Úrslitaatriði, hvernig aðrar þjóðir opna hjá sér og haga málum.

Það var ekki tilviljun að fyrsta alþjóðlega stofnunin, sem íslenska lýðveldið gerðist stofnaðili að strax 1944, var Alþjóða flugmálastofnunin ICAO, og þar með varð að veruleika fyrirbæri sem kallast framsal ríkisvalds. 

Þeir, sem gengust fyrir þessari aðild, gerðu það ekki með þeirri hugsun, að það væri verið að keppa eftir því að framselja nýfengið fullveldi, heldur var fólgin í því viðurkenning umheimsins á hinu nýja fullvalda lýðveldi Íslandi. 

Þeir sem fordæma allt slíkt virðast ekki gera sér grein fyrir því, að alþjóðasamningar á borð við samninginn um ICAO eru gerðir á jafnréttisgrundvelli af þjóðum, sem eftir sem áður skoðast fullvalda. 

Meira að segja geta aðeins fullvalda þjóðir orðið fullgildir aðilar að slíku samstarfi samningum og stofnunum. 

Þeir sem brenna í skinninu yfir því að allt verði galopnað hér sem fyrst vegna kórónaveirunnar, til dæmis í millilandaflugi, virðast sumir ekki gera sér grein fyrir því að opnun innanlands, sem gagnast alþjóðlegri ferðaþjónustu, nægir ekki eins og sér í landi eins og Íslandi, sem er algerlega háð millilandaflugi; heldur fer það eftir líka eftir aðstæðum og aðgerðum í löndunum, sem flogið er til og frá. 

Þar að auki má sjá, að þegar Íslendingar er margir hverjir að endurskoða áætlanir sínar fyrir ferðalög í sumar, þá skipta aðstæður erlendis, ef vilji er til að ferðast þangað, að að  sjálfsögðu skoða þeir gaumgæfilega og bera saman ástandið í öðrum löndum, sem gætu komi til greina.  

 

Tveir flugvellir opna á Ítalíu

Athugasemdir

[Hörður Þormar, 30.4.2020 kl. 15:46]

Fyrir 75 árum var stríðinu í Evrópu að ljúka. Hvað þurfum við nú að vera að kvarta?                  Liberation of Munich April 30 1945              

[Þorsteinn Siglaugsson, 30.4.2020 kl. 17:26]

Ég held að það sé mjög varhugavert að gera áætlanir um utanlandsferðir í sumar. Það eru miklar líkur á að áætlanir um opnanir fari úr skorðum því væntanlega er mjög lítill hluti mannskyns ónæmur fyrir veirunni ennþá. Það er þá kannski helst að fara til Svíþjóðar.