"Falsfréttirnar" COVID-19, hlýnun lofthjúps jarðar og allar hinar.

Nú eru liðin fjögur ár síðan ný öld rann upp í sögu lýðræðisins með framrás hugtaka á borð við "falsfréttir." Heil kosningabarátta um forystuna í öflugasta lýðræðisríki heims snerist um það, að svonefnt vísindasamfélag væri risastórt samsæri falsfrétta á borð við hlýnun lofthjúps jarðar. 

Gefin voru kosningaloforð um að knésetja þá vísindamenn, sem við þessi vísindi störfuðu, reka þá helst alla og ráða í staðinn "alvöru" vísindamenn, sem kæmust að "réttum" niðurstöðum í stað hinna upplognu niðurstaðna, sem hefðu náð hámarki árinu áður í ráðstefnu "40 þúsund fífla í París." 

Sjá má áfram á netmiðlum sönginn um falsfréttina miklu sem gerði 40 þúsund fíflin að athlægi +i París og nýjasta "falsfréttin" um mestu minnkun Grænlandsjökuls í sögu mælinga og aðrar órækar vísbendingar um það, sem er að gerast, er léttvæg fundin; það var jú alveg sérstaklega kalt í Reykjavík í júlí síðastliðnum, einum af þremur svölustu júlímánuðunum á rúmlega 20 ára tímabili hlýjustu ára frá upphafi mælinga. 

Snemma á fjórða ári tímabils hinna meintu falsfrétta voru fréttir um COVID-19 afgreiddar fyrstu vikurnar, sem falsfréttir, því að í raun væri þetta ekki neitt, neitt, bara venjuleg og lítilfjörleg flensa, sem myndi aldrei ná neinni fótfestu eða áhrifum á hið mikilfenglega forysturíki. 

Auðvelt væri til dæmis að hrista þessa smávægilegu kvefpest af sér og drepa hana með með því að innbyrða ákveðna ræstivökva og töframeðul. 

Þegar í ljós kom að COVID-19 var þess eðlis, að síðan í vor hafa Bandaríkin búið við versta ástandið að jafnaði, var það afgreitt á þann veg, að Kínverjar hefðu búið veiruna sérstakllega til á tilraunastofu í þeim eina tilgangi að koma í veg fyrir endurkjör Donalds Trumps. 

 

Héldu að kórónuveiran væri falsfrétt

Athugasemdir

[Guðjón Bragi Benediktsson, 25.8.2020 kl. 10:41]

Global Disinformation Index (stuðull upplýsingaóreiðu eða falsfrétta) er hugtak sem glóbalistaelítan fann upp og notar um það þegar íhaldssamt fólk á samfélagsmiðlum gagnrýnir hugmyndafræði glóbalista. Á hinn bóginn; þegar vinstrisinnaðir glóbalistar gagnrýna borgaraleg gildi og hugmyndafræði þjóðhollra íhaldsmanna með uppþotum og ofbeldi nefna glóbalistafjölmiðlarnir það borgaralega óhlýðni (virðingarverðra) aðgerðasinna! Þetta er til marks um vel heppnaða innrætingu pólitískrar rétthugsunar þar sem aðeins eitt sjónarmið fær brautargengi. Hlutdrægni í fréttaflutningi blasir við öllum þeim sem hafa augu og eyru. Því miður heyra margir hvorki né sjá þótt þeir hafi bæði eyru og augu - eins og Jesús Kristur benti á. Því eru hremmingar við sjónarrönd á Vesturlöndum.  Hvað Trump varðar þá er hans eina framlag að snúa hugtakinu við og upp á glóbalistana sjálfa eins og þeir eiga skilið. 

[Hörðu. þormar (IP-tala skráð) 25.8.2020 kl. 12:14]

Hlutdrægni í fréttum er ekki nýtt fyrirbrigði. Þýska útvarpið flutti fréttir á Íslensku á stríðsárunum. Eitt sinn sagði fréttamaðurinn eitthvað á þá leið: "þetta voru fréttirnar í dag en á morgun held ég áfram að ljúga". Ekkert heyrðist í honum eftir það.

Ríkisútvarpið viðhélt ströngu hlutleysi í fréttaflutningi á stríðsárunum. Axel Thorsteinsson, Hendrik Ottóson o.fl. góðir menn hlustuðu á fréttir frá London og Berlín, hraðrituðu þær jafnóðum og þýddu. Svo voru þær lesnar upp í fréttatíma. Lundúnafréttir voru lesnar fyrst, svo komu fréttir frá Berlín. Oft mun hafa verið talsverður munur á þessum fréttum.

Það var haft eftir strák í minni sveit sem þóttist vera nasisti, að hann hefði sagt þegar Berlínarfréttir komu: "jæja, nú koma loksins fréttirnar".

[Halldór Jónsson, 25.8.2020 kl. 12:31]

Skilgreining mín um 40 þúsund fíflin í París stendur óhögguð þar sem þau útloka áhrif sólar á hitastigið en einblína á CO2 af mannavöldum.

[Grímur Kjartansson, 25.8.2020 kl. 15:30]

Hvet ykkur til að horfa á fréttskýringarþáttinn sem sýndur var eftir fréttir á Stöð2 í gær - Hvernig í ósköpunum á venjulegt fólk að vita hvað er satt og hverju er hagrætt í anarlegum tilgangi?

Ef það er satt að þessir pólverjar hafi aldrei verið ákærðir þá setur mann hljóðan

[Ómar Geirsson, 25.8.2020 kl. 16:12]

Blessaður Halldór.

Það dregur enginn í efa skýringu þína, en þó vita flestir að lesblinda útskýrir þá skoðun.

Efist einhver, þá má lesa athugasemd þína í samhengi við pistil nafna míns.

Þú veist innst inni að það er enginn svo heimskur að blása til ráðstefnu sem hundsar áhrif sólar, og þú átt að vita að þeir sem vísa í slíkt, ljúga.

Vísindin vita ekki um áhrif sólar, svona til hlítar, en sá sem heldur því fram að þau hundsi þau áhrif, er aðeins eitt Halldór.

Og þú mátt lýsa því.

Og já, ég er ekki að tala um heimsku, fáráð eða það sem er ólýsanlegt, viðkomandi hlýtur að vera Pírati.

Já, já, sem þú ert ekki.

Lestu þá pistil nafna, og komdu svo með annað innlegg sem tekst á við rökfærslu hans.

Eða haltu áfram að vera???, Pírati.

Kveðja að austan.

[Hörður Þormar (IP-tala skráð) 25.8.2020 kl. 16:35]

Halldór, þetta er nú ekki alveg rétt hjá þér. Ég hef áður vitnað í þýska eðlisfræðiprófessorinn, Harald Lesch, sem mikið hefur fjallað um vísindi í sjónvarpi, þ.á m.loftslagsmál. Hvort hann var í París, veit ég ekki, en varla held ég að hægt sé að kalla hann fífl. Er hann þá kannski falsari? Ég held ekki. 

Hér er myndskeið þar sem hann talar einmitt um áhrif sólar á loftslagið. Vonandi getur þú gefið þér tíma til þess að horfa á það. Aðrir sem ekki skilja talið geta ná í texta á ensku eða jafnvel íslensku:                 Ist die Sonne schuld am Klimawandel? | Harald Lesch               

[El lado positivo (IP-tala skráð) 25.8.2020 kl. 16:59]

Það er nú ennþá til 300.000 ára gamall ís í Grænlandsjökli þannig að ekki hefur hann horfið á þeim tíma þó oft hafi verið mikið heitara á því tímabili en í dag.

Á þessari heimasíðu https://sciencenordic.com/ má finna nýlega grein þar sem segir að sú eðlisfræði gildi að ef það kólni þá stækki Grænlandsjökull. En þessi Parísar gáfumenni búa náttúrulega yfir nútímalegri eðlisfræði en þessari barnaskóla-eðlisfræði.

[Haukur Kristinsson (IP-tala skráð) 25.8.2020 kl. 17:14]

Umræðan á Skerinu um hlýnun Jarðar, en einnig um Covid-19, er farin að minna á "flat Earth" umræðu. Hvernig í ósköpunum stendur á því að innbyggjar geti verið svona trúgjarnir og ignorant?

[Þorsteinn Siglaugsson, 25.8.2020 kl. 18:52]

Það er mikið til að bjálfum í veröldinni. Sumir trúa falsfréttum. Aðrir halda að allt sé falsfréttir og trúa því engu. Skoðanakönnun í Bretlandi um daginn leiddi í ljós að meirihluti aðspurðra trúði því að 7% þjóðarinnar hefðu þegar látist af kórónaveirunni. Á Skotlandi var talan 10%. Ég hef séð enn fráleitari tölum haldið fram á Moggablogginu, svo það eru ekki bara bjálfar í útlöndum.