Ansi dæmigerð orðanotkun: "Ullu því klárlega" og "við erum að sjá."

Áratugum saman hefur verið farið rangt með sögnina að valda í fleirtölu þátíðar, en þar er, hliðstætt því að segja "olli" í eintölu, rétt að segja "ollu".

Í staðinn er talað um það í viðtengdri frétt á mbl.is að orkuskiptin í Bretland "ullu" eldsneytiskreppu. 

Orðið "klárlega" virðist vera í svo miklu dálæti, að orð eins og "næsta víst", "áreiðanlega", "vafalaust", "eflaust" og "ábyggilega" eru að hverfa. 

Og síðan er veldi orðanna "við erum að sjá", sem hnýtt er við hvers kyns upplýsingar í umræðu orðið slíkt, að einn sjónvarpsviðmælandi afrekaði það um daginn að segja "við erum að sjá" tvisvar í örstuttri setningu. 

 

 

 

 

 

 

 

 

2

Orkuskipti stór áhrifaþáttur eldsneytiskreppu

Athugasemdir

[Ingólfur Sigurðsson, 8.10.2021 kl. 14:55]

Það að kenna börnunum að beygja orð og setningar rétt er ekki óskylt íþróttaæfingum, og erum við Íslendingar heppnir að eiga þetta mál sem gerir kröfur til okkar. Foreldrar ættu að setja börnunum sínum fyrir að beygja setningar og orð. Hreyfingarleysi hugans og hreyfingarleysi líkamans er sitthvað.

"Við erum að sjá"... já, þetta er hvimleið enskuþýðing á "we´re seeing"... óþörf setning, sem mætti stundum þýða sem, það sem um er að ræða, í þessu tilfelli... ofsv, eða sleppa henni alveg.

[Ómar Ragnarsson, 8.10.2021 kl. 18:46]

Afsakið innsláttarvillur og fleira, sem fóru fram hjá mér fyrr í dag en er verið að leiðrétta núna.