"Í einhug til sigurs allir nú / ætla Víði´að hlýða / og horfa til betri tíða."?

Stefnan, sem tekin var "gegn háska um páska", var meðal annars mótuð í ljóðlínunum hér að ofan og Bjarni Skaftason söng í laginu "Gegn háska um páska." 

Þjóðin var samtaka og uppskar varnarsigur í stríði, sem er þó hvergi nærri búið, en hefur vakið athygli og aðdáun víða um heim. 

Uppskeran er opnun landsins með nægilegri varúð til þess að árangrinum verði ekki kastað á glæ út um gluggann. 

Nú stendur yfir ferðahelgi, sem er svipaðs eðlis og páskarnir voru og skyndilega er eins og að stórir hópar fólks séu tilbúnir til að virða varnaðarorð og tilmæli Víðis og þríeykisins að vettugi, alveg öndvert við það, sem gert var þegar möguleiki var skapaður til að fá fótfestu í hinu mikla farsóttarstríði.  

 

Hefði verið best ef foreldrar væru eftir heima

Athugasemdir

[Ómar Geirsson, 3.7.2020 kl. 11:37]

Lok lok og læs og alltí stáli, lokum aftur að boði Víðis.

Meinloka þín nafni er að vegna þess að við fylgdum Víði, Ölmu og Þórólfi, þá náðum við að útrýma veirunni hér innanlands.

En ekki erlendis eins og þú virðist halda.

Ísland var ekki lokað vegna þess að við værum sýkt, en aðrar Evrópuþjóðir ekki, það voru allir sýktir, við vorum einna fyrst að ná tökum á útbreiðslunnar hennar, og vorum því fyrir opnun landamæra án sóttkvíar, smitlaust land líkt og Nýja Sjáland, Færeyjar, Grænland og Taivan.

Okkar árangur gerði ekki aðrar þjóðir smitlausar, og því væri óhætt að slaka á smitvörnum gagnvart þeim.

Og það er furðulegt að þú skulir halda það.

Kveðja að austan.