FREKAR ÞANN VERSTA EN...

Snæfríður Íslandssól sagðist frekar kjósa þann versta en þann næstbesta. Hugarfar Eiðs Smára hefur verið svipað. Frekar vill hann berjast fyrir því að komast af varamannabekknum í samkeppni við þá bestu en að vera öruggur um að fá að spila hjá einhverju liði í hópi hanna næstbestu. Eiður Smári hefur sýnt mikið þolgæði og hugarstyrk í því erfiða hlutskipti sem hann hefur valið sér.

Það eru ekki allir sem rísa undir því að setja sér það mark að vera frekar meðal þeirra bestu, þótt það sé enginn dans á rósum, heldur en að sigla lygnari sjó í liði einhvers staðar neðar í deild. Það er meira en að segja það að gera það sem Eiður Smári er að gera og við getum verið stolt af honum.

Eiður: Hef styrkt stöðu mína

Athugasemdir

[Þorfinnur Ómarsson (IP-tala skráð) 17.12.2007 kl. 11:44]

Tek undir þetta. Ég var líklega sá eini í mínum kunningjahópi sem studdi Eið fullkomlega í því að láta reyna á annað ár hjá Barca, jafnvel þótt samkeppnin hefði aukist enn meira með fleiri stórstjörnum og ungum snillingum. Nú hefur komið á daginn að Eiður valdi rétt; í stað þess að fara til miðlungsliðs í ensku deildinni hefur hann sýnt og sannað að hann á fullt erindi í eitt besta lið heims. Menn virðast líka gleyma að bestu knattspyrnumenn heims vilja auðvitað spila í bestu deild heims, þ.e. Meistaradeildinni. Stundum einblína íslenskir fótboltaáhugamenn alltof mikið á ensku deildina, svo vægt sé til orða tekið...