GM lagði Þjóðverjum lið og Ford Rússum fram yfir 1940.

Viðskipti og "bísniss" eiga sér oft skringilegar leiðir í gegnum og þvert á víglínur og bandalög. 

Þannig var það í báðum Heimsstyrjöldunum. 

Bandarísk fyrirtæki höfðu fjárfest í þýskum í báðum styrjöldunum, og í þeirri seinni má nefna Opel bílaverkmsiðjurnar sem dæmi. 

Þar var ekki bara um venjulega fólksbíla að ræða, heldur líka vörubíla, svo sem af gerðinni Opel Blitz, sem gat verið fjórhjóladrifinn og komið í góðar þarfir í "Blitz krieg" Hitlers. 

General Motors hætti þessu ekki að fullu fyrr en seint árið 1943. 

Henry Ford var lengi grunaður um græsku varðandi jákvæð viðhorf til evrópsku einræðisherrana og átti við þá ýmis samskipti fyrir strið, einkum Rússana.  

Gott dæmi um það, af því að við Íslendingar könnumst við fyrirbrigðið, er drifbúnaður fólksbíla og þó einkum jeppa og vörubíla. 

Öxlarnir eða "hásingarnar" á Rússajeppunum sjást langar leiðir að, en þær eru fengnar frá Ford T og Ford A og hengu rússnesku kommarnir á þeim langt fram eftir öldinni. 

Ford sneri hressilega við blaðinu þegar Japanir réðust á Pearl Harbour og verikmiðjur hans unnu fágætt afreki i framleiðslu hergagna, einkum B-24 Liberator sprengjuflugvélanna. 

Fyrstu stóra sprengjuflugvélarnar, sem Sovétmenn smiðuðu og gátu borið kjarnorkusprengjur voru nákvæmar eftirlíkingar af Boeing B-29 Superfortress, en Bandaríkjamenn skildu slíkar vélar eftir á sovésku yfirráðasvæði undir lok stríðsins og leyfðu Rússum að nýta sér þær. 

Þegar Sovétmenn smíðuðu fyrstu kjarnorkusprengjur sínar voru þessar bandarísk/sovésku vélar því tilbúnar í slaginn til að varpa kjarnorkusprengjum á Vesturlönd!

Í Úkraínustríðinu núna liggja viðskiptalegir þræðir víða eins og dæmin sýna varðandi MiG 21 þoturnar sovésku, sem þykja hentugastar fyrir NATO þjóðina Pólverja til að berjast við Rússa ef til kæmi! 

 

Athugasemdir

[Ásgrímur Hartmannsson, 1.6.2022 kl. 23:08]

Það er alveg vitað að Henry Ford var í liði með sósíalistum.  Af einhverjum ástæðum.  Skil ekki, þeir hefðu þjóðnýtt verksmiðjurnar hans ef þeir hefðu geta það.
Sovétið "fékk að láni" hönnun frá GM til að nota sem limmó undir elítuna.  Buick 1948, minnir mig.  Skiftu svo yfir í bara Buick vélar, minnir mig, með Chrysler skiftingum.
Held þeir haldi bílunum á Kúbu gangandi með Zil varahlutum.  Hljómar sennilega.
Sovét limmó eru mögnuð fyrirbæri.  Stærðin á þessu...