Hvað með negldu dekkin?

Kostnaðurinn við ræstingu útblásturslofts út úr jarðgöngum hefur verið mikill bæði hér á landi og erlendis. 

En þó er allur blástur ekki upp talinn, því að oft er loft ansi mettað af ryki frá negldum hjólbörðum í göngunum. 

Þegar síðuhafi var á ferð í Noregi fyrir tólf árum var hins vegar ekkert ryk í lengstu bílgöngum heims þar, því notkun negldra hjólbarða var þá bönnuð á þeim slóðum og líka bæði í Osló og Bergen. 

Nú er senn að líða vetur hér á landi, þar sem aðeins hefur verið snjóföl í tvo daga í allan heilan vetur á sama tíma sem tugþúsundir dekkja hafa lamið og barið göturnar. 

Á okkar miklu tæknitímum er merkilegt að ekki skuli hafa fundist ný ráð við hálku sem geti minnkað þessi ósköp. 

Billegri göng vegna rafbíla

Athugasemdir

[Jósef Smári Ásmundsson (IP-tala skráð) 10.3.2021 kl. 12:14]

Þú minnist ekkert á saltausrið á götum borgarinnar sem hefur valdið svifryksmengun. Af hverju að vera að salta þegar enginn snjór hefur komið?

[Ómar Ragnarsson, 10.3.2021 kl. 12:32]

Það blasir við á hverju vori og hverju hausti að svifrykið fylgir því hve mörg dekk eru negld.  Þar að auki sýna allar rannsóknir bæði hér á landi og erlendis, að naglarnir eyða malbikinu margfalt meira en saltið. 

Saltausturinn hefur verið réttlættur með því að með því sé ökumönnum gert kleyft að láta vera að negla dekkin.