Íslands þúsund ár

10.4.2022 | 22:31

Hvað segja "kuldatrúarmenn" við þessu?

Síðusta áratug hafa efasemdarmenn um loftslagsbreytingar farið mikinn í því að fullyrða að "40 þúsund fífl" hafi verið á Parísarráðstefnu Sameinuðu þjóðanna í París í desember 2015. Allt væri að ruglu og bábiljur, sem þar hafi verið rætt, hvað þá niðurstaða ráðstefnunnar.

Margir þessara "kuldatrúarmanna", meðal annars í bloggheimum og netheimum, gengu lengra og færðu fram fjölda niðurstaðna "virtra vísindamanna" sem sýndu hið þveröfuga, að loftslag "færi hratt kólnandi" og að vísindalegar niðurstöður sem Parísarráðstefnan byggðist á, væru tilbúningur einn og falsfréttir.

Enn fengu kuldatrúarmenn byr í seglin með tilkomu Donalds Trumps sem bætti við betur og kvaðst ætla beita sér fyrir því að láta reka alla falsvísindamanna heimsins og ráða "alvöru" vísindamenn í staðinn. (Sem voru væntanlega sammála honum).

Svo langt gekk þetta, að birtar voru myndir, sem áttu að sýna að jöklarnir hefðu gengið langt fram, og einna lengst skriðjökull á vesturströnd Grænlands, um meira en hundrað kílómetra síðan seint á 19. öld og væri enn á framskriði!

Myndir af rýrnun íslenskra jökla taldi einn kuldatrúarmaðurinn falsaðar á þann veg, að íslenskir vísindmenn sneru þeim við; myndirnar sem ættu að sýna jökulinn eins og hann var, væru í raun af honum eins og væri núna, - og ofugt.

Hjá Landmælingum Íslands hefur verið unnið að því í aldarfjórðung undir forystu þýska prófessorsins Ulrich Munzers að koma upp mælipunktum á völdum stöðum fyrir nákvæmar gps hæðarmælingar.

Nú sést hér á viðtengdri frétt á mbl. kort sem sýnir á grundvelli þessara mælinga, það sem íslenskir vísindindamenn höfðu spáð fyrir, að sá hluti landsins, þar sem mestir jöklar eru, hefur risið um allt að 20 sentimetrum samfara rýrnun jöklanna.

Einn kuldatrúarmanna kvaðst fyrir nokkrum árum hafa brugðið máli sjálfur á jöklana og komist að því sjálfur með hliðsjón af gögnum frá NASA, og hið rétta væri, að jöklarnir væru ekkert að minnka!

Hvað skyldu hann og hans skoðanabræður segja núna um þessi nýju gögn?

Falsanir fyrir 40 þúsund fífl?

Missýning milljóna ferðamanna sem hafa farið framhjá jökulsporðunum?

	Landrisið er beintengt afkomu jökla
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt s.d. kl. 22:50 | Facebook

Athugasemdir

Er maður kuldatrúarmaður, ef maður leyfir sér að draga í efa að hlýnun jarðar stafi eingöngu af mannavöldum?

Hvert er kolefnisspor Íslands í stóra samhenginu?

Góðar stundir, með kveðju að sunnan.

Halldór Egill Guðnason, 10.4.2022 kl. 23:35

Ef við skiptum jarðarbúum upp í um 30 þúsund samfélög, sem væru með um hálfa milljón íbúa hvert, mörg þeirra borgarsamfélög eða svæðissamfélög af slíkri stærð, yrði kolefnisspor Íslands svipað og hvers hinna samfélaganna.

Ef Ísland eitt ætti að fá undanþágu vegna þess hve hluti þess er lítill, ættu öll hin samfélögin rétt á hinu sama.

Það er enginn að tala um að hlýnun lofthjúpsins sé eingöngu af mannavöldum, heldur hitt, að svo stór hluti hlýnunar hans sé af mannavöldum, að það muni mikið um það.

Ómar Ragnarsson, 11.4.2022 kl. 00:05

Próf. Harald Lesch með smá kennslustund í loftslagsvísindum (hægt er að ná í íslenskan eða enskan texta): Harald Lesch: Der Klimawandel [ZDF]

Hörður Þormar, 11.4.2022 kl. 10:49

Hvaða máli skiftir hvort einhverjir jöklar breytast á milli áratuga?
Það er normalt.
Nema þú sért einhverskonar kolefnistrúarmaður, sem trúir ekki á náttúruna.

Ásgrímur Hartmannsson, 11.4.2022 kl. 13:07

Sæll Ómar.

Til lukku! Loksins, loksins erum við á leiðinni fjandans til!

Með þetta eins og Íslandsbanka: Saman er bræðra eign best að líta!

Húsari. (IP-tala skráð) 11.4.2022 kl. 14:14

Getur þú upplýst hve stórir jöklar voru um landnám

Hallgrímur Hrafn Gíslason, 11.4.2022 kl. 14:34

´Íslenskir vísindamenn áætla samkvæmt þeim gögnum, sem fyrir liggja, að þeir hafi verið minni en jöklarnir eru núna, en hins vegar stærri en jöklarnir hér verða á næstu öld ef hlýnunin heldur áfram.

Ómar Ragnarsson, 11.4.2022 kl. 14:53