Allur Reykjanesskaginn að færast í eldvirknisfasa? Aftur spurt um reiði goða?

Upphaf eldanna við Fagradalsfjall í formi mikillar skjálftavirkni hringdi engum sérstökum bjöllum hjá fólki. 

Allur Reykjanesskaginn hafði verið án eldsumbrota í átta aldir, og meintur órói við Reykjanestá um svipað leyti og Skaftáreldar byrjuðu, breytti þessu megin rólegheita ástandi ekki. 

Þess vegna komu allir af fjöllum þegar eldgos hófst í Geldingadölum, og aftur þegar það tók sig upp á ný. 

Aðeins lengra kyrrstöðutímabil hefur verið á austanverðum Reykjanesskaganum en hinum vestanverða hluta hans. 

Munurinn er ekki mikill; um það bil tvö hundruð ár. En í kringum árið þúsund var heilmikið um að vera á svæðinu þar sem nú liggja tveir megin þjóðvegir, Þrengslavegurinn og leiðin yfir Hellisheiði. 

Hraunstraumar runnu meðal annars niður í vestanvert Ölfus, þegar Snorri goði spurði á Alþingi hverju goðin hefðu reiðst þegar hraunið brann, sem menn stóðu þar á í framhaldi af því að heiðnir menn ýjuðu að því að nú væru goðin reið þegar hraun rynni í átt til bæjar eins hálfkristna goðans. 

Heilmikið hefur verið borað eftir heitu vatni á þessu svæði síðustu áratugi og heitu vatni tappað af með þeim afleiðingum að land hefur sigið þess vegna. 

Kannski ekki vitlausara en margt annað spyrja aftur um hugsanlega reiði goðanna. 

Aukin jarðhitavirkni undir Hringvegi

Athugasemdir

[Guðmundur Örn Ragnarsson, 12.5.2023 kl. 05:12]

Ómar góð áminning hjá þér.

Náðardegi Drottins er rétt að ljúka og þá tekur við Dagur reiði Guðs.

Eldsumbrotin eru til að aðvara okkur áður en tortímingin hefst og þannig leiða okkur til iðrunar svo við verðum ekki reiðinni að bráð.

10 En dagur Drottins mun koma sem þjófur, og þá munu himnarnir með miklum gný líða undir lok, frumefnin sundurleysast í brennandi hita og jörðin og þau verk, sem á henni eru, upp brenna.

11 Þar eð allt þetta ferst þannig, hversu ber yður þá ekki að ganga fram í heilagri breytni og guðrækni, 12 þannig að þér væntið eftir og flýtið fyrir komu Guðs dags, en vegna hans munu himnarnir leysast sundur í eldi og frumefnin bráðna af brennandi hita.

13 En eftir fyrirheiti hans væntum vér nýs himins og nýrrar jarðar, þar sem réttlæti býr.

14 Með því að þér nú, þér elskuðu, væntið slíkra hluta, þá kappkostið að vera flekklausir og lýtalausir frammi fyrir honum í friði. (2. Pét. 3).

8 En vér, sem heyrum deginum til, skulum vera algáðir, klæddir brynju trúar og kærleika og von hjálpræðis sem hjálmi.

9 Guð hefur ekki ætlað oss til að verða reiðinni að bráð, heldur til að öðlast sáluhjálp fyrir Drottin vorn Jesú Krist, 10 sem dó fyrir oss, til þess að vér mættum lifa með honum, hvort sem vér vökum eða sofum. (1. Þess. 5).

Eins var og á dögum Lots: Menn átu og drukku, keyptu og seldu, gróðursettu og byggðu. En daginn, sem Lot fór úr Sódómu, rigndi eldi og brennisteini af himni og tortímdi öllum.

Eins mun verða á þeim degi, er Mannssonurinn opinberast. (Lúk. 17:28-30).

[Ingólfur Sigurðsson, 12.5.2023 kl. 13:48]

Goðin skipta sér af bæði beint og óbeint, guðir og gyðjur. Þó ekki sízt fyrir atbeina álfa og huldufólks, sem láta vita af spjöllum á landinu eða ef þeirra svæðum er raskað. Þessi saga úr kristnitökunni sýnir að þeir hafa verið skarpskyggnir, heiðnu mennirnir. Skjálftahrinan á Reykjanesskaga 2021 byrjaði um það leyti sem dánardagur Brúnós var, 24. febrúar, en dánardagur hans var 17. febrúar. Ég taldi þetta tengjast því að verkstæðið hans afa var rifið í lok apríl 2021 og húsið þeirra, en mikla álfabyggð tel ég vera þarna og álfar og huldufólk hafa áhrif. Grið eru rofin þegar álfabústaður sem hefur samþykkt byggð fólks í grennd við sig verður fyrir raski. Það tekur langan tíma að fá samþykki álfa fyrir mannabyggð, þetta gera ekki margir sér grein fyrir. 

 

Fyrstu árin sem afi og amma bjuggu þarna urðu ýmis slys, veikindi og óhöpp sem tengja má við reiði álfanna yfir að komið var inná þeirra svæði. Afi varð undir vélskóflu sem hann gerði við fyrir bæinn 1951, og það kostaði hann næstum lífið, var hann marga mánuði að jafna sig. Bilanir urðu á vélum sem voru undarlegar. En eftir 1955 hættu slík óhöpp, og við fengum vernd álfa, sem sýnir sig í því að bilanir urðu varla í þeim vélum sem afi gerði við. 

 

Sýnin og skynjunin sumarið 2022 var þó sérlega dýrmæt. Ég hafði gert mér grein fyrir því að Víghólarnir tengdust því að vígja goða og völvur til þjónustu við goðin en ekki við vígaferli. Ég ólst þarna upp við hlið Víghóls hins minni, (neðri stundum kallaður).

Ég var nákvæmlega leiddur á staðinn þar sem hörgurinn hafði verið á heiðnum tíma og sá hann eins skýrt og hús byggð af mönnum. Ég var staddur við víghólinn þegar ég var leiddur á rétta staðinn. Hörgurinn var ekki á sama stað og víghóllinn heldur þar í brekkunni þar sem er útsýni til allra átta, út á sjóinn og samband við höfuðskepnunar fjórar.

Ég komst að því að heiðnir menn höfðu átt bókasöfn og þau voru geymd í hörgunum. Orðið bók er myndað úr orðinu beyki, sem var notað yfir trébúta úr beyki eða öðrum viði. Sennilega voru þessir trébútar alltaf með rúnum. 

Ég sá í suðausturhorni hörgsins stafla af þessu sem álfarnir kölluðu "köfl", en það er fleirtala af kafl, sem er orðstofninn í orðinu kafli. Orðið kefli er einnig dregið af þessu týnda orði. Rúnakefli er samheiti.

Ekki þarf að undra að rúnakeflin séu ekki lengur til. Auðvelt var að brenna þau og útmá þannig þessa menningu.

Síðan var þarna fórnarstallur og altari, og dýr í einu horni hörgsins, og fólk hafði þarna búsetu allt árið líka, sem sá um helgiathafnir og slíkt.

 

En hverju reiðast goðin og er hægt að friða þau? Er hægt að friða álfana? Álfarnir eru einstaklega góðir og okkur til verndar. 

Það er kraftaverk að ekki hafi orðið kjarnorkuslys í Úkraínu og það er álfum að þakka, tel ég. Það var haldin ráðstefna álfa og geimvera á Íslandi einmitt 2022, og stóð frá miðjum júní fram í byrjun júlí. 

Þar kom fram að þeim er ekki sama um okkur. Framtíð þeirra og okkar framtíð tengjast. Ef okkar hnöttur rústast hefur það áhrif þarna lengra í burtu.

 

Ég fór upphaflega að spyrja álfana um jarðskjálftana en svo komst ég að því að þeir voru líka að funda um hvernig hægt væri að koma á friði í Úkraínu. 

Þetta tengist saman. Síðustu tímar segja sumir, en þetta er bara eitt óróaskeið af mörgum. Það gæti þó orðið það síðasta, en þarf ekki að vera.

 

Við Íslendingar verðum að koma á friði í Úkraínu á þessari ráðstefnu í næstu viku. Selenskí verður að skilja að það eru öfl sem vilja eyðileggja Úkraínu og Rússland, Rússar eru ekki óvinirnir heldur andleg öfl.

Friður verður að komast á, og með því að skilja og viðurkenna eitthvað af kröfum árásaraðilanna í stríðum er hægt að koma á friði. Þetta veit líka Gorbachev.

 

Goðin reiðast, en það er ekki aðalmálið, þau eru til að hjálpa að mestu leyti. Það er heimska mannanna og grimmd sem er aðalvandamálið. Við erum vanþroskuð tegund og erum með alltof mikla tækni þannig að við getum farið okkur að voða.