Engin þjóð getur staðið ein, því miður.

Það er eðlilegt að velta vöngum yfir því hvort betra sé að slaka á öllum takmörkunum og viðhalda þannig straumi ferðafólks inn í landið.  En þar standa smit- og dánartölurnar í vegi fyrir því að slík stefna beri árangur. 

Því aðeins að þær tölur lækki niður í það sem þær voru fyrr í sumar munu aðrar þjóðir hafa okkur á svonefndum grænum listum. 

Engin þjóð getur sjálf ákveðið einhliða að aðrar þjóðir telji viðkomandi land öruggt til ferðalaga.  Þessa dagana sést hið raunverulega ástand birtast daglega í nýju mati annarra þjóða. 

Í lagi með Ítalíu en ekki Ísland

Athugasemdir

[Þorsteinn Siglaugsson, 19.8.2020 kl. 09:26]

Hér er fullyrt að smit- og dánartölurnar standi í vegi fyrir því að viðhalda straumi ferðafólks inn í landið. Sú fullyrðing virðist einnig liggja að baki ákvörðun um að loka landinu á ný. Það skiptir hins vegar ákaflega miklu máli hvort þessi fullyrðing er rétt, vegna þess að afleiðingarnar af þessari ákvörðun verða grafalvarlegar.

Hversu margir erlendir ferðamenn komu til landsins meðan það var opið (raunhæftað ferðast hingað)?

Hversu mörg smit hafa erlendir ferðamenn borið inn í landið?

Hversu margir hafa sýkst af þessum ferðamönnum?

Hversu margir þeirra hafa lent á spítala? Hversu margir hafa lent á gjörgæslu? 

Hversu margir þeira hafa látist?

Hversu mikið mun atvinnuleysi aukast vegna lokunar landsins? Hversu margir þeirra sem verða atvinnulausir munu missa heilsuna? Hversu margir munu lenda í sárafátækt? Hversu margir munu taka eigið líf?

Öllum þessum spurningum verður að svara, af raunsæi og heiðarleika. Þegar ákvörðun er tekin án þess að gera tilraun til að svara þeim er ákvörðunin byggð á sandi.

[Haukur Kristinsson (IP-tala skráð) 19.8.2020 kl. 11:45]

Þorsteinn Siglaugsson heldur áfram uppteknum hætti með tuð og "desinformation." Ómar, lokaðu þinni góðu heimasíðu fyrir þessum "ignorant" gaur. 

[Þorsteinn Siglaugsson, 19.8.2020 kl. 11:52]

Síðan hvenær er það "disinformation" að spyrja spurninga Haukur Kristinsson? Er heilabúið alveg í graut hjá þér, garmurinn?

[Kolbrún Hilmars, 19.8.2020 kl. 12:16]

Það er varla hægt að tala um "örugg" lönd á meðan ekkert er hægt að vita eða sanna hvaðan ferðamennirnir eru í rauninni að koma, upphaflega.
Spurningar Þorsteins eiga fullan rétt á sér, vildi gjarnan sjálf sjá svörin, en eflaust tekur langan tíma að safna þeim upplýsingum svo nákvæmt sé.  Sérstaklega þeim sem varða framtíðina, sem enginn getur spáð um.

[Þorsteinn Siglaugsson, 19.8.2020 kl. 12:43]

Sumum þessara spurninga ætti að vera auðvelt að svara. En af einhverjum ástæðum eru engar upplýsingar gefnar um fjölda virkra smita meðal erlendra ferðamanna og hversu mörg innanlandssmit hafi verið rakin til þeirra. Þetta eru þó grundvallarupplýsingar og veiti svörin við þeim ekki ríkt tilefni til þeirra aðgerða sem gripið hefur verið til eru aðgerðirnar algerlega óforsvaranlegar.

[Kolbrún Hilmars, 19.8.2020 kl. 12:49]

Í nýrri frétt á mbl.is er sagt að ein manneskja (frá Balkanskaganum) hafi smitað 100 manns hér innanlands.  Varla hefur sú komið með beinu flugi frá "öruggu" landi.

[Þorsteinn Siglaugsson, 19.8.2020 kl. 13:41]

Ef 100 innanlandssmit vegna eins ferðamanns eru allt og sumt eftir að landið hefur verið opið í tvo mánuði og tugþúsundir ferðamanna komið hingað, þá hlýtur maður að velta fyrir sér hvort atvinnuleysi, húsnæðismissir og eymd þeirra þúsunda sem nú missa vinnuna sé réttlætanleg. Það hefur mér vitanlega enginn látist vegna þessara smita. Hversu marga mun vonleysið reka út í óafturkræfar athafnir? Þessarar spurningar verður að spyrja, jafnvel þótt það sé erfitt, og jafnvel þótt sumir kjánarnir vilji banna slíkar spurningar.