Öruggi aksturinn í Kömbunum.

Á leið austur í Skaftafell til að vera viðstaddur stofnun Vatnajökulsþjóðgarðs varð ég vitni að enn einu dæminu um það hvernig lúshægur akstur í Kömbunum getur skapað hvert hættuástandið af öðru. Bíl var ekið niður Kambana á 60 km hraða á beinu köflunum á 50 kílómetra hraða hvenær sem minnsta beygja var á veginum.

Ökumaður bílsins hefur líklegast talið að með þessu væri hann að stuðla að öruggum akstri en það var nú eitthvað annað. Með þessu háttalagi bjó hann til röð svekktra bílstjóra á eftir sér í hugarástandi sem Vátryggingarfélagið fjallaði um fyrir nokkrum dögum og veldur stórum hluta umferðarslysa.

Þetta gerist allt of oft á þessum vegarkafla og afleiðingin verður sú að sumir bílstjórarnir verða svo illir og svekktir að þeir grípa til alls konar lögbrota, bæði til að láta ekki tefja sig og einnig til að veita reiði sinni útrás. Hvert hættuástandið skapast af öðru.

Þeir fara fram úr yfir heilar línur og taka óheyrilega áhættu í framúrakstri. Neðst í brekkunni í dag ók bílstjóri fram úr silakeppnum yfir tvöflalda heila línu!

Nú er það þannig að töf manna þegar svona stendur á er vart meira en ein til tvær mínútur á þessum vegarkafla og því óþarfi að skapa hættuástand út af ekki stærra tilefni.

En silakeppirnir verða með hegðun sinni til þess að ergja samferðamenn sína og þá sýnir bitur reynsla að fjandinn verður laus.

Athugasemdir

[S. Lúther Gestsson, 7.6.2008 kl. 23:53]

Svo eru það líka bílstjórarnir sem eru að aka með fellihýsi eða hjólhýsin á eftir sér, alveg ótrulegt hvað þeir halda að það að keyra lúshægt og bremsa í tíma og ótíma skapi öryggi.

Hefurðu ekið á eftir húsbílaklúbbnum? 

[69 árgangurinn á Reyðarfirði, 8.6.2008 kl. 00:01]

þetta er svo ofboðslega þörf ábending Ómar og bara má ekki gleymast í öllu tali um umferðaröryggi. Það að keyra alltof hægt miðað við aðstæður er stórhættulegt á fjölförnum vegum og ég viðurkenni það fúslega að vera einn af þeim sem pirrast yfir svona akstri þó svo að ég geri mitt ítrasta til að skapa ekki frekari hættu með óvarkárnum framúrakstri.

[Svanfríður Sturludóttir (IP-tala skráð) 8.6.2008 kl. 09:37]

Já hæga akstur! Ég er ein af þeim sem finnst hraðatakmarkanir úti á þjóðveginum vera gengin í öfgar. Mig minnir að hámrkshraði bíls með fellihýsi eða aftanívagn sé milli 70-80 .

Miðað við hvað vegagerðin hefur gert marga vegi góða síðastliðinn áratug,er fáránlegt að hraðatakmarkanir skuli vera lægri en þær voru fyrir 10 árum síðan. Auðvitað eru margir kaflar á okkar góða hringvegi sem vissulega er ekki hægt að keyra hratt á og ég er nú ekkert að tala um ofsaakstur heldur bara common sens í þessum málum. Kunnigni minn var að keyra austurleiðina eftir söndunum að kveldi til sallarólegur, engin umferð og allt í goodý. Þar er hámarkshraði 90 og hann var á 117, bingó! mætir eina bílnum á leiðini og það var lögreglan. 30þús króna sekt, takk.

Þetta er auðvitað fáránlegt, ekkert tillit tekið til aðstæðna, hvorki veðurs, umferðarþunga, eða að þarna er beinn og breiður vegur. Eins og Reykjanesbrautin td. Eftir tvöföldun ( að hluta) var lækkaður hámarkshraðinn, ég hef ekki tölu á hversu oft ég hef ekið þann veg. Eitt finnst mér alveg kostulegt að þegar maður kom að álverinu þar sem er engn umferðareyja nér afrein, að þá mátti halda 90 km hraða, um leið og komið var að Vogum eða Grindarvíkur afleggjara mátti maður hægja á sér niður í 70, að mínu mati ætti þetta að vera akkúrat öfugt. Með tilkomu bættara vegakerfis ætti hraðinn að aukast ekki minnka. Vegirnir eru að verða betri og berti og bílarnir líka. Hef hvergi í öðrum löndum séð hámarkshraða minnka við að búa til fleiri akreinar ( sem sagt hraðbrautir) nema hér á Íslandi. Ekki það að ég er sammála Ómari að of hægt getur verið alveg jafn hættulegt og of hratt. Hæfilegt flæði er öruggast. Og að fólk aki eftir aðsæðum, því annað er vítavert. En nýju hraðatakmarkanirnar eru út í hött. Og ég vil líka taka það fram að miðað við ástand Reykjanesbrautarinnar núna er vissulega rétt að hafa lágan ámarkshraða, bara svona til að þið skiljið hvað ég er að meina. Aðstæður og ástand vegar ætti alltaf að vera inní myndinni þegar kemur að ákvörðun um hámarkshraða. Takk fyrir mig.

[Rafn Haraldur Sigurðsson (IP-tala skráð) 8.6.2008 kl. 09:39]

Sæll Ómar, ég ætla bara að minna þig á að meiri hraði, meiri eyðsla og aukinn útblástur.

Einnig eru þarna leiðbeiningarmerki sem mæla með 60km hraða í kömbunum. Ef ég man rétt þá varst þú fyrstur til að kynna þetta í sjónvarpinu á sínum tíma.

Leggja fyrr á stað.

kveðja Rafn.

[ari (IP-tala skráð) 8.6.2008 kl. 13:22]

Það þarf að bæta við vegriðum þarna

[Högni Jóhann Sigurjónsson, 8.6.2008 kl. 15:00]

Það eru nú ekki allir hér að vita um hvað er verið að tala. Ómar spurningin er, afhverju næst ekki til þess fólks sem er hreint og klárt hættulegt í umferðinni? Ég fer talsvert um Suðurlandsveg og þvílíkur skrípaleikur sem á sér stað á þessari leið, það er með ólíkindum að ekki skuli verða fleiri slys.

[Sigurður Einarsson, 8.6.2008 kl. 15:01]

Sæll !

Fyrir 2 árum var ég að aka uppá hellisheiðina kl 07,15 og fyrir framan mig á annars auðum vegi var gamall vörubíll  haugskítugur og ók löturhægt svo þar sem tvær akreinar eru þarna þá lét ég mig svífa frammúr honum, þá mætti ég löreglunni sem umsvfalaust bláljósaði mig og sektaði þar sem ég var á 107 km.klst. . BAÐST ÉG VÆGÐAR, þar sem ég hef aldrei verið á 45 árum í umferðinni gerst brotlegur að neinu tagi og oftar en ekki stuðlað að betri umferðarmenningu. En ekkert var hlustað á það og sekt og punktar komu 2 dögum seinna. Skrírði ég þó úr fyrir lögreglunni að ég var aðeins að taka frammúr vegna drullu sem kom frá þessum vörubíl og sveigði síðan yfir á hægri akrein strax aftur. Enginn miskunn og sektin greidd samdægurs,

Siggi frá Patró einkanúmer :19 jún

[Steini Thorst, 8.6.2008 kl. 16:59]

Umferðareftirlit á vegum landsins er nú bara voðalega lítið verð ég að segja. Ég keyrði hringinn um daginn, um síðustu helgi, samtals um það bil 1.400 km. Ég er ekki að grínast en ég sá ekki einn lögreglubíl alla leiðina,...EKKI EINN.

[Snorri Sigurjónsson (IP-tala skráð) 9.6.2008 kl. 12:37]

Auðvitað á ekki að tefja umferð, en ef ég man rétt þá var hönnun vegar um Kamba miðuð við 60km hraða.  Prófið sjálf.  Ef ekið er á 60 liggur bíllinn, ef farið er yfir þann hraða, þá þá leitar hann út úr beygjum þar.  Suðurlandsvegur er ekki hraðbraut og alls ekki Kambar. 

[Hörður Björgvinsson (IP-tala skráð) 9.6.2008 kl. 14:54]

ÉG VERÐ HÆTTULEGUR ÖKUMAÐUR Í SUMAR!         

Í næstu viku eignast ég hjólhýsi, og ætla að nota það mikið í sumar.  Samkvæmt lögum má ég keyra á 80 km hraða með hjólhýsið, en allir aðrir á 80 km hraða.  Ég prófaði þetta í fyrra og fór á taugum þegar raðirnar fóru að myndast fyrir aftan mig.  Afleiðingin var sú að ég fékk sekt fyrir rúml. 90 km hraða! 27 þúsund.

Nú verður sumarið (og næstu sumur) þannig að ég ek á 80, og það blóð sem rennur á þjóðvegunum vegna þessa verður ekki á mínum höndum heldur löggjafans sem lætur tvenn lög gilda á vegum landsins.  Menn sem slíta í sundur lögin slíta og í sundur friðinn.

Ein spurning (ég þykist vita að Ómar hafi gaman af svona pælingum): Vöruflutningabíll með tengivagn, samtals 28 metra langur ekur áleiðis frá Reykjavík norður í land.  Vegna vagnsins er hann á 80 km hraða, þótt 500 hestöfl og góður búnaður leyfi meiri hraða án  áhættu.  Umferð á móti er öll á 90.  Bílaröðin fyrir aftan flutningabílinn þarf að komast fram úr, ef hún vill nýta sér rétt sinn til að aka á 90. 

a) Hversu langan vegarkafla, auðan og hindrunarlausan, þarf fyrir slíkan framúrakstur?  Mesti mögulegi hraðamunur er 10 km á klst.

b) Hversu víða eru slíkir kaflar á þjóðvegum landsins, að sumarlagi um helgar?

Ég hef grun um að heiðarleg svör við þessum spurningum leiði í ljós að þessi undarlega lagasetning sé aðeins gerð til að ná hámarkshraða þjóðveganna niður í 80.

Hörður

[amj (IP-tala skráð) 9.6.2008 kl. 17:15]

ef flutningabíllinn er  28 metra langur, þá má gera ráð fyrir að maður þurfi um 40 metra til að komast fram úr,, þá ertu 14 sekundur að komast frammúr..

 prófið að taka tímann, 14 sek er slatta langur tími.. og ath. að á þessum 14 sek þá ferðast þessir 2 bílar rúmlega 300 metra.

[Ómar Ragnarsson, 9.6.2008 kl. 22:46]

Það er aðeins tveimur stöðum í Kömbunum sem er 60 kílómetra leiðbeinandi hraði. Umræddur ökumaður ók allan þann hluta Kambanna, sem ekki var þráðbeinn á 50.

Leiðbeinandi hraðinn í kröppustu beygjunni er miðaður við þá bíla, sem valtastir eru. Öllum venjulegum fólksbílum er hægt að aka þar á fullu öryggi á 70 til 80 kílómetra hraða við bestu aðstæður og á langa aflíðandi kaflanum fyrir ofan brekkuna á 90 kílómetra hraða.

Þar ók öryggisbílstjórinn á 50.

[á e. (IP-tala skráð) 10.6.2008 kl. 12:48]

ég er ein ef mörgum sem finnst vont að keyra niður kambana,, svo ég fer gætilega  á 50 þar sem við á og 60  þegar það hentar ..