Askja virðist líka vera eingöngu í biðstöðu.

Askja, Grímsvötn, Katla og Hekla eru þær eldstöðvar, sem helst gætu tekið upp á því að fara að gjósa til samlætis gosinu við Fagradalsfjall, af því að vísindamenn hafa metið ástand þeirra þannig, að það sé "kominn tími á " þær. 

Undir Öskju var skjálftahrina mánuðum saman og kvika taldist komin upp á aðeins tveggja kílómetra dýpi og því ástæða til að huga að viðbúnaði af þeim sökum. 

Af þessum sökum hefur starf varðandi eina stóra flugvöllinn í næsta nágrenni orðið mun meira og erfiðara en þau tólf ár, sem hann hefur haft alþjóðlega skráningu og viðurkenningu undir skráningarheitinu Sauðárflugvöllur - BISA. 

Af því að völlurinn hefur þá sérstöðu að verða nothæfur í nokkrar vikur á sama tíma sem allar landleiðir í kring voru ófærar, var það leyst með því að hafa þar staðsettan gangfæran jeppa, sem hægt væri að nota til völtunar vallarins um leið og fært yrði um hann.

Var þá hægt að fljúga til hans og lenda á honum og klára þetta á einfaldan hátt. 

Í fyrra bilaði bíllinn og þurfti þá að fara í tímafrekar ferðir alla leið fræa Reykjavík til Sauðárflugvallar, alls um 1750 kílómetra hvora leið til að draga valtannn nokkur hundruð kílómetra samtals til að fara yfir allar fimm flugbrautirnar, sem eru alls tæplega fimm kílómetra langar, sú lengsta 1300 metrar.  

Fyrstu flugferðina fór Arngrímur Jóhannsson á TF-ABM frá Akureyri til að gefa grænt ljós á völlinn og síðar var farið við þriðja mann á tveimur Jodel flugvélum í eigu bræðranna Jóns Karls og Hauks Snorrasonar. 

Áður hafa verið sýndar myndir af komu flokks Íslendinga á 19 sæta tveggja hrayfla Twin Otter vélar alla leið frá Stokkhólmi, sem lentu í blandaðri aðgerð bæði vélinni og með því að stökkva út úr vélinni.   

Nú er lokið við að valta allan völlinn í ferð sem tók fjóra daga og með því búið að staðfesta fyrri athuganir á honum; sen sýna hæfi hans til notkunar fram á næsta vetur. 

Engin áhrif á flugumferð að svo stöddu

Athugasemdir

[Vagn (IP-tala skráð) 10.7.2023 kl. 21:06]

...að vísindamenn hafa metið ástand þeirra þannig, að það sé "kominn tími á " þær.   Ég get skilið að landris, jarðskjálftar og þannig óvenjuleg hegðun jarðskorpunnar veki upp grunsemdir um að gos gæti verið í aðsigi. En tikkið í skeiðklukku eða skrjáfið í dagatali get ég ekki með nokkru móti tengt við eldgos. Og ef vísindamenn eru að nota skeiðklukkur og dagatöl til að spá fyrir um gos þá hafa þeir sofið í tímum og einhver vinur tekið prófin. Sennilegra er að verið sé að vitna í misvitra fjölmiðlamenn eða heitupottapekinga og eigna það vísindamönnum.