Ömurlega illa leikið land á Reykjanesskaga.

Nú eru liðnir um tveir áratugir síðan teknar voru kvikmyndir úr lofti að ýmsum hlutum Reykjanesskagasns og einnig myndir af jörðu niðri sem sýndu átakanlega slæmt ástand jarðvegs og gróðurs vegna skefjalítils ágangs búfjár á landi, sem var fyrir löngu orðið óbeitarhæft. 

Nokkur atriði stungu í augun, svo sem sú staðreynd, að síðasta hrístekja, kjarrhögg á Reykjanesskaga fór fram árið 1935 á Strandarheiði. 

Þar með lauk sögu þeirrar tegundar rányrkju við landnytjar á skaganum.  Og einnig sýnir þetta, að það er ekki rétt að ásýnd þessa svæðis sé náttúrulegt og ósnortið. 

Rifjað var upp, að á fyrri öldum var stórbýli í Krýsuvík með tugum af hjáleigum og hjáleigum í byggð og sýnt á myndum úr lofti og af landi, að meirihluti þessa landssvæðis hafði orðið uppblæstri að bráð svo að um allt mátti sjá moldarflög og deyjandi gróðurtorfur. 

Í viðtali í þættinum Samfélaginu á Rás 1 fyrir nokkrum dögum lýsti landgræðslustjóri ástandi gróðurs á Íslandi í meginatriðum, og þar kom fram að svona ástand er verst á eldvirka svæðinu á suðurhluta landsins.  

Á stóru afréttunum sunnanlands hefur harðindum og öskufalli vegna eldgosa verið kennt einum um hjá þeim, sem telja grasnytjar og hríshögg ekki vera ástæðuna fyrir þessum hrikalega uppblæstri. 

En slíkt á einfaldlega ekki við á Reykjanesskaga á svæði, þar sem ekki hefur gosið í 800 ár né komið öskufall, og er þar að auki alls ekki á hálendi. 

Landgræðslustjóri upplýsti í útvarpsviðtalinu að verið væri að koma á fót beitarhólfum til þess að verjast þessum ágangi. Greinilega er þar undir högg að sækja, því að á sama tíma tala sauðfjáreigendur á þessu svæði um brýna nauðsyn til þess á aukinn og nýjan stuðning við þennan búskap, sem hefur verið að stærstum hluta tómstundabúskapur. 

 

Lýst sem uppblásnu landi eða aurmelum

Athugasemdir

[Hörður Þormar (IP-tala skráð) 3.6.2021 kl. 17:25]

Ekki er vænlegt að hafa búfé á beit á Reykjanesskaga á meðan eldgosið stendur yfir.

[Bjarni (IP-tala skráð) 3.6.2021 kl. 17:53]

Það að ég best veit áratugir síðan lausagangi búfjár var bönnuð á Reykjanesi,  Af hverju misti ég?  Aldrei sér maður rollur á beit þar.

[Grímur Kjartansson, 3.6.2021 kl. 19:18]

Reykjanesfólkvangur er um 300 km2 að stærð, langstærsta friðlýsta svæðið sinnar tegundar.
Man vel þegar maður var fyrst að keyra sjálfur reykjanesbrautina fyrir um 50 árum og vel meinandi Kivanis menn höfðu sáð í sárin meðfram brautinni og þar lágu rollurnar í eina gróðrinum sem sjánlegur var eins langt og augað eygði

[Ómar Ragnarsson, 3.6.2021 kl. 19:38]

Í pistli mínum lýsi ég aðeins því hvað kom út úr skoðuninni á Reykjanesfólkvangi fyrir síðustu aldamót. Þá var þetta svæði eitthvert það verst farna á landinu, og það sem maður sér nú virðist ekki líta mikið skár út, svo sem "aurflög" sem eru víða ásamt fjölda rofabarða.  

[Eyjólfur Jónsson, 3.6.2021 kl. 23:43]

Rofabörðin eru til skammar og er ekki einusinniáhugi hjá skógræktinni að stinga rofabörðin eða taka þau með gröfu sökum stærðar og hef ég sjálfur stungið rofabörð inni í Leirdal en varð að gefast upp vegna hjartveiki sem hrjáði mig þá. Allt aðhald á fólkvanginum er til ævarandi skammar og verður aldrei bætt

50 cal.