrotna mannvirkjagerð af öllu tagi.

Styrr um nýja risa háspennulínu meðfram eða í gegnum mörg vatnsverndarsvæði hefur sýnt mikið skeytingarleysi um þá viðkvæmu og miklu auðlind, sem svona svæði eru.

Ástandið á Suðurnesjum er ekki beysið og nú er hart sótt fram í því að reisa hundraða milljarða flugvöll á verðmætu svæði ferkskvatns undir yfirborðinu.

Lokun Bláfjallavegar er vonandi merki um að ljós sé að kvikna í því bæjarfélagi sem á sér langa sögu vatnsöflunarmálum og hefur státað af því einstæða náttúrudjásni, sem Kaldá er.

En því miður hefur hingað til litt verið hugað að því hvernig of tilviljunarkennd og ágeng vatnsöflun hefur orðið til þess mörg sumur, að Kaldá hefur horfið aleg.

Síðuhafi hefur ævinlega reynt að fara árlega í pílgrimsferð til Kaldársels eftir að hafa orðið hraunavinur þar þrjú heil sumur í sumarbúðum KFUM 1947, 48 og 1949.

Lengi vel þurfti ekki að hafa áhyggjur af því að Kaldá yrði vatnslítil, en síðan fór að síga á ógæfuhliðina.

	Bláfjallavegi lokað
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Urðun bandarískra hersveita á herstöðvarúrgangi á Heiðarfjalli yfir vatnsbólum hefur þótt allt í lagi. Veit ekki betur en þú gerðir lítið úr kröfugerð eigenda að bandarísk stjórnvöld hreinsuðu eftir sig á fjallinu.

H2 (IP-tala skráð) 3.2.2020 kl. 20:45