Skákskýrendur eiga oft erfitt.

Skák er form hernaðarlistar með ýmis einkenni bardagaíþrótta. 

Það var til dæmis eftirminnilegt að vera meðal áhorfenda í Laugardalshöll 1972 þegar Fisher tók allt í einu upp á því að leika leik, sem enginn í salnum kannaðist við að hefði verið leikinn í þeirri stöðu, sem þá var á skákborðinu. 

Næstu leiki klóruðu skákskýrendur í salnum sér í höfðinu og vissu ekki sitt rjúkandi ráð, og svipað virtist eiga við Spasskí. 

Þegar snilldin á bak við þennan leik Fisher birtist síðan og leikurinn var sá leikur, sem meira en nokkuð annað varð vendipunktur í einvíginu, gafst Spasskí upp og sagt er að hann hafi gert það með því að mæla hrósyrði við Fisher.  

Í bardaga Ali og Foreman 1974 dansaði Ali fram í aðra lotu, en breytti síðan um aðferð, þvert ofan í ráð Angelo Dundee, og lá að mestu í köðlunum og leyfði Foreman að berja sig, en kom síðan með snarpar og stuttar gagnsóknir sem truflu Foreman og hann fann ekki svar við. 

Í lok 8. lotu var Foreman búinn að eyða orku sinni og höggþunga og var rotaður í glæsilegri og snarpri gagnsókn Alis. 

Auðvitað er erfitt að fullyrða neitt um það hernaðartafl sem nú er teflt í Ukraínustríðinu. 

Bardagareynsla er eitt af höfuðatriðum hernaðar og íþrótta og aðilar í stríðinu hafa báðir viðað henni að sér. 

Það minnir á aðdraganda stríðsins þar sem Hitler senndi lið í undanfara Heimsstyrjaldarinnar til að taka þátt í borgarastyrjoldinni í Spáni til að öðlast reynslu og prófa skæða nýja tegund hernaðar, fyrst þar, en síðan einnig í Póllandi í september 1939.  

Með þá undirstöðu í farteskinu var búið að ydda nýja hernaðartækni, "Blitzkrieg" sem skilaði stórsigri í Niðurlöndum og Frakklandi, en nýttist ekki í orrustunni um Bretland, sem var að mestu fólgin í lofthernaði og landhernaður ekki í boði án sigurs í lofti.  

Friðrik hvumsa yfir Prígosjín

Athugasemdir

[Baldvin Nielsen (IP-tala skráð) 25.6.2023 kl. 14:07]

Þegar ég dóttir mín vorum á HM í Rússlandi 2018 var síðasti leikur Íslands við silfur liðið Króatíu í Rostov Borgin tekur mikið pláss í fréttum í þessari atburðarrás í Rússlandi en á leið okkar til Rostov  með lest frá Volgogrand áður Stalíngrand kom inn á símann minn frá Vodófone skilaboð ,, Velkomin til Úkraníu'' Ég sagði við dóttir mína að líta út og sjá hvort það væru skriðdrekar fyrir utan við værum greinilega ekki langt undan víglínunni. Þegar til Rostov var komið og á leið okkar á leikinn kominn á stórt bílastæði fyrir glæsilega fótboltahöll sem byggð var fyrir heimsmeistaramótið með skógi vaxið svæði hinum megin við stæðin kallaði dóttir mín á mig pabbi sjáðu alla hermennina og skriðdrekkanna. Ég snéri mig til að kíkja inn í skóginn og það var rétt hjá henni þarna var greinilega rússneskur herflokkur í varðstöðu með radsjá til að standa klár á ef flugskeyti yrði skotið á fótboltavöllinn dfatt mér í hug. Þetta segir manni a.m.k. að spennan er ekki ný byrjuð spurningin er bara hvenær endar hún og hvernig

Baldvin Nielsen