Lítil saga utan af landi.

Þessa sögu heyrði ég í fyrra. Í bekk einum i grunnskóla í sjávarþorpi á Vestfjörðum spurði barnakennari bekkinn: "Hvað er það dýrmætasta sem Ísland á." Það kom löng þögn en svo rétti lítil stúlka aftarlega í bekknum upp höndina. Svarið hennar kom um leið og kennarinn endurtók spurninguna: "Hvað er það dýrmætasta sem Ísland á?"  "Pólverjarnir" svaraði stúlkan.

Bragð er að þá barnið finnur. Um allt Ísland hefur mátt sjá það undanfarin ár, að atvinnulífið hefði stöðvast ef Pólverjanna hefði ekki notið við.

Pólverjar munu lána Íslandi

Athugasemdir

[Halldór (IP-tala skráð) 7.11.2008 kl. 10:11]

Íslendingar vaknið - Spilling innan IMF

 

Hér að neðan má finna nokkrar áhugaverðar en jafnframt óþægilegar staðreyndir um Alþjóðagjaldeyrissjóðinn sem ríkisstjórn Íslands og Seðlabankinn leitar nú á náðir hjá. Það er almennur misskilningur að IMF (Aljóða gjaldeyrissjóðurinn) sé góðgerðastofnun. Hinar svokölluðu "hjálparaðgerðir" IMF hafa á síðustu árum verið harðlega gagnrýndar um allan heim. Joseph Stiglitz, nóbelsverðlaunahafi í hagfræði, starfaði sem framkvæmdastjóri IMF á árunum 1997-2000 en var svo rekinn úr starfi fyrir að tjá sig opinberlega um hinn "raunverulega árangur" IMF. Hann benti á þá staðreynd að flest ríki sem þiggja aðstoð IMF enda í mun verri stöðu en áður. Efnahagskerfin hrynja algjörlega, ríkisstjórnir splundrast og ríkisvaldið minnkar og oftar en ekki endar allt í hörðum átökum og glundroða. Fyrir það að benda á þessa alkunnu staðreynd var hann rekinn. Það er staðreynd að ríki sem eru í efnahagslegum vandræðum þola sjaldan þau skilyrði sem IMF setur fyrir lánveitingum sínum. Hækkun skatta og harður niðurskurður í mennta- og heilbrigðiskerfum fer illa með fólk í viðkomandi löndum. Kröfur um opnun markaða eyðilegga alla innlenda framleiðslu og landbúnað. Strangar kröfur um einkavæðingu veita svo náðarhöggið því helstu nauðsynjar og þjónusta hækka upp úr öllu valdi. Suður Ameríka er gott dæmi um þá hörmungarslóð sem IMF hefur skilið eftir sig. Mörg lönd þar hafa misst öll auðæfi sín í hendur erlendra einkaðila, aðallega bandarískra og breskra stórfyrirtækja sem kúga þegna landana með gríðarlegum hækkunum á t.d. gasi, olíu og jafnvel drykkjarvatni. Þar á meðal eru lönd eins og Argentína, Bólivía, Brazilía, Chile, Paraguay og El Salvador. Sömu sögu er að segja í Indónesíu og nokkrum Afríkuríkjum. Eftir slíkar aðfarir er skiljanlegt að almenningur rísi upp með hörðum mótmælum og uppþotum gegn ríkisstjórnum landana, sem frá upphafi voru í vonlausri stöðu. Efnahagurinn hrynur aftur og landið þarf að afsala sér enn frekari réttindum og auðæfum til IMF. Argentína er eitt ljótasta dæmið um þessa meðferð IMF. Þar varð á endanum efnahagslegt stórslys eftir aðkomu IMF og gjörsamlega allar auðlindir landsins voru seldar erlendum stórfyrirtækjum eins og British Petrolium og Enron. Jafnvel vatnsveitukerfin voru einkavædd og stór hluti höfuðborgarinnar Buenos Aires er án drykkjarvatns. Ekki nóg með að vatn sé nú dýrt, heldur er bara ekki hægt að skrúfa frá krananum. Árið 2001 voru svo opinberuð mjög óþægileg skjöl fyrir IMF. Ónefndur aðilli lak viðkvæmum skjölum í hinn margverðlaunaða blaðamann og rithöfund Greg Palast, sem birti þau opinberlega í sjónvarpsviðtali og síðan á heimsíðu sinni www.gregpalast.com. Þar kom fram að ofan á þær opinberu kröfur sem IMF hafði sett Argentínu og fleiri ríkjum settu þeir fram óopinberar og leynilegar kröfur sem alþjóða samfélagið fékk ekki að vita um. Að meðaltali voru þetta yfir hundrað leynikröfur á hvert ríki. Leiðtogum ríkjanna var stillt þannig upp við vegg að þeir urðu að láta undan og samþykkja allar kröfurnar. Þar á meðal voru kröfur um það hvaða erlendu risafyrirtæki fengju auðlindir þjóðanna svívirðilega langt undir raunvirði. Skjölin voru undirrituð af Jim Wolfensen, þáverandi framkvæmdarstjóra IMF. Í fyrstu neitaði bankinn tilvist skjalana en dró það til baka eftir að Greg Palast birti þær á síðunni sinni. Bankinn varð þá að viðurkenna tilvist skjalana en ákvað að tjá sig ekki frekar um málið opinberlega. IMF er að því er virðist spillt stofnun að einhverju eða jafnvel öllu leyti. Sú hugsun er í raun ekki svo langsótt þegar litið er til þeirrar staðreyndar að IMF er að 51% hlut í eigu United States Treasury. Allir ofangreindir hlutir eru því miður staðreyndir. Efasemdamönnum er velkomið að gera örlitla upplýsingaöflun á netinu, ekki þarf að leita lengra en www.wikipedia.com En hefur Ísland eitthvað að óttast vegna væntanlegs láns frá IMF? Ríkisstjórn Íslands hefur fullyrt það að kröfur IMF séu "ásættanlegar" og að íslenskt efnahagslíf sé sniðið að þörfum og kröfum IMF og þurfi ekkert að óttast. Það er von allra Íslendinga að svo sé en við skulum nú samt velta nokkrum hlutum fyrir okkur áður en við tökum þau orð góð og gild. Ef litið er blákalt á stöðuna þá er Ísland komið í svo slæma stöðu að ekki virðist nein önnur útgönguleið en að leita á náðir IMF. En svo mikið er víst að þegar aðeins ein möguleg leið er sjáanleg úr mikilli krísu þá að sjálfsögðu virðist sú leið "ásættanleg" hver svo sem hún er. Nú þegar IMF er kominn með hönd sína á íslensku reiðtygin, byrjar íslenski seðlabankinn að hækka stýrivexi upp í 18% sem mun án nokkurs efa veita mörgum fjölskyldum og fyrirtækjum náðarhöggið á þessum erfiðu tímum. Fjármálaspekingum um allan heim þykir þessi leikur Seðlabankans vægast sagt furðulegur þegar aðeins eru 10 dagar frá því stýrivextir voru lækkaðir niður í 12%. Seðlabankastjórnin virðist ekki vita í hvorn fótinn hún á að stíga. Einnig er erfitt að líta fram hjá því að hækkun stýrivaxta hér á landi er algjörlega í andstæðu við þá verulegu lækkun stýrivaxta sem önnur lönd hafa ákveðið að nota gegn heimskreppunni. En hvað er hægt að gera? Er hægt að gera eitthvað meira en að vona það besta? Auðvitað verðum við Íslendingar að trúa því og treysta að ráðamenn þjóðarinnar og Seðlabankinn séu að gera sitt besta á þessu erfiðu tímum. En við megum ekki gleyma því að þessir sömu aðillar sem nú fara ofan í saumana á íslenska efnahagshruninu og eru að setja saman björgunaraðgerðir fyrir þjóðina, eru þeir sömu og bera hvað stærsta ábyrgð á allri vitleysunni. Nú verðum að standa upp og krefjast þess að þeir sem eigi hlut að máli axli ábyrgð. Krefjumst þess að gamla hugsunarhættinum verði skipt út fyrir nýjar hugsjónir, og fyrst og fremst verðum við að krefjast þess að allar upplýsingar um aðdraganda og eftirmála íslensku kreppunar verði dregnar fram í sviðsljósið. Við eigum ekki að sætta okkur við það að þeir aðilar sem eru ábyrgir fyrir hruninu sitji nú við samningaborðið við spillta stofnun fyrir luktum dyrum og neiti að tjá sig um ákvæði samninga. Afhverju taka samningaviðræður við IMF svo langan tíma og afhverju ríkir svo mikil leynd yfir þeim? Gæti það mögulega verið vegna þess að ráðþrota ríkisstjórn okkar eigi mjög erfitt með að kyngja þeim leynisamningum og valdbeitingu sem IMF beitir nú með miklum þunga? Við verðum að gera ráðamönnum þjóðarinnar ljóst að okkur er ekki sama um þá álitshnekki sem þjóðin hefur orðið fyrir og að aldrei muni það viðgangast að auðæfi og stolt þjóðarinnar verði hrifsuð burt. Íslendingar stöndum ekki aðgerðalausir né lítum niður á þá sem mótmæla. Tölum ekki gegn þeim sem hylla raunverulegt lýðræði. Okkur Íslendingum ber skilda að standa saman og láta í okkur heyra. Mætum næstu laugardaga niður á Austurvöll kl 15:00 og látum rödd fólksins óma til yfirvalda. …höfundur er óflokksbundinn og stoltur Íslendingur. Arnar Fells Gunnarsson

[Gísli Gíslason, 7.11.2008 kl. 10:23]

Góð saga. Einu sinni unnu færeyingar störf fyrir okkur, mönnuðu t.d. síðutogarana.  Þeir sýna nú vináttu sína í verki með að lána okkur.  Sama gera nú Pólverjar.

[Gestur H (IP-tala skráð) 7.11.2008 kl. 10:47]

Þeir vita það fyrir vestan.

Í móðuharðindunum hinum fyrri fóru margir landsmenn vestur á firði þar sem áhrifa eldgossins gætti lítið. Þar mátti draga fisk úr sjó og halda í sér lífi og snúa svo heim aftur þegar hörmungunum slotaði.

Í móðu-haarde-indunum síðari, sem eru af manna völdum, verður það kannski bjargráð margra að fara vestur á firði og fylla skörð brottflúinna Pólverja í fiskvinnslunni.

[Siggerður Gísladóttir (IP-tala skráð) 7.11.2008 kl. 11:29]

Sæll

Verð að hrósa þér fyrir góð svör hjá Kollu og Heimir í morgun. Þú gefur okkur hinum von um bjarta framtíð fyrir börnin okkar.

[Anna Karlsdóttir, 7.11.2008 kl. 11:45]

Þessi var góð.

[Sigurjón Páll Hauksson, 7.11.2008 kl. 12:42]

Ágætt svar hjá ugum grunnskólanema, Það er víst hverju orði sannara þetta með pólverjana.  Uppistaða atvinnunar í fiskverkunarhúsinu hér er unninn af pólverjum.  Mér segir svo hugur um að þessi ágæta og skarpa stúlka er héðan. 

[Jakobína Ingunn Ólafsdóttir, 7.11.2008 kl. 12:43]

Þetta er notalegt. Ljóstýra í vandræðunum að finna fyrir vinarþeli frá annarri þjóð.

[Dagný (IP-tala skráð) 7.11.2008 kl. 13:45]

Alltaf er gott að eiga vini, sérstaklega þegar kreppir að en það er ekkert víst að pólverjarnir fari burt í stórum hópum, margir þeirra eru sestir hér að, orðnir heimamenn og við erum farin að venjast samdrætti hér fyrir vestan.

[Guðrún (IP-tala skráð) 7.11.2008 kl. 15:51]

Vestfirðingur /Pólverji báðir gott fólk, vonandi að þeir hverfi ekki frá Vestfjörðum þá er fátt eftir. Nema að fólk fari að flýja brjálæðið í henni Reykjavík. Svo er verkalýðsforustan á Vestfjörðum alveg óspillt það er annað en hægt er að segja um þá fyrir sunnan allavega hjá VR

[Haraldur Bjarnason, 7.11.2008 kl. 16:47]

Það er sko víðar en á Vestfjörðum sem Pólverjar hafa komið við sögu síðustu ár. Þeir hafa verið í meirihluta byggingaverkamanna á höfuðborgarsvæðinu. Þaö hefði lítið verið byggt hér á landi á síðustu árum, meðal annars engin álver, hvorki við Hvalfjörð né Reyðarfjörð, svo maður tali nú ekki um Kárahnjúkavirkjun. Það veistu Ómar.

[Ómar Ragnarsson, 7.11.2008 kl. 19:58]

Ég á pólskan örbíl, Fiat 126, ódýrasta bíl landsins og samskipti mín hafa verið einstaklega ánægjuleg vegna hans sem og við pólska starfsmenn á ýmsum sviðum um allt land.