Þessi slagur tekur við af hinum.

Nú eru að verða tíu mánuðir síðan algerlega ófyrirséður bardagi hófst við hina nýju kórónaveiru, sem reyndist verða fyrsta drepsóttin með gamla laginu í heila öld, sem dunið hefur á landsmönnum.  

Í fyrri hluta síðustu aldar var spánska veikin, með ígildi 2000 látinna hér á landi, ekki eini sjúkdómurinn sem lagði slíkan fjölda að að velli. 

Það gerðu berklarnir, sem flestir eru  búnir að gleyma, en réðist oft af fádæmu afli á ungt fólk og lagði það í gröfina eða veitti lífstíðar örkuml eða heilsubrest. 

Fyrsti bíllinn, sem síðuhafi var skráður einn af þremur eigendum að, var lítill Renault Juva2uatre "Hagamús", sem minnti daglega á berklavána meðan hann var á heimilinu, því að hann var einn af mörgum happdrættisbílum SÍBS árið 1948.  

Lög MA-kvartettsins, sem hljómuðu stundum daglega í útvarpinum minntu líka á þennan hræðilega sjúkdóm sem reif til dæmis frænda minn Jón frá Ljárskógum kornungan frá afkomanda sínum og þjóðinni. 

Nú eru að verða kaflaskipti í baráttunni við COVID-19 þegar bólusetningaslagurinnn bætist við sóttvarnarkaflann.  

Sjá má á blogginu þeirri skoðun haldið fram, að svo illa hafi ESB leikið okkur í bólefnismálum að það hafi komið í veg fyrir að hægt hefði verið leikandi að bólusetja alla þjóðina á einni viku nú um þessi áramót. 

Þetta er afar ósanngjörn fullyrðing, bæði, að aðeins það aðþetta hefði verið si svona leikur einn, heldur hefði ekki síður gert okkur Íslendinga fræga að endemum meðal þjóða að frekjast sem guðs útvalin yfirburðaþjóð fram fyrir alla í þeim slag, sem nú tekur við af hinum í baráttunni við farsóttina.  

Spurt og svarað um væntanlegt bóluefni

Athugasemdir

[Símon Pétur frá Hákoti (IP-tala skráð) 23.12.2020 kl. 09:53]

Nú, vissirðu það ekki Ómar,

að það eru Norðmenn

með sitt fjórfalda magn.

sem eru guðs útvalda þjóð,

Við erum hins vegar guðs volaða þjóð,

að boði ríkisstjórnarinnar.

[Halldór Jónsson, 23.12.2020 kl. 13:43]

Ekki bilar Ómar í vörninni fyrir vinstrið sem stjórnar bólefniskaupunum

[Halldór Jónsson, 23.12.2020 kl. 13:50]

Já því miður er Símon Pétur frá Hákoti að segja satt í þetta sinn.

Guðs volaða þjóð í boði Svandísar og VG sem fékk að stjórna bóluefniskaupunum.

Þau sinntu engu endurteknum hvatningum um að fylgjast með rannsóknum Moderna sem stefndu til sigurs frá miðju sumri. Nú er allt um seinan og þjóðin er föst í COVID fram eftir næsta ári.

Þvílíkir vesalingar.

Þaðer óþarfi fyrir þig Ómar að reyna að verja þetta lið.

[Ómar Ragnarsson, 23.12.2020 kl. 19:24]

Heldurðu að það sé ekki munur fyrir þig að verja Kanann og veðja á hann. Bandaríkjamenn eru 4 prósent jarðarbúa en hafa þegar tryggt sér 40 prósent af bóluefninu, eða tæpan helming alls bóluefnis í heiminum. 

Sjálfir hafa Kanar sagt að veiran sé ekki sigruð nema það verði alls staðar. 

Búist er við því að með sama áframhaldi verði það ekki klárað fyrr en árið 2024.