Nálægð við Rússland hefur ráðið miklu fyrir Svía og Norðmenn.

Í gegnum aldirnar hafa stríð við Eystraaalt verið mörg og gengið á ýmsu. Svíar náðu um hríð að komast áleiðis austan megin við þetta innhaf, og hefur tekist að halda hlutleysinu síðustu hundrað ár, en urðu þó að gefa það eftir þegar veldi Hitlers var mest, að leyfa herflutninga Þjóðverja frá Narvik til austurvígstöðvanna um sænskt land, þó án vopna. 

Þeir lágu þá afar óheppilega innikróaðir í áhrifasvæði Hitlers, sem tímdi þó ekki að beita þá hervaldi, því að her Svía hefur alla tíð verið afar öflugur. 

Hinar Norðurlandaþjóðirnar á meginlandinu fóru allar verr út úr því að halda sig við hlutleysi, og vegna mikilvægis járnnámanna í Kiruna og Gellivara í Svíþjóð og flutningaleiða frá þeim, voru bæði Danmörk og Noregur hernumin frá apríl 1940 og út stríðið. 

Finnar lentu tvívegis í stríði við Rússa og eftir stríð urðu þeir að sætta sig við svokallaða Finnlandiseringu, þar sem þeir komust að vísu furðu langt í því að viðhalda sterkum tengslum við vestrænar þjóðir með "leyfi" Rússa. 

Danmörk og Noregur hafa verið NATO þjóðir, en Svíþjóð og Finnland eins konar hlutlaus "stuðpúði" (buffer zone) á milli NATO og Rússlands. 

Núna er staðan þannig að hvað sem Svíar og Finnar gera, er það háð mikilli óvissu. 

Miðað við atburðarásina í Úkraínu er afar erfitt að spá. 

Ákvörðun um inngöngu í NATO innan „nokkurra vikna“

Athugasemdir

[Bjarni (IP-tala skráð) 14.4.2022 kl. 11:11]

1. Febrúar 2022 réði rúsland yfir næst öflugasta her í heimi

1. Apríl 2022 réði rússland yfir næst öflugasta her í Úkraínu

Oh how the mighty have fallen.

Ef ekki væri fyrir ótalin fjölda kjarnorkuvopna rússa væri stærsta frétt dagsins um skærur á landamærum Kína og Finnlands.

Rússland er failed state þar sem leiðtogR ríkisins eru uppaldir í leiniþjónustu ríkisins, óheflaðir ruddar sem ekkert þekkja nema kúgun og ofbeldi.

Það er hlálegt að eini leiðtogi rímisins sem ekki hefur þrifist á því að beita eigin þegna og þegna annara ríkja undir áhrifasvæði rússa ofbeldi og kúgun var hinn sífulli Boris Jeltsin.  Þó má gefa Gorbachow smá kredit.

Þetta er nú orðið útlagaríki sem á enga samleið með hinum siðmenntaða heimi.  Þeirra eini bandamaður er offitusjuúklingurinn í Norður Kóreu, ekki einu sinni kínverjar kæra sig þeirra selskap.  Það á eftir að taka rússa áratugi að fá aðgang að samfélgi þjóða.