Málfjólur í fjölmiðlum: "Í kvöld í dag" og "skot í markhornið í vítateignum."

Í íslensku hefur verið skýrt, hvernig kvöldum, dögum og nóttum, sem eru næst í tíma er raðað í með sérstökum heitum, sem allir hafa skilið og notað. 

Fjórir dagar eru í röðinni: Eitthvað gerðist í fyrradag, í gær, í dag eða  á morgun. 

En það er til marks um hrakandi málkennd, að æ oftar má heyra rígfullorðið fólk ruglar þessu saman, og það meira að segja all hressilega. 

Í útvarpsfrétt í hádeginu var til dæmis sagt, að íþróttaleikur nokkur yrði leikinn "í kvöld í dag." Sennilega til þess að hafa það á hreinu, að ekki yrði leikið "annað kvöld." 

Eða kannski, miðað við málkenndina, þ. e. að ekki yrði leikið "í kvöld á morgun."  

Í sama fréttatíma var sagt að knattspyrnukona hefði "skotið hnitmiðuðu skoti í markhornið í vítateignum."

Nú vita flestir að markhornið er alls ekki í vitateignum, en til sanns vegar má færa, að markhornfið sé í markteignum, strangt til tekið.   

Æ algengara er að ruglað sé með orðaröð eins og dæmin hér að ofan sýna. 

 

Barcelona Evrópumeistari eftir sigur í vítakeppni

Athugasemdir

[Þorvaldur Sigurðsson (IP-tala skráð) 20.6.2022 kl. 23:18]

Er markteigurinn ekki í vítateignum? Og sé nú svo, sem ég held endilega, hlýtur markhornið að vera í vítateignum, strangt til tekið.