Þarna gaus heldur betur, meðal annars fyrir rúmum þúsund árum.

Lambafell er aðeins fáa kílómetra frá Hellisheiðarvirkjun og eldstöðvunum, sem eru beinlínis á nýtingar- og uppdælingarsvæði þeirrar virkjunar. 

Þar runnu hraun og fór einn hraunstraumurinn alveg niður í Ölfus þegar verið var að setja kristni í lög á Alþingi og heiðnir menn sögðu, að hraunrennslið í áttina að Hjalla þar sem einn hinna hálfkristnu goða bjó sýndi að goðin væru reið. 

Og svar Snorra goða varð fleygt: "Hverju reiddust goðin þegar hraunið brann er nú stöndum vér á?"

Ef nú er að renna upp nýtt tímabil upp á nokkrar aldir með umbrotum á Reykjanesskaga, getur allur skaginn verið undir, eins og sjá má á góðu korti, sem birt var af honum á mbl.is fyrir nokkrum dögum. 

Skoða skjálftavirkni undir Lambafelli

Athugasemdir

[Halldór Jónsson, 29.3.2021 kl. 22:33]

Kristnitökuhraunið kom úr sprungunni sem er á miðri Hellisheiðinni og sú gjá sést vel frá þjóðveginum. Það sagði mér Árni Snævarr verkfræðingur.

[Halldór Jónsson, 29.3.2021 kl. 22:55]

Leitahraunið fyrir neðan Lambafell er 3500 ára gamalt er ekki svo?

[Ómar Ragnarsson, 30.3.2021 kl. 00:35]

Ójú, svo mun það vera.