Verður árið 2020 tímamótaár?

Ákveðin ár í mannkynssögunni marka tímamót, svo 1492, 1848, 1914 og 1989. 

Þau eiga það oft sameiginlegt að það var erfitt að sjá það fyrir, sem gerðist og skipti sköpum; tímamótaviðburðurinn kom eins og þruma úr heiðskíru lofti. 

En þegar aðdragandinn var kannaður eftir á, mátti sjá, til dæmis með Heimsstyrjöldina 1914, að það hafði stefnt í stríð í mörg ár á undan. 

Öll fyrrnefnd ár breyttu sögunni hressilega. 

Í upphafi ársins, sem nú er langt komið, óraði engan, hvorki svonefndum völvum né öðrum "álitsgjöfum" fyrir því, sem á eftir að halda ártalinu 2020 á lofti. 

Og enda þótt erfitt sé að spá fyrir um það, hve lengi áhrif 2020 endast, er næsta víst, að þau verða varanleg. 

Rétt eins og að stríð valda miklu tjóni, leysa þau ýmsa krafta úr læðingi varðandi vísindi og tækni, sem eru til framfara. 

Þannig kölluðu afleiðingar sóttvarnaraðgerða á ný vinnubrögð og lausnir í atvinnu- og skólalífinu, sem geta gagnast. 

Gott dæmi er maðurinn á skiptiborðinu hjá stóru fyrirtæki í Reykjavík, sem lenti í sóttkví á heimili sínu í Þorlákshöfn, en vegna kunnáttu sinnar í starfi var fundin leið til þess að hann gæti sinnt starfinu jafnvel heiman að eins og á vinnustað. 

Niðurstaða: Í þessu tilfelli óþarfi að maðurinn æki daglega fram og til baka til vinnu sinnar með ærnum kostnaði og tímaeyðslu.   

Margar breytingar verða varanlegar, þótt ekki sé nema fyrir flugstarfsemina í heiminum, sem verða mun lengi að jafna sig, ef hún á annað borð verður nokkurn tíma söm.    

Í ofanálag hafa gerst atburðir, sem hafa kyrrsett sérstaklega hátt í 800 flugvélar af einni tegund. 

COVID-19 sýnir, að hinn gamli og grimmilegi veruleiki nýrra drepsótta, sem menn í ofurtrú sinni á vísindi og tækni héldu, að tilheyrði fortíðinni, er fyrirbæri, sem mun fylgja mannkyninu að meira eða minna leyti hér eftir sem hingað til. 

Aukins viðbúnaðar á grunni lærdóma af reynslunnar mun verða þörf. 

Ástandið geti varað í nokkra mánuði enn

Athugasemdir

[Hörður (IP-tala skráð) 10.9.2020 kl. 09:46]

Skrifstofubyggingar í mörgum  stórborgum  eru hálftómar nú um stundir. 

[Húsari. (IP-tala skráð) 11.9.2020 kl. 17:17]

Sæll Ómar.

Þetta er feiknalega áhugavert efni sem þú ritar um hér
og sjálfur hefur þú svarað að nokkru þeim spurningum
sem bornar eru fram og jafn prýðilega sem hver maður getur séð.

En afleiðurnar í heldur óvenjulegri merkingu eru ekki síður
áhugaverðar.

Kjör Donalds J. Trump til forseta er mjög líklegt til að kalla fram
fyrsta konu sem forseta Bandaríkjanna og hreint ekki ólíklegt
að þar verði fyrir valinu Ivanka Trump og muni hún sitja
á forsetastóli 2025 - 2033.

Kosningabaráttunni fylgir líka einhver mesta plága utan þeirrar kínversku
að jafnt einstaklingar og fyrirtæki munu þurfa að hugsa allt upp á nýtt
varðandi veiruvarnir í tölvum með því að einstaklingar sér í lagi
munu sjá að engar venjulegar varnir duga og þeim eins gott að eiga 3
afrit af kerfisskrám sem og öllum öðrum skrám.
Gögn hvers konar munu leka út um allar tær og trissur og ganga kaupum og sölum.
Veit ekki hvort það er huggun harmi gegn að þau hafa ævinlega lekið þannig
meira og minna hvað sem líður öllum trúnaði!

Hugsanlega hefur þegar verið sáð fræjum 3. heimsstyrjaldarinnar og miklu
skarpari skil muni í uppsiglingu milli Asíu og Bandaríkjanna en áður hefur
sést eða nokkur látið sér detta í hug.

Veldi Kína á sér svo sannarlega uppsprettu í þessum kórónavírusi sem þeir sennilega unnu að árum saman til að þess eins að ná yfirburða
efnahagslegum yfirráðum í Evrópu sem þeir óneitanlega hafa nú.
Gæti jafnframt verið upphafið að imperialisma og einhverjum mesta
uppgangi sögunnar í Kínaveldi.

Þannig mætti tína fleira til sem styður algerlega þá tilgátu að ég ekki segi
veruleika að árið 2020 er upphafsár nýrrar sögu mannkyns á jörðunni.