Að vera viðbúinn.

Björn Bjarnason reynir að opna Evrópuumræðuna í annað sinn með þessu útspili sínu, - fyrst gerði hann það þegar hann talaði um það sem hann kallaði "vegvísi" inn í Evrópu. Björn virðist á leið í átt til þeirrar afstöðu sem Íslandshreyfingin gerði að sinni fyrir síðustu kosningar, að Íslendingar ættu strax að fara að vinna heimavinnu sína í alvöru í þessum málum til þess að fá úr því skorið til hlítar hvaða kostir byðust. Annað væri ábyrgðarleysi. 

Aðeins þannig væri hægt að fá úr því skorið hvort hugsanlegum samningum við ESB fylgdu slíkir annmarkar gagnvart yfirráðum Íslendinga yfir auðlindum sínum að þeir kæmu ekki til greina.  

Í Staksteinum Morgunblaðsins og sjónvarpsfréttum var rokið upp með látum eftir að Lárus Vilhjálmsson hafði rætt málið fyrir hönd I-listans í sjónvarpsumræðum um utanríkismál og útskýrt fyrrnefnda stefnu. Sagt var að með þessu hefði Lárus lýsti yfir skilyrðislausum stuðningi Íslandshreyfingarinnar við inngöngu í ESB, en það var alrangt.

Innan Íslandshreyfingarinnar hafði Elvira Mendes, doktor í Evrópuréttti, sem var í framboði fyrir flokkinn, reifað fyrir okkur frambjóðendunum möguleika á undanþágum og afbrigðum fyrir Íslendinga, sem hún taldi geta verið mun meiri en látið væri í veðri vaka og vísaði þar til undanþága og afbrigða sem aðrar þjóðir hefðu fengið í gegn.

Augljóst er að með því að útiloka allt slíkt fyrirfram fæst ekki úr því skorið hvað sé í boði. Björn Bjarnason og fleiri virðast nú vera að átta sig á þessu.

Evruleið fremur en aðildarleið?

Athugasemdir

[B.N (IP-tala skráð) 13.7.2008 kl. 21:56]

Vita menn að Stóra-Bretland og Írland eru ekki í Schengen þrátt fyrir að

þau séu í ESB. Þar tel ég að sérstaða þeirra sem eylönd hafi skift sköpum í

þeirra afstöðu að vilja standa utan við Schengen-samkomulaginu. Það hefur

alltaf vakið mér furðu hvers vegna eyland á norðurhveli jarðar hafi

séð ástæðu tl að skrifa undir þennan samning sem virðist m.a. hafa opnað

leið fyrir erlend glæpagengi að koma hingað til lands frekar en áður. Ég

legg til að evran sem á að vera svo mikill bjargvættur og hjálpa okkur

þegar sverfir að að hún verði kölluð sverfan en ekki evra þá erum við búnir

að íslenska það orð jafnframt hefur í sér falið hvers vegna evran er svo

góð. Sverfan þegar sverfir að!!! 



Baldvin Nielsen, Reykjanesbæ evru -og sverfufræðingur

[Þorsteinn Briem, 13.7.2008 kl. 23:44]

Baldvin Nielsen. "Evra" er íslenska heitið á "Euro" og þegar við tökum hér upp evru verður að standa Euro á evruseðlunum "okkar", eins og á öllum öðrum evruseðlum.

Og við getum að sjálfsögðu haldið áfram að kalla þessa mynt evru, eins og við höfum gert, og enginn neyðir okkur til að kalla Eurovision "Júróvisjón", í staðinn fyrir til dæmis "Evrusjón". Grikkir segja Evróvisjón og Frakkar Örovisjón.

Og við getum verið með mynd af Davíð Oddssyni seðlabankastjóra á evruklinkinu "okkar", í staðinn fyrir mynd af þorski. Það myndi gleðja þann fyrrnefnda mjög mikið.

[Axel Jóhann Hallgrímsson, 14.7.2008 kl. 11:38]

Ég er alveg sammála þessu Ómar, ég ætla að birta hér kópíu af hluta af nýlegu bloggi mínu um sama efni.

"Umræðan um þessi mál er annars á undarlegu plani. Menn koma í fréttir til skiptis, andstæðingar og fylgjendur, bulla út í eitt, með eða á móti án þess að leggja fram neitt haldbært eða bitastætt. Enda höfum við ekkert pottþétt í höndunum hvað okkur stendur til boða með aðild.

Það fæst aðeins fram með aðildarumsókn, umræðum og samningum við sambandið. Þegar þeim verður lokið sjáum við hvað er á borðinu og þá fyrst og aðeins þá getum við tekið vitræna afstöðu hvort það henti okkur að ganga í Evrópusambandið eða ekki.

Þá kemur til kasta þjóðarinnar að segja já eða nei í þjóðaratkvæðagreiðslu, nema hún verði af okkar frómu ráðamönnum, talin of heimsk til að taka vitræna ákvörðun í svona flóknu máli."

[B.N. (IP-tala skráð) 14.7.2008 kl. 13:09]

mbl.is | 06.01.2006 | 14:02´

Evra kemur til Manchester United

Sir Alex Ferguson knattspyrnustjóri Manchester United staðfestir í samtali við BBC fréttastofuna í dag að franski landsliðsmaðurinn Patrice Evra sé á leið til félagins frá Monaco. Evra gengst undir læknisskoðun hjá Manchester United á mánudag en félögin hafa náð samkomulagi um félagaskiptin og er áætlað kaupverð 5,5 miljónir punda eða 590 milljónir íslenskra króna. Evra er 24 ára gamall vinstri bakvörður og er annar varnarmaðurinn sem United fær í sínar raðir á skömmum tíma en í gær var formlega gengið frá félaskiptum Serbans Nemanja Vidic frá Spartak Moskva. ,,Við eru búnir að skoða Evra í nokkurn tíma eða frá því Gabriel Heinze meiddist í september," segir Ferguson.'

Ég vissi ekki að það væri íslenskur ríkisborgari í Manchester United.

Baldvin Nielsen Reykjanesbæ

[Þorsteinn Briem, 14.7.2008 kl. 14:26]

"Before a state can join the eurozone, it must spend two years in European Exchange Rate Mechanism (ERM II). As of 1 January 2008, five National Central Banks (NCBs) participate in the mechanism (see table below). The remaining currencies are expected to follow as soon as they meet the criteria.

Poland and Romania have the longest time tables, seeing adoption beyond 2013. Other countries are facing inflation problems, which has pushed Estonia's adoption from 2007 back to 2011 (estimated). Other countries are also experiencing economic and spending problems pushing back their original estimates."

http://www.en.wikipedia.org/wiki/Eurozone#With_formal_agreements