"Gamli Landrover Defender" endurvakinn?

Nefna má nokkra fjórhóladrifsbíla á árunum 1940 til 1992 sem voru eins konar tímamótabílar í þróun jeppanna:   

1940: Willys´s jeppinn, eitt af fimm mikilvægustu vopnum Bandamanna í Seinni heimsstyrjöldinni.

Olli tímamótum í samgöngum á Íslandi. 

Mikil fjöldaframleiðsla, fjórhjóladrif, hátt og lágt drif, heilir driföxlar (hásingar) blaðfjaðrir festir neðan undir hásingarnar, grind, vél fyrir aftan framöxul og driflínan þvi frekar lág, 25 sentimetrar undir millikassann, Aðeins tvö sæti frammi í. 

1948: Land Rover. Breiðari jeppi með sæti fyrir þrjá frammi í. 

1953: GAZ 69: Enn breiðari jeppi með ótrúlega mjúkar fjaðrir ofan á hásingunum, vélina ofan á framhásingunni svo að farþegarýmið allt gat verið 25 sm framar og fernra dyra gerðin því með góð aftursæti og gott rými afturí.  Vél-drifilína 10 sm hærri og 10 sm hærra undir millikassa. Drifkúlurnar einkar mjóar (Úr Ford A) og klufu því snjóinn. 

1966: Ford Bronco: Svipað og GAZ 69 en með gorma á framhjólunum og nýtísku 6 strokka og V-8 vélum á hagstæðu verði. 

1970: Range Rover: Nánast alfullkominn lúxusjeppi með gormafjöðrun á öllum hjólum og driflínuna þráðbeina vél-gírkassi-drifkúlur að framan og aftan. 

1977:  Lada Niva, heilsoðin bygging, sjálfstæð fjöðrun að framan, gomar á öllum hjólum og sídrif. 

1979: Mercedes Benz G, Lúxusjeppi með gorma á öllum hjólum og algerlega fullkominn torfæru undirvagn, alveg beina driflínu í gegnum drifkúlurnar og enginn blettur á undirvagninum skagandi niður fyrir hásingalínuna: ( Á Range Rover og Landrover skagaði millibilsstöngin niður fyrir)

1980: Suzuki Fox: Nokkurs konar smájeppa vasaútgáfa af Mercedes Benz G tæknilega og hönnunarlega. 

1977: Lada Niva, fyrsti jeppinn með heilsoðna byggingu, gorma á öllum hjólum, sjálfstæða fjöðrun að framan og sídrif. 

1992. Toyota RAV 4: Fyrsti jepplingurinn (án hás og lágs drifs) með heilsoðna yfirbyggingu sjálfstæða fjöðrun og gormafjöðrun á öllum hjólum. 

2020. Tæknileg fullkomnun Land Rover Discovery notuð í nýjum Defender.

Þó ansi dýr og þungur, og sjálfstæða fjöðrunin er ekki eins löng og á Jeep Wrangler, sem einnig er heldur léttari og er ásamt Suzuki Jimny eini jeppinn á markaðnum með sérstakri grind og  gormafjöðrun á heilum hásingum að aftan og framan  því að Benz G er búinn að fá sjálfstæða fjöðrun að framan. 

Og einhvers staðar á netinu mátti sjá að framtakssamir menn ætluðu sér að hanna nýjan jeppa í stíl gamla Defenders með heilar hásingar og gormafjöðrun. 

 

Defender hástökkvari BL í janúar

Athugasemdir

[Halldór Jónsson, 3.2.2021 kl. 23:59]

Frábær þekkingarfærsla af fróðskapsmanni. Frábært yfirlit hjá þér Ómar

[Hallgrímur Hrafn Gíslason, 4.2.2021 kl. 10:16]

Suzuki LJ 10 fyrst framleiddur apríl 1970 var 590 kg, undir 3 m a lengd, flokkaðist sem kei car. Hönnun þess bíls kom frá Hope Motor Company sem höfðu framleitt 45 bila af HopeStar ON360 fyrir gjaldþrot, samstarfsaðilinn Mitsubishi vildi ekki taka HMC.Suzuki yfir tók Hope M C.  Nokkrir slikir jeppar komu til lansins sem Suzuki Sj 80.

Það eru enn fluttir inn russneskir jeppar á hásingum UAZ 2206

[Hallgrímur Hrafn Gíslason, 4.2.2021 kl. 10:35]

https://www.google.com/url?sa=t&source=web&rct=j&url=https://www.telegraph.co.uk/cars/features/ineos-grenadier-need-know-4x4-taking-classic-land-rover-defender/&ved=2ahUKEwjghr73gtDuAhXO1qQKHWvjA4QQFjAregQIKRAB&usg=AOvVaw3UhFR4wU_abkreLtVOd4al&cshid=1612434663593

Þessum er ætlað að taka við af Landrover Defender,

[Gunnar Heiðarsson, 4.2.2021 kl. 11:04]

Allir þessir bílar geta rakið sögu sína aftur til Batman jeppans. Þó urðu nokkur straumhvörf þegar Ranga Rover kom á markað og má segja að Lada Sport sé einhverskonar míní útgáfa af honum. Ravinn á í raun ekki heima í þessari upptalningu, enda varla hægt að flokka þann bíl sem jeppa, mun heldur jeppling eins og tröllríður bílaheiminum í dag.

[Ómar Ragnarsson, 4.2.2021 kl. 23:37]

Ég tek það sérstaklega fram að RAVinn hafi ekki verið hátt og lágt drif, en fyrsta gerðin af honum var með sæmilega veghæð, sem tapaðist í seinni gerðum hans. Ég þekkti nokkra eigendur, sem gátu með lítilli breytingu gert hann að furðu duglegum torleiðisbíl, því að skögunin að framan og aftan var lítil.  Hann var sérstaklefa hannaður sem jepplingur en ekki hækkaður lítillega eftir á og sett í hann hátt og lágt drif, eins og gert var við Subaru Leone. 

[Ómar Ragnarsson, 4.2.2021 kl. 23:40]

Í myndinni "Akstur í óbyggðum" fer Subaru 1972 árgerð á kostum upp brakka lausamalarbrekku í 2. gír á lága drifinu og gefur Jimny jeppa langt nef.