Gott COVID-19 smitpróf: Maður að reykja sígarettu?

Fyrir um viku stóð ég í tveggja metra fjarlægð frá manneskju, sem var að reykja. Þetta var að vísu utan dyra, en það var dúnalogn þarna í skjóli.

Hún stóð þarna í þrengslum, þannig að ég ákvað að bíða færis og sjá hvort hún færði sig, en notaði tækifærið til að kasta á hana kveðju og nokkrum orðum um daginn og veginn.

Þá áttaði ég mig skyndilega á því, meðan við vorum að tala saman, að reykurinn úr sígarettunni fór inn í vit mín án þess að ég sæi það, heldur fyndi aðeins lyktina. 

Andardrátturinn hélt áfram þessari ferð sinni meðan hún talaði og hélt á sígarettunni. 

Þetta var sláandi niðurstaða í alveg óvæntri tilraun til að nema COVID-19 smit.  

En eftir þessa reynslu skil ég betur af hverju tveir metrarnir hljóta að vera lágmarks fjarlægð. 

Veiran geti borist með tali

Athugasemdir

[Vagn (IP-tala skráð) 18.5.2020 kl. 03:05]

Tveir metrarnir eru fjarlægð sem auðvelt er að halda og samt tala við manneskjuna, báðir geta teygt sig í hluti á afgreiðsluborði og mæst á gangstéttum. Þeir útiloka ekki smit en minnka líkurnar mikið. Vírusinn dreifist með dropasmiti en venjulegur andardráttur er ekki smitandi, að talið er. Hnerri getur dreift dropum með vírusum yfir 8 metra og smitið verið í loftinu í nokkrar mínútur, gríma stoppar dropana við andlit þess sem hnerrar.

Talandi um reykingar, þá virðist reykingafólk smitast síður, ef eitthvað er að marka tölfræðina. En hlutfall reykingamanna er áberandi lægra meðal smitaðra en meðal heildarinnar. Í Frakklandi voru reykingamenn 5% smitaðra en 25% Frakka reykja. Aftur á móti eru þeir reykingamenn sem smitast líklegri til að fá alvarleg einkenni.

[Kolbrún Hilmars, 18.5.2020 kl. 12:25]

Tveggja metra reglan er skynsamlegt meðalhóf.  Það eru mjög fáir smitaðir sem ganga "lausir" og það er þreytandi að þurfa að kallast á við öll tækifæri. 
Stundum þá um einkamál sem koma biðröðinni ekkert við.

Hins vegar er talið rétt, eins og Vagn bendir á,að reykingamenn smitist síður, en athyglin hefur beinst frekar að nikotíninu en reyknum.
En hver veit; kannski þolir veiran ekki sígarettureyk frekar en næsti maður.

[Magnús Sigurðsson, 18.5.2020 kl. 17:32]

Það á sennilega það sama við um kóvítið og myglu í húsum, að reykingar steindrepa hvoru tveggja.

Það þekktist ekki mygla í húsum fyrr en hætt var að reykja í þeim, en síða hefur hún líka verið viðvarandi vandamál.

[Þorsteinn Siglaugsson, 18.5.2020 kl. 22:23]

Kannski pestin verði til þess að reykingar komist aftur í tísku. Það væri áhugaverð vending.