Íslendingurinn: Þetta reddast, - látum á það reyna.

Buið er að kyrja aðalfrétt þessarar helgar dögum saman varðandi það að í aðsigi sé eins mikið fárviðri og hugsast getur með tilheyrandi rauðri viðvörun, sem er efsta mögulega stig. 

Samt eru bílar fastir tugum saman á óveðurssvæðinu og hámarks útkall björgunarsveita í gangi. 

Engu virðist skipta, þótt sagt sé að vegum sé lokað, samt er sama ástændið og ævinlega virðist vera þegar mestu illviðri ganga yfir landið. 

Fólk beðið um að vera ekki á ferli að óþörfu

Athugasemdir

[Vagn (IP-tala skráð) 25.9.2022 kl. 17:57]

Úlfur! Úlfur! Stöðugar viðvaranir þó ekki sé von á neinu sérstöku á flestum stöðum. Ósjálfrátt hættir fólk að taka mark þegar það man margar aðvaranir en fá óveður.

[Ómar Ragnarsson, 26.9.2022 kl. 00:21]

Rauðar viðvaranir verða að teljast fátíðar, ná varla einni á ári. 

[TJ (IP-tala skráð) 26.9.2022 kl. 00:37]

Það var ekki rauð viðvörun á Mývatns- og Möðrudalsöræfum, hins vegar virðist eitthvað hafa misfarist við lokun þeirrar leiðar. Var henni lokað eins og tveimur tímum of seint, eða gleymdist að gera ráð fyrir bílum sem kunna að hafa verið t.d. við Dettifoss?

Af fréttum að dæma virðist þar aðallega hafa verið erlent ferðafólk og sé það tilfellið er ljóst að veðurviðvaranir skiluðu sér ekki til þess. Ætli hafi verið send sms-skeyti til allra síma (a.m.k. þeirra með erlend sim-kort) sem tengdust farsímamöstrum á svæðinu í aðdraganda lokunarinnar? Það gæti verið einföld leið til að vekja athygli fólks sem ekki horfir eða hlustar reglulega á íslenskar (veður)fréttir.

[Vagn (IP-tala skráð) 26.9.2022 kl. 23:24]

Gul, rauð græn eða blá. 50 viðvaranir frá 1. júní til 31. ágúst. Það voru fleiri dagar með viðvörun en án. Manst þú stormasumarið mikla 2022?

Og þær rauðu á árinu ekki svo fátíðar, tvær í febrúar og ein í september með þrjá vetrarmánuði eftir.