Rekstur nútíma tæknisamfélags þolir ekki alvöru drepsótt.

Það þarf ekki annað en að líta á tölur um umferð með fólk og vörur í flugvélum, bílum, lestum og skipum til að sjá, að umferðarmagnið er slíkt um allan heim, ekki síst til og frá Íslandi, að það er útilokað að "loka landinu alveg" eins og verið var að ræða um í Kastljósi Sjónvarpsins í kvöld. 

Afköst og hagræðíng hrynja ef svo langt er gengið, enda gerir sjálf gerð samfélags og efnahagslífs ekki ráð fyrir slíku. 

Það þýðir ekki að andvaraleysi eða aðgerðarleysi skuli ríkja, en það eru afar miklar líkur á því, að takmörk séu fyrir því hve miklum árangri sé hægt að ná. 

 

Beint flug í mikla smithættu

Athugasemdir

[Gunnar Rögnvaldsson, 28.2.2020 kl. 02:51]

Þó svo að lokað sé á almennt farþegaflug til landsins, þá lokast landið engan veginn.

Innflutningur/útflutningur heldur áfram.

Póstsamgöngur halda áfram.

Það eina sem stöðvast er innflutningur á krónaveirum kommúnustaflokks.

Kveðjur

[Gunnar Rögnvaldsson, 28.2.2020 kl. 03:10]

Og þess fyrir utan hélt ég að ný og betri tækni "tæknisamfélags" gerði hungurferðalög í fljúgandi sýklatúbum til útlanda ekki eins nauðsynleg.

Engar vörur koma fljúgandi til landsins. Þær sigla.

Engar vörur fara fljúgandi frá landinu. Þær sigla.

Þessi nýja tækni hefur kostað sitt. Hvernig væri að nota hana?

Verstu staðir jarðar þessi árin eru flugvellir - og flugvélar - og útlönd.

[Ómar Ragnarsson, 28.2.2020 kl. 18:00]

Svartidauði kom sjóleiðina til Íslands 1402. 

[Gunnar Rögnvaldsson, 28.2.2020 kl. 18:23]

Já Ómar og þess vegna er óþarfi að endurtaka samskiptatæknina sem var þá, og láta öll skip vera að minnsta kosti 14 daga á sjó áður en þau fá að koma að landi, eins og Kyrrahafsfloti Bandaríkjanna skipaði fyrir um í gær. Og þess vegna verður að stöðva allt almennt farþega flug til landsins. Immed!

Meðgöngutími Svarta dauða var 2-3 vikur. Hann ferðaðist því óhindrað 30 km á dag og náði upp til Lapplands á þremur mánuðum, frá Suður-Ítalíu. Og smitaði á milli manna.