SUNDUR OG SAMAN.

Allt það sem Íslandshreyfingin varaði við strax í fyrravetur er nú að koma fram, - skefjalaust kapphlaup um orkuauðlindirnar sem ýmist sundrar samstarfi sveitarfélaga eða fá almenning til að taka þátt í áskorun til þeirra um að láta hana ekki renna sér úr greipum til kaupsýslumanna eins og nú hefur gerst á Suðurnefsjum. Nýjasta stefnubreyting Landsvirkjunar í orkusölumálum á sér ekki stað af hugsjón heldur vegna þess að að óbreyttu hefðu ráðamenn hennar verið berir að því að misfara áfram sem hingað til með fé almennings með því að selja mengandi álverum orkuna á spottprís.

Eftir stendur vaxandi ásókn í að eira engu í virkjunum uns öll leiðin frá Leifsstöð til Vonarskarðs á miðju hálendinu verði njörvuð í kerfi virkjana, stöðvarhúsa, gufleiðslna, vega, háspennulína borhola, stíflna og miðlunarlóna.

 

Samstarf sveitarfélaganna á Suðurnesjum í uppnámi?

Athugasemdir

[Gunnar Th. Gunnarsson, 11.11.2007 kl. 01:45]

Ýkjur

[Hjörtur Hjartarson (IP-tala skráð) 11.11.2007 kl. 02:36]

Ómar STÆKKAR við hvert komment frá Gunnari.

[spritti (IP-tala skráð) 11.11.2007 kl. 17:19]

Já Ómar minn. Það er nú bara gallinn við þessar auðlindir okkar íslendinga að þær eru milljarða virði og auðvitað sjá peningamenn eldivið í þeim. Því er það auðvitað að helvítin að tarna reyni að krækja í þessar auðlindir. Það er bara lögmál.

[Fossvoxari (IP-tala skráð) 11.11.2007 kl. 21:45]

Um Landsvirkjun hér að ofan: "...að óbreyttu hefðu ráðamenn hennar verið berir að því að misfara áfram sem hingað til með fé almennings með því að selja mengandi álverum orkuna á spottprís."

Enn og aftur spyr maður: Hvert á mótívið að vera í þessari lífseigu kenningu? Hefur þessu ekki verið svarað margoft?

[Pétur Þorleifsson , 11.11.2007 kl. 22:41]

Forstjóri Alcoa sagði sisona í Brasilíu : "But the agreed price — 30 dollars per megawatt-hour — was far from ideal. In Iceland, the company pays half that."

[Gunnar Th. Gunnarsson, 12.11.2007 kl. 01:26]

Og hvað með það þó hann hafi sagt það? Það segir okkur ekkert um það að verðið sé svo  lágt hér. Það segir okkur að orkan sem í boði er í Brasilíu (sem sennilega er af skornum skamti) er dýr. Orkuverð til stóriðju hér er í meðallagi OECD ríkja. Brasilía er eitt af OECD ríkjunum og hækkar væntanlega meðalverðið. 

Annað atriði sem vert er að athuga í sambandi við orkuverð. Fólk virðist gleyma því að eyjan okkar langt norður í ballarhafi er fjarri öllum mörkuðum. Ef  Íslendingar vilja á annað borð selja orku sína til stóriðju þá verður hún að vera VEL samkeppnishæf til að vega upp kostnað við flutning að og frá landinu. Ef orkan okkar er á svona rosalega lágu verði, afhverju hefur þá ekki verið ásókn í hana á undanförnum áratugum? Afhverju gekk ekki upp fyrir nokkrum árum að byggja álver á Keilisnesi? Það voru ekki Íslendingar sem hættu við þau áform, heldur álfyrirtækið.

Það er segin saga að það stendur ekki steinn yfir steini í málflutningi ykkar álversandstæðinga, hvorki á grundvelli umhverfismála, né á grundvelli efnahagsmála.

[Gunnar Th. Gunnarsson, 12.11.2007 kl. 01:47]

Og svo er það auðvitað dæmigert að taka eina setningu úr langri grein eins og þú gerir Pétur. Afhverju léstu ekki þessa setningu fylgja með: "Today, its power would cost more than double the market average."

[Gunnar Th. Gunnarsson, 12.11.2007 kl. 01:50]

Annars er linkurinn sem þú bendir á Pétur mjög fróðlegur. Þar kemur fram að miklum erfiðleikum er bundið að setja upp verksmiðjur í Brasilíu af ýmsum ástæðum. En nálægð við stóran markað fyrir afurðir álverksmiðju er lokkandi og vegur að einhverju leiti upp mikinn orkukostnað þarna.

[Bobotov , 12.11.2007 kl. 09:29]

En nú eru, Gunnar, forstjórar bæði Landsvirkjunar og OR að grobba sig af því í annarri hverri frétt að eftirspurnin í raforku sé margfalt framboð.

Segir það okkur ekki eitthvað um orkuverðið?  Erum við þá ekki að selja landið okkar allt of ódýrt?

Svo er á mbl.is í dag vitnað í Geir H. Haarde þar sem hann biðlar til almennings að halda að sér höndum varðandi íbúðarkaup og fjárfestingar. Það eru ákaflega stór og merkileg orð og hljóta að segja ansi mikið um ástand efnahagslífsins og þörfina á nýrri stóriðju.

[Gunnar Th. Gunnarsson, 12.11.2007 kl. 11:12]

Það hefur alltaf verið ljóst að einhverntíma kæmi að stóriðjustoppi. VG og Ómar fundu ekki upp þann sannleika. En það er eitthvað lengra í að upp komi virkjanastopp.

[Pétur Þorleifsson , 13.11.2007 kl. 19:11]

Af hverju ætli rafmagnið sé miklu dýrara í Brasilíu en á Íslandi ?  Alcoa tók þátt í að reisa virkjun þar fyrir stuttu sem heitir Barra Grande.  Hún er með nákvæmlega sama uppsett afl og Kárahnjúkar eða 690 MW og kostaði samkvæmt heimasíðu Alcoa 40 % af því sem Kárahnjúkar áttu að kosta.

[Gunnar Th. Gunnarsson, 15.11.2007 kl. 01:34]

Það eru nú taldar upp einhverjar ástæður  þarna, m.a. reglugerðarfargan, ótryggt stjórnmálaástand ofl. Kannski er samningsstaða þeirra líka betri gagnvart orkukaupendum vegna nálægðar við markaði fyrir afurðir framleiðslunnar. Í Brasilíu einni bú tæpl 200 miljónir manna.