"Við erum að sjá aukningu á fjölda þeirra sjúkdómstilfella, sem eru að koma í ljós."..."

Tvenns konar hvimleið árátta herjar á malfar margra og birtist í orðalagi eins og sýnt er hér að ofan. 

Þetta er 15 orða langloka með alls 26 atkvæmum stað þess að nota 2 orð með 5 atkvæðum:

"Við erum að sjá aukningu i fjölda þeirra sjúkdómstilfella, sem eru að koma í ljós"

þýðir á mannamáli:

"Sjúklingum fjölgar". 

Eða: 

Fleiri veikjast. 

Í langhundinum blandast saman tvenns konar hvimleið árátta; nafháttarsýki og nafnorðasýki. 

Algengast er að sjá síendurtekið "...við erum að sjá..."

sem er algerlega óþörf meiningarleysa en sumir virðast ekki geta verið án, heldur tönnlast á henni í tíma og ótíma, ef verið er að spyrja þá um eitthvað, til dæmis í viðtölum. 

Athugasemdir

[Húsari. (IP-tala skráð) 16.2.2021 kl. 09:50]

Sæll Ómar.

Þetta eru orð í tíma töluð.

Einnig mætti huga að sérhljóðum
rétt eins og gert er í kveðskap
að þau séu sem flest og að orð hefjist á sérhljóða.
Allt fellur betur hvað að öðru þannig.

En metnaður fyrir því að tala og skrifa svo vel sé
á íslensku þarf að vera fyrir hendi.

Í fréttum nýlega kom fram nýtt afbrigði af fréttamennsku.
Mátti heyra þetta í flestum fjölmiðlum:

"Trump hefur fullyrt,ranglega,að kosningasvik..."

Afleitt að fréttastofur hagi máli þannig enda eru þær tæpast
handhafar sannleikans fremur en nokkur annar er.

Minnir á trúboðsstöðvar sem halda fjandanum ótæpilega
að áhorfendum en boðskapurinn um Jesú Krist fer fyrir ofan garð
og neðan(!)