Kirkjurnar í Coventry og Köln.

Í Seinni heimsstyrjöldinni fóru stórkostleg menningarverðmæti forgörðum í loftárásum beggja aðila. Nöfn dómkirknanna í Coventry í Bretlandi og Köln í Þýskalandi koma upp í hugann. 

Einkum var eyðileggingin í Coventry 14. nóvember 1940 hræðileg, því að í þeirri árás einbeittu Þjóðverjar sér að borgum með menningarminjum og virtist það vera hluti af þeirri ætlun að brjóta barúttuþrek Breta niður. Eyðileggingin var nær alger í Coventry, því aðeins útveggir stóðu eftir af kirkjunni.  

Í Köln sprungu um 70 sprengjur í eða alveg við kirkjuna og varð hún, einkum þakið, illa úti, en fyrir harðvítugt starf slökkviliðs tókst að leggja grunn að endureisn kirkjunnar, sem ekki var mögulegt í Coventry. 

Árás Bandamanna á Dresden í ársbyrjun 1945 var enn hörmulegri varðandi borg fulla af flóttamönnum og með enga hernaðrþýðingu á lokamánuðum stríðsins. 

 

Menningararfur Úkraínu í hættu

Athugasemdir

[Halldór Jónsson, 13.4.2022 kl. 23:53]

Þetta bliknar allt við síðustu afrek Pútíns sem sanna að mannkynið hefur ekkert lært né fíflskan ekkert minnkað. EN AEG slapp mikið til við bombur. Af hverju?

[Ómar Ragnarsson, 14.4.2022 kl. 00:54]

Afrek Hitlers hljóðuðu uppá 6 milljónir Gyðinga auk margra milljóna í viðbót. 

Stalín stóð að dauða 3ja til 10 milljóna í Úkraínu auk milljóna í viðbót. 

[Jóhann Elíasson, 14.4.2022 kl. 09:36]

Ómar þú ættir nú að kynna þér hlutina áður en þú ferð að bulla einhverja vitleysu sem enginn fótur er fyrir.  Sannleikurinn er sá að steindu gluggarnir í kirkjunni í Coventry voru fjarlægðir og þeim komið í geymslu, því einhverra hluta vegna vissu menn af þessari loftárás sem var yfirvofandi.  Hvernig sem stóð á því fundust þessir gluggar síðar á Akureyri og gerði Karl Smári Hreinsson heimildarmynd um þetta og skrifaði margar greinar um þetta mál en greinilega hefur þetta allt farið framhjá þér...........

[Þorvaldur Sigurðsson (IP-tala skráð) 15.4.2022 kl. 16:46]

Jóhann, eitthvað hefur farið framhjá þér af sögu glugganna í Akureyrarkirkju. Staðreyndin er sú að aðeins einn gluggi frá Coventry er í Akureyrarkirkju. 

https://www.mbl.is/greinasafn/grein/1013760/

[Jóhann Elíasson, 22.4.2022 kl. 10:58]

Þorvaldur, það voru gerðar miklar tilraunir til þess að  þagga þetta mál niður og voru skrifaðar nokkrar blaðagreinar í því tilfelli.  Ekki veit ég hvar á landinu þú ert en ef þú ert staddur á höfuðborgarsvæðinu þá getur þú séð  steinda glugga úr kirkjunni í Coventry í Áskirkju í Reykjavík, en þessir gluggar eru ekki á úthlið kirkjunnar heldur inn af anddyri hennar (sem ég á svolítið erfitt með að skilja hver skýringin er á).  Auk þess sem einhverjir steindir gluggar frá kirkjunni í Coventry eru á Akureyri.Ég hvet þig eindregið til þess Þorvaldur að horfa á þessa heimildarmynd og kynna þér þessi mál almennilega......