Álit setts forstjóra Landsspítalans hlýtur að vega þungt.

Í umfjöllun gærdagsins um hugsanlegar tilslakanir á Landsspítalanum kom greinilega fram, að þar innan húss felist hættan á myndun flöskuháls í afköstum varðandi aðgerðir af margvíslegum toga, svo sem aukin pressa á aðgerðir sem hættulegt geti verið að láta dragast. 

Ekki var annað að heyra á sóttvarnalækni í gær en að hann sjálfur hefði ekki sömu möguleika á að meta ástandið þarna eins og forstjóri Landsspítalans.  

Forstjóri Landspítala segir rými til tilslakana

Athugasemdir

[Hallgeir Ellýjarson, 15.10.2021 kl. 20:54]

Ég veit ekki mér finnst þetta dálítið sérstakt að lélegur rekstur á spítala geti haldið heillri þjóð í gíslingu. Stjórnvöld gætu þá þess vegna haldið á spilunum þannig viljandi til þess að skerða frelsi borgaranna til lengri tíma.

Maður klórar sér í hausnum nú þegar talað er um áframhaldandi frelsisskerðingar vegna mögulegs inflúensufaraldurs.

[Ómar Ragnarsson, 15.10.2021 kl. 23:12]

Nokkrar staðreyndir hafa komið fram  að undanförnu. 

Íslendingar hafa í áratug varið minnstu allra þjóða í okkar heimshluta í heilbrigðismál. 

Mismunurinn samsvarar 6-7 milljörðum á ári. 

Uppsafnaður vandi orðinn 60 milljarðar. 

Hef farið nokkrum sinnum inn á bráðavaxt og upplifað ástand þar í samræmi við þetta á sama tíma og þjóðin eldist.