MUNURINN Á ÍSLENDINGUM OG HOLLENDINGUM.

Myndirnar af tveimur sams konar atvikum, annars vegar í hollensku knattspyrnunni og hins vegar í þeirri íslensku, sem sýndar voru í 14:2 þætti Sjónvarpsins í kvöld, segja meira en allt sem sagt hefur verið og sýnt af atvikinu á Akranesi. Í Hollandi sést samskonar langspyrna og á Akranesi eftir innkast, sem ratar í mark. Í Hollandi gefur markskorarinn eins vel og honum er unnt er það til kynna með látbragði og orðum að hann biðjist innilega afsökunar á atvikinu., - þetta hafi verið óvart. 

Leikmenn halda ró sinni, enginn gengur að öðrum, ekkert rifrildi í gangi.

Menn ræða æsingalaust saman, Yfirveguð niðurstaða og samkomulag siðmentaðra íþróttamanna næst og boltanum er síðan leikið mótspyrnlaust í gagnstætt mark, - málið dautt.

Engin eftirmál eftir leikinn, - engin leiðindi hjá fjölskyldum,venslafólki og velunnurum knattspyrnunnar eins og hér heima.

Við öllum þeim, sem hafa séð á kvikmynd atvikin á Akranesi, blasir við gerólík hegðun leikmanna og þjálfara, bæði í leiknum og eftir hann, sem er íslenskri knattspyrnu til skammar.

Fyrir bragðið hafa ýmis viðbrögð og ummæli eftir leikinn og áfram í viðtölum allt fram á kvöldið í kvöld aukið enn á lágkúru þessa máls og þurfti talsvert til.

Er ekki hægt að læra eitthvað af þessu til þess að maður geti sungið "Skagamenn skoruðu mörkin" án þess að það minni á þessa framkomu leikmanna Keflvíkinga og Skagamanna?

Við þurfum að kafa dýpra í málið og finna það út hvað það er í svonefndum "þjóðarkarakter" og uppeldi sem gerir mismun hegðunar íþróttamanna svo ólík í Hollandi og á Íslandi.

Bjarni þurfti lögreglufylgd

Athugasemdir

[H, 6.7.2007 kl. 00:44]

Það er alveg greinilegt að Bjarni horfir ekki einu sinni á eftir boltanum þegar hann hefur sparkað honum í átt að endalínu ! Þetta sést ef þið viljið sjá það á upptökum , ef hann hefði viljað skora og ætlað hefði hann eins og allir aðrir fótboltamenn horft á eftir skoti sínu alla leið ! En NEI það gerir hann ekki og um leið og boltinn lendir í markinu og hann sér það grípur hann um höfuð sér og Keflavíkurliðið tapar sér !

Keflvíkingum á  að refsa harðlega fyrir þessa framkomu sína innan sem utan vallar og aganefnd Ksí á að gera fordæmi úr þessum skrípaleik Keflvíkavíkurliðsins og taka hart á þeim !

Bjarni hefði ekki þurft lögreglufylgd heim ef Keflavíkurliðið hefði ekkert gert af sér...

[Halldór Egill Guðnason, 6.7.2007 kl. 02:18]

Sorglegt fyrir bæði liðin. Ennþá sorglegra að sjá hvernig "innáskiptingnum" var greinilega ætlað að ganga frá Bjarna.  

[Örvar Már Kristinsson (IP-tala skráð) 6.7.2007 kl. 08:32]

Ég held að Kristján megi alveg hætta að þjálfa eins og hann talaði um að stelpurnar hans hafi beðið hann um.  Hann hefur enga stjórn á þessu liði sínu og svo virðist hann setja inn á mann, sem virðist bara hafa ætlað sér að meiða Bjarna.   Að reyna að kenna skagamönnum um skapgerðabresti eigin leikmanna er náttúrlega bara ekki svararvert.  Eiga þessir drengir ekki mömmur sem kenndu þeim mannasiði í æsku????

Keflavík gerði lítið sem ekkert í máli Guðmundar Mete í fyrra og sýnir það klárlega hvurslags karakter liðið hefur að geyma.

Raunar finnst mér þetta mál sýna svart á hvítu að íþróttahreyfingin(sér í lagi slagsmálaíþróttir á borð við boltaíþróttirnar) er að fá peninga á snarvitlausum forsendum.  Þær eru langt því frá að vera uppeldisstofnun góðra ímynda og forvarna.  Setjum frekar skattpeninga okkar í eitthvað annað.

[Jon Helgi (IP-tala skráð) 6.7.2007 kl. 12:12]

Kannski bara eins og Omar segir - thjodareinkenni!

[Hulduheimar, 6.7.2007 kl. 15:06]

Það er alveg merkilegt með þig HH. Þú ert búinn að kópera þetta svar þitt inn á hvert einasta blogg sem hefur minnst á leikinn. Heldurðu að bullið í þér verði eitthvað réttara eða betra ef þú bara endurtekur það nógu oft? Varstu kannski í læri hjá Guðjóni Þórðarsyni? Ertu kannski bara Guðjón Þórðarson?

Annars á þetta við um fleiri sem skrifa hér og eru búnir að afrita sama svarið inn á meira og minna öll bloggin.

[S.S. (IP-tala skráð) 6.7.2007 kl. 16:06]

Ég er nú allveg sammála Ómari að hegðun leikmanna í sekundunum eftir markið er það sem er til skammar og "þjóðaríþrótt" landans beið álitshnekki við það - og sérstaklega uppákoman eftir leikin var algjör skandall. Leikurinn er búin eftir að flautað er af - allir verða að virða það.

Ég vill taka fram að ég er "skagamaður" en er ættaður úr Keflavík og er þannig allveg óhlutdrægur í afstöðu minni. Ég hef einnig búið erlendis í síðustu 15 ár þannig að ég hef fylgst með mínum liðum (IA & IBK) í gegnum fjölmiðla síðan þá.

Ég hef sýnt atvikið vinum mínu hérna í Danmörku og sameiginlegt er að allir hneykslast á hegðun leikmanna eftir atvikið, það fynst öllum að greinilegt sé um mistök að ræða (þeir spyrja nú líka hvað í ósköpunum markmaðurin sé að hugsa), að sjálfsögðu hefðu skagamenn átt að gefa mark til baka, hvort að þeir hefðu gert það ef að Keflvíkingar hefðu hegðað sér almennilega fæst aldréi úr skorið ef að menn ekki vilja trúa Bjarna hér um.

Mönnum hér í Kongsins Köben berst í hug svipað atvik í landsleik Dana og Taílendinga 1998 þar sem að Dönum var ranglega dæmd vítaspyrna, allir sáu það nema dómarinn. Morten Wieghorst ákvað að skjóta lang við hlið marksins vegna þess - hlaut hann mikið hrós fyrir. Þar höguðu andstæðingar Dana sér "vel" þrátt fyrir ranglætið frá dómaranum og þess vegna ákvað hann að skjóta framhjá.

Hollendingar gæfu í Ajax gáfu mark - kannski vegna þess að mótherjin hagaði sér almennilega og tók mark á bendingum leikmans Ajax að um mistök hefði verið að ræða.

Þannig verður að ganga út frá því að "EF" að leikmenn IBK hefðu hagað sér almennilega og tekið afsökun Bjarna á vellinum, að þá hefðu heimamenn gefið mark tilbaka.

En það er miður að hegðun Keflvíkinga tekur, frá mínum bæjardyrum séð, fókus frá sjálfu atvikinu. Hefði IA ekki gefið mark (að því gefnu að IBK hefði verið cool) þá væru Skagamenn í miklum og slæmum málum. Keflvíkingar snéru einfaldlega fókus yfir á sjálfa sig með þessum framförum.

Hvort að leikmaður Keflavíkur hafi ætlað sér að "ganga frá" Bjarna þegar að hann kom inn á er jafn erfit að ákveða eins og með ætlanir Bjarna. Hér verðum við að trúa þeim sem að eru í málunum (Bjarni og Kefvíkingurinn sem að braut á honum), nema að hægt sé að sanna annað.

The show must go on - og mun gera það. En vonandi lokar þessi SIRKUS sem að málið er komið í straks.

[gretar (IP-tala skráð) 6.7.2007 kl. 21:46]

Áður en þú ferð að draga of víðtækar ályktanir um þetta atvik og herma það uppá þjóðarsálina og hvað þá að bera saman íslendinga og hollendinga þá er rétt að þú bætir eftirfarandi staðreyndum við.  Hollenski leikurinn mun vera á milli Ajax og einhvers liðs sem var á þessum tíma um miðja deild og átti hvorki möguleika á því að fara upp né niður í deildinni og staðan eftir markið var 3:0 og ekki svo mikið eftir.  Milli Akraness og Keflavíkur hefur verið mikil spenna síðustu ár, afhverju veit ég ekki en leikurinn í fyrra uppá skaga rataði líka í Kastljósið og víðar.  Ef sambærileg atvik hefðu átt sér stað á milli Real og Barca, milli Tottenham og Arsenal eða á milli Liverpool og Man.Utd þá hefðu viðbrögðin verið líkari því sem sást hjá Keflvíkingum strax eftir markið, áður en leikurinn var flautaður á aftur en var hjá Hollenska liðinu.  Atvikið sem olli þesu er að mínu mati mikið hneyksli fyrir Skagamenn og veit ég að þú sem Frammari ert mér sammála þar sem sambærilegt atvik hefur verið rifjað upp milli Fram og KR frá því á síðustu öld.  Ég man það eitt að hinn dagfarsprúði maður Birkir Kristinsson var fenginn til að mæta í viðtal eftir atvikið og var ekki minna reiður en Guðmundur Steinarsson var á miðvikudagskvöldið.  Það er ekkert skrýtið því þetta var níðingsverk og svo langt frá því sem hægt er að teljast háttvísi.  Valsmenn vitna gjarnan í Séra Friðrik sem sagði "látið aldrei kappið bera fegurðina ofurliði" og vilja gjarnan stunda sínar íþróttir eftir þessu kjörorði.  Það er kannski þess vegna sem Guðjón Þórðarson verður aldrei í Val.  Þessi rök hans um að af því keflvíkingar slepptu sér þá hafi hann ekki getað gefið markið til baka eru svo hlægileg að það er varla hægt að tala um það.  Auðvitað ætlaði hann ekki að skila þessu þjófsmarki til baka, ég fullyrði það.

 Það sem á eftir kom var hins vegar Keflvíkingum til lítils sóma en við skulum ekki gleyma því að þegar aganefnd hefur fjallað um málið þá mun þeim verða refsað, en skagamönnum ekki.  

[Theódór Norðkvist, 6.7.2007 kl. 22:44]

Í þessum samanburði á leik Ajax í Hollandi og leik ÍA og Keflavíkur skiptir ekki höfuðmáli þó Ajax hafi verið með unninn leik í höndunum eður ei.

Það hefur verið óskráð regla að gefa knöttinn til baka á vallarhelming andstæðingsins þegar sá síðarnefndi hefur sparkað honum út af í þeim tilgangi að huga að meiðslum leikmanns. Alveg sama hver staðan er í leiknum á þeim tímapunkti.

Hvort Ajax hefði gefið andstæðing sínum mark, hefðu þeir verið með minni forystu, jafntefli hefði verið, eða þeir undir í leiknum, er ómögulegt að segja til um.

Réttast hefði verið hjá skagamönnum að gefa mark, þrátt fyrir ofsa Keflvíkinga, það hefði hugsanlega lægt öldurnar. Best hefði verið ef Bjarni hefði sparkað knettinum út af við hliðarlínu, eða sá leikmaður sem tók innkastið hefði kastað inn á dautt svæði á vallarhelmingi Keflvíkinga. 

[H, 10.7.2007 kl. 14:09]

Góða vísa er sjaldan of oft kveðin . Hulduheimar gráttu ei , þetta er jú bara leikur. Brátt mætast liðin aftur og þá girða þínir menn sig einfaldlega í brók og sýna hvað í þeim býr

Þakka þér fyrir að líkja mér við besta knattspyrnuþjálfara sem Ísland hefur alið, manni sem ætti stýra landsliði okkar eins lengi og hann vill. Á sömu launum og Dabbi kóngur.