Flóknara langtímavandamál í Grindavík en í Vestmannaeyjum.

Þótt íbúar Vestmannaeyja hafi verið fleiri við upphaf Eyjagoss en ibúar Grindavíkur eru núna, sýnist lausn mála fyrir Grindvíkinga geta orðið meira álitaefni. 

Ástæðan er sú, að fljótlega kom í ljós í Eyjum, að aðeins myndi gjósa á einum stað á einum kvikugangi, og að hægt var að lýsa yfir goslokum eftir að gosið lognaðist útaf eftir hálft ár. 

Þótt hluti bæjarins færi undir ösku og hraun, voru húsin, sem eftir stóðu, heilleg og dreifikerfi og innviðir, óskemmt.  

Þetta auðveldaði úrlausn mála, höfnin varð betri ef eitthvað var og atvinnuhúsnæði brúklegt að mestu. 

Nú þegar er ljóst, hvort sem gýs fljótlega eða ekki, að öll hús og mannvirki eru stórlega skemmd í Grindavík, og almennt er ekki hægt að lýsa örugglega yfir goslokum á öllum Reykjanesskaganum.  

Uppbygging og endurnýjum mannvirkja, húsa og alls annars verður víðfeðmara og flóknara úrlausnarefni en varð í Eyjum fyrir hálfri ðld. 

Neyðargarður fyrir Grindavík í skoðun

Athugasemdir

[Vagn (IP-tala skráð) 20.11.2023 kl. 00:23]

Skemmdir í Grindavík eru langt frá því eins miklar og þú heldur. Flest hús og mannvirki eru enn óskemmd.

[Ómar Ragnarsson, 20.11.2023 kl. 19:17]

Og þú heldur að það þurfi ekki annað en pennastrik á blaði til að skutla Grindavík út fyrir skjálftasvæðið og kvikuganginn á morgun. 

[Vagn (IP-tala skráð) 20.11.2023 kl. 19:32]

Eftir sem áður eru flest hús og mannvirki enn óskemmd og fullyrðingar í bloggpistli frá þér breytir því ekki.