Slæmar fréttir fyrir fréttirnar.

Það er hægt að taka undir það með Óðni Jónssyni að á þeim tímum þegar aldrei hefur verið þörf á öflugri frétta- og blaðamennsku skuli niðurskurður í fjölmiðlum bitna mest einmitt á þeirri starfsemi sem helst er undirstaða lýðræðis og réttlætis.

Undanfarin ár hefur komið vel í ljós hvernig græðgisæðið blindaði jafnt fjölmiðla sem aðra. Enginn fréttamiðill eða fjölmiðlamaður þóttist maður með mönnum nema að einblína á glæsifréttir og æsifréttir úr viðskiptalífinu, sem stundum tóku alla athyglina í heilu fréttatímunum.

Ég hef áður í bloggpistlum lýst því hvernig þetta fréttamat valtaði yfir mikilvægari málefni.

Einmitt núna, þegar menn eru að átta sig á því sem fór úrskeiðis og vilja gera betur, kemur kreppan, sem meðal annars stafaði af ónógri upplýsingagjöf, og kæfir þetta í fæðingu. Já, nú má segja það sem sagt var fyrir einni og hálfri öld að "Íslands óhamingju verður allt að vopni."

„Kemur á versta tíma“

Athugasemdir

[Lára (IP-tala skráð) 29.11.2008 kl. 02:24]

Nákvæmlega svona bera menn ábyrgð í þessu samfélagi. Sama var uppi á teningnum hjá Árvakri og þar eru menn að ,,leita allra leiða til að borga laun" !!!

Hjá 365 var fólki sagt upp og því gert að lækka í launum að öðrum kosti vera rekið!

Það er verið að kúga starfsmenn fjölmiðla alls staðar. 

Enginn yfirmaður tekur pokann sinn.

Enginn yfirmaður fær undir milljón á mán í laun.

En, jú, þeir eru að bera ábyrgð, já með því að reka feður og mæður!!

Staða fjölmiðla á Íslandi er sannarlega orðin arfaslæm. Yfir 100 blaða og fréttamönnum hefur verið sagt upp á þessu ári. Það er meira en 20% af allri stéttinni!!

Hafi fjölmiðlar verið veikburða eru þeir nú algjörlega rúmfastir!!