Fyrirboðinn.

DeCODE ævintýrið var nokkurs konar fyrirboði þess sem hefur gerst undanfarna mánuði. "Tær snilld" voru orðin sem voru notuð yfir það allt, líkt og Icesafe reikningana síðar meir. Vísindastarf Kára Stefánssonar stendur fyrir sínu en hin "tæra snilld" fjármálagrunnsins hefur kostað margan mikið fé. Og á tímabili var ætlunin að ríkið ábyrgðist þetta allt.

Gengi bréfa deCODE aldrei lægra

Athugasemdir

[Sigurður Kristjánsson (IP-tala skráð) 21.11.2008 kl. 09:23]

Mér finnst rétt að halda því til haga sem fyrrverandi starfsmaður ÍE að þetta eru í ýmsum skilningi tveir aðskildir hlutir, annars vegar fjármálahliðin og hins vegar sú rannnsóknavinna sem hefur átt sér stað hjá ÍE. Þar sem ég er ekki alveg ókunnugur þar innan húss veit ég að meðal þeirra stofnana sem verið er í samstarfi við má finna Oxford og Harward og fólkið sem vinnur að þeim grunnrannsóknum hefur ekki neitt með fjársýslu að gera í þessu samhengi. Þetta er bending um það að ÍE hafi gert sig virkilega gildandi í vísidasamfélaginu. Síðan er rétt að minna á annað og það er að hinn miðlægi gagnagrunnur á heilbrigðissviði sem mikið var rætt um, hann var aldrei gerður, sem betur fer í sumum skilningi og samt hefur fyrirtækið náð árangri í rannsóknum sem tekið er eftir víða um lönd vegna þess að fyrirtækið er mjög framarlega á sínu sviði. Þetta gleymist alltof oft og flest  sem er skrifað um fyrirtækið er um fjármál þess, ekki um þessar merkilegu niðurstöður sem tekið er eftir í efstu lögum vísindasamfélagsins og ekki heldur um það að fyrirtækið hefur verið vinnustaður fyrir fjölda fólks og þannig verið á við stórt iðjuver í samfélagi okkar.  Er þetta svona vegna þess að fjölmiðlar eiga ekki innan sinna vébanda fólk sem hefur þekkingu á þeim málefnum sem verið er að rannsaka ?  Mér finnst það dapurlegt ef umræðu um rannsóknir er drepið í dróma vegna þess að fólkið sem á að fjalla um þær hefur ekki þekkingu til þess eða er svo upptekið af svartagallsrausi sem dynur á okkur endalaust þannig að maður er að verða búinn að fá nóg af því að hlusta á fréttir, mér finnst ekki nóg um það að reynt sé að horfa til þess sem lyftir okkur upp en ekki endalaust á hitt sem dregur okkur niður.

[Árni B. Steinarsson Norðfjörð, 21.11.2008 kl. 11:38]

Það má nú ekki meta allt til fjár og alls ekki Díkód. Auðvitað á stofnun á borð við Harvardháskóla að standa straum af kostnaði svona stofnunar.

Hitt er það að fjárglæframenn telja að þeir geti grætt á hverju sem er hvort sem það er 365 eða Díkód.

[Tryggvi (IP-tala skráð) 21.11.2008 kl. 12:22]

en hvað sem því líður hafa verið talin upp alskonar vafasöm atriði í kringum díkót sem er full ástæða til að fá botn í t.d að kári hafi hagnast á gráamarkaðnum um hundruði miljóna (með hluti í díkot) og að kári hafi mútað innvígðuð og innmúruðum með 300.000.000

[Róbert (IP-tala skráð) 21.11.2008 kl. 12:51]

Ég bý erlendis og yfir seinustu ár hefur maður ósjaldan hlustað á erlendar fréttir þar sem Ísland og Decode eru tekið fram sem aðilar að allskonar uppfynningum og framförum í vísindum, í kringum genetics.  Það yrði mikill missir ef Decode fer undir...

[haraldurhar, 21.11.2008 kl. 14:26]

   Decode er fyrirtæki, sem verður að vera gert kleyft að starfa áfram hér á landi, það væri óbætanlegur skaði, ef það verður leyst upp og erl. fjárfestar gleypa þau miklu verðmæti er fyrirtæki býr yfir.  Nú sem aldrei fyrr þurfum við á að halda þessum dýrmætu störfum.   Finnland og finnska aðferðin við að komast út úr kreppuni, hefur verið í umræðunni sl. vikur, er rétt að benda á það að Decode er eina fyrirtækið hér á landi er getur talist leiðandi á sínu sviði á heimsvísu, líkt og Nokia er í Finlandi.

[Gerill, 21.11.2008 kl. 15:18]

Var ekki landslýð talin trú um það í upphafi að þetta væri einstakt fyrirtæki á sínu sviði sem mikil hagnaðarvon væri bundin við, þrátt fyrir að allar þjóðir væru á fullu í að setja á fótinn ný genarannsóknafyrirtæki? Var kindin Dollý ekki einmitt afkvæmi slíkra rannsókna? Það er alltaf hægt að selja Íslendingum hlutabréf á þeirri forsendu að þeir standi feti framar öðrum þjóðum og séu flestum snjallari.

[Hagbarður, 21.11.2008 kl. 17:28]

Það væri mikil eftirsjá í deCode ef það flytti starfsemi sína af landi brott. Eina alvöru hátæknifyrirtækið sem er með aðsetur hér á landi. Ef við ætlum að byggja upp fjölbreytt atvinnulíf eigum við að styðja við deCode. Hvernig væri nú að ríkið hætti við loftrýmiseftirlit, lokaði eitthvað af erlendum sendiráðum og notaði svona eins og 3 til 4 milljarða sem annars hafðu farið í vitleysu og setti í að byggja upp atvinnulífið. Kæmi kannski í veg fyrir að velmenntað fólk flytti sig úr landi. 

[Ómar Ragnarsson, 21.11.2008 kl. 20:40]

Það kom fram í pistli mínum að ég greindi á milli fjárhagshliðarinnar og vísindahliðarinnar.

Það er ekki neinn venjulegur maður sem kemst á lista yfir áhrifamestu vísindamenn heims. En á þeim lista var og er Kári Stefánsson og ætlað ég ekkert að draga af aðdáun minni á verkum þess manns. Stendur mér nærri því að fyrir tveimur áratugum voru erfðafræðilegar athuganir á ætt konu minnar grunnur að stofnun vísindastofnunar í Bretlandi sem svipaði til Íslenskrar erfðagreiningar.

Konu minni og tveimur sonum var boðið að vera viðstödd vígslu stofnunarinnar og hitta Söru Ferguson. Því miður tókst þessari stofnun ekki að fylgja þessu rannsóknarstarfi eftir sem skyldi.

Því þakklátari er ég Kára Stefánssyni fyrir að taka forystu í þessum efnum og mín vegna og afkomenda minna má hann fá frá okkar fólki allar þær upplýsingar sem hann telur nauðsynlegar til að þjóna göfugu hlutverki sínu.