Hraðinn drepur !

Ofangreind orð hefur mátt sjá á skiltum við íslenska þjóðvegi og þau hafa átt vel við um hina hröðu atburðarás síðustu vikna. Ef tekist hefði í tæka tíð að koma útibúi Landsbankans í Bretlandi yfir í dótturfélag hefði deila Breta og Íslendinga aldrei orðið að veruleika því þá hefði dótturfélagið fallið undir tryggingarnar í breska fjálmálakerfinu.

Með öðrum orðum: Bretar hefðu sjálfir orðið að bæta breskum sparifjáreigendum skaðann og því farið jafnvel verr út úr þessu máli fjárhagslega en á þann hátt sem fór svona svakalega í skapið á Darling. Skapvonska hans virðist vera út af því að hann gefur sér það að Íslendingar hafi ætlað að plata hann í september til að koma því svo fyrir að skaðinn af falli Landsbankann félli á Breta.

Það er eiginlega helst á færi sálfræðinga að fást við viðbrögð Darlings. Hann leggur annan skiling en Íslendingar í gang mála á fundinum fræga í september og í viðtalinu við Árna.

Menn féllu á tíma við að koma þessum málum í bærilegra horf og sjálfur virðist Darling ekki hafa talið upp að tíu, jafnvel ekki upp að tveimur, áður en hann og félagi hans Brown brugðust við á þann ofsafengna hátt sem nú fyrst virðist vera að renna upp fyrir löndum þeirra að verður þeim til minnkunar og skaðaði alla aðila.  

Fullyrðingar Darlings dregnar í efa

Athugasemdir

[Gunnar Th. Gunnarsson, 24.10.2008 kl. 22:48]

Ég skil ekkert í Geir Haarde að furða sig á því að útskrift samtalsins hefði verið "lekið" í fjölmiðla. Það eiga allir að fá að vita hvað þeim fór á milli og Árni sjálfur græðir auðvitað mest á því. Það skildi þó aldrei hafa verið.... hmmm

[Jakobína Ingunn Ólafsdóttir, 24.10.2008 kl. 23:01]

Mér skilst að Bretar hafi tafið málið með því að gera miklarkröfur um fjármagnsflutninga til Bretlands. Sennilega hafa þeir klúðrað hvað eftir annað í allri atburðarrásinni með frekju og öfgum.

[Máni Ragnar Svansson, 25.10.2008 kl. 18:47]

Auðvitað átti að koma útibúi Landsbankans í Bretlandi yfir í dótturfélag, strax og þetta fjármálaævintýri með Icesave reikninga hófst í upphafi.  Átti ég að vita þetta sem borgari þessa lands, er hægt að ætlast til að allir í þessu landi séu fjármálasérfræðingar.  "Auðvelt að vera vitur eftirá" frasinn, ég tek hann ekki til mín.  Seðlabankinn, stjórnvöld, fjármálaeftirlitið, yfirstjórnir bankanna bera fulla ábyrgð á þessu, fyrir það fá þeir greidd laun, en ekki ég.  Ef þeir hafa ekki efni á að borga þetta, þá geta þeir bara unnið við að gera númeraplötur á hrauninu, það sem eftir er ævinnar.