Verður sleggjan með ?

Það hefur verið haft á orði í vetur að þingflokkur Frjálslynda flokksins sé fjórklofinn, þ.e. að hver þingmaður um sig myndi í raun þingflokk. Kannski er þetta eitthvað orðum aukið en allir vita um stöðu Kristins H. Gunnarssonar í flokknum.

Á borgarafundi á Selfossi í gærkvöldi afneitað til dæmis Grétar Mar innflytjendastefnu flokksins ákveðið. Í Reykjavík eru flokkadrættir á milli Jóns Magnússonar og fylgismanna hans úr Nýju afli og annarra hópa.

Til dæmis er himinhrópandi munur á stefnu Jóns og Ólafs F. Magnússonar og hans vina í flokknum. Kannski verður það skásta lausnin fyrir flokkinn í ljósi þessa að fría sig alveg við þessa ríkisstjórn. Sennilegast er auðveldast að fá samstöðu um það.

Og þó. Kristinn H. Gunnarsson skar alveg sig frá hinum í afstöðunni til vantrauststillögu á ríkisstórnina í haust.

Óvíst með Frjálslynda

Athugasemdir

[Óskar Þorkelsson, 27.1.2009 kl. 18:46]

FF = Frekar firrtir :)

[Þorsteinn Briem, 27.1.2009 kl. 18:57]

Frjálslynd mætast stálin stinn,
stór er Sleggjan þar Kristinn,
oft þeim hleypur kapp í kinn,
og kynlegur er sá flokkurinn.

[B.N. (IP-tala skráð) 27.1.2009 kl. 19:02]

Þetta  fley er ekki komið í höfn. Það kæmi mér ekkert á óvart að Framsóknarflokkurinn hætti við að síðustu stundu og myndaði stjórn með Sjálfstæðisflokknum og Frjálslyndi flokkurinn fengi eftirvil að vera með sem hækja þeira fram að kosningum.

Baldvin Nielsen Reykjanesbæ

[Guðrún María Óskarsdóttir., 28.1.2009 kl. 00:45]

Sæll Ómar.

Það er þín túlkun að Grétar hafi " afneitað " einhverri stefnu á fundi í gær, hann áréttaði hins vegar að Frjálslyndi flokkurinn flytti ekki fram rasistastefnu, líkt og andstæðingar hans hafa núið honum um nasir.

kv.Guðrún María.

[laufeyg (IP-tala skráð) 28.1.2009 kl. 05:01]

Alveg burtséð frá afneitun og öðrum neitunum,,hvar í veröldinni ert þú Ómar?