Íslands þúsund ár

9.2.2009 | 00:26

Já, - en hans tími mun koma !

Auðvitað lætur Davíð ekki óþekktarorminn Jóhönnu, sem var að gera hann og Jón Baldvin gráhærða á sínum tíma, komast upp með neitt mótþróalaust. Stjórnmál Davíðs eru Íslendingasögurnar, vinátta-óvinátta, tryggð og fóstbræðralag - svik.

Og við það má bæta hefndinni. Á sínum tíma rassskeltu þeir Davíð og Jón Baldvin óþekktarstelpuna sem sagði samt svo hortug: "Minn tími mun koma !"

Auðvitað las Davíð ekkert nema hótun og hefndarhug út úr þessum ummælum og bregst því við meintri hefnd Jóhönnu eins og sönnum bardagamanni sæmir með því að draga sverð úr slíðrum.

En Jóhanna tekur þessu bara rólega og segir: Hans tími mun koma, tími ósigursins.

	Lýsir miklum vonbrigðum
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Stórkostlegt er það stríð,
standa mun enn um hríð,
makalaus þeirra misklíð,
millistjórnandi er Davíð.

Þorsteinn Briem, 9.2.2009 kl. 01:55

Davíð Oddsson getur náttúrlega tekið þátt í sameiginlegu prófkjöri í Reykjavíkurkjördæmunum 13.-14. mars vegna uppröðunar á lista Sjálfstæðisflokksins við alþingiskosningarnar í vor.

Davíð yrði þar örugglega í fyrsta sæti en honum fyndist að sjálfsögðu ekki skemmtilegt að þurfa að vera í stjórnarandstöðu á næsta kjörtímabili.

Mæli því frekar með að hann skrifi Góðir dagar án Jóhönnu I, II og III.

Þorsteinn Briem, 9.2.2009 kl. 02:51

Ég er sammála Steina Briem þar sem hann viðrar þá hugmynd sína að Davíð taki þátt í prófkjöri Sjálfstæðisflokksins í vor-EN ég hef grun um að hann verði ósköp einmana. Hans tími er kominn, og farinn.

Þráinn Jökull Elísson, 9.2.2009 kl. 03:39

Í fílabeinsturni fatalaus,
fallegur Davíð sér það kaus,
en ein er skrúfan laf þó laus,
lekur þar út allt ömmu raus.

Þorsteinn Briem, 9.2.2009 kl. 05:29

Davíð Oddsson er í raun allra minnsta peðið á taflborði stjórnmálanna í dag. Algjörlega rúinn öllu trausti þjóðarinnar og aðhlátursefni erlendra fjölmiðla og hagfræðinga.

Stefán (IP-tala skráð) 9.2.2009 kl. 09:46

Eins og málum hefur verið leyft að þróast, hverfur seðlabankastjóri einungis með illu úr starfi. Brotthvarf hans, með góðu eða illu (ef af verður), mun stórlega kæta þá sveit manna sem sjá á bak tákngervingi þeirra áhrifa sem flokkurinn hans hefur haft allar götur frá því 1982, þegar hann leiddi lista Sjálfstæðisflokksins til sigurs í sveitarstjórnarkosningum í Reykjavík.

Já, það eru nefnilega komin 27 ár frá því að "Þórður Breiðfjörð" stökk inn á vígvöllinn og það er margs að minnast og margs að hefna. Arkitektinn að hinu gamla Nýja-Íslandi (per EES) er sestur í helgan stein og miðlar okkur af visku sinni úr hæfilegri og öruggri fjarlægð. Byggingameistarinn er enn að paufast úti í verkfæraskúr!

Flosi Kristjánsson, 9.2.2009 kl. 10:20

Og svo verður formannskjör á landsfundi Sjálfstæðisflokksins 26.- 29. mars.

Litlu verður Vöggur feginn.

N1 Bjarni Ben af Engeyjarætt verður kosinn, ef Davíð Oddsson verður ekki í boði.

Búið að reka Engeyjarættina úr Dómsmálaráðuneytinu (Björn Bjarnason) og Seðlabankanum (Halldór Blöndal, formann bankaráðsins) og Briemsættin (Davíð Oddsson) fær nú ástarbréfin send heim til sín.

Þorsteinn Briem, 9.2.2009 kl. 14:33

Die Endlösung der Engeyjar-frage, nicht wahr? Und auch der Briem-frage?

Flosi Kristjánsson, 9.2.2009 kl. 14:50

Föðuramma Davíðs Oddssonar var Valgerður Briem.

Hvers vegna haldið þið að Davíð hafi komist svona langt í Sjálfstæðisflokknum?

Eingöngu út á eigin verðleika?

Davíð fór upp á þak og bað Guð um gotterí af því að amma hans sagði að allt gott kæmi frá Guði.

"Amma mín sagði að við ættum ekki að borga skuldir óreiðumanna."

Briemsættin setti því ekki bara landið á hausinn, heldur alla heimsbyggðina.

Og N1 Bjarni Beninn verður formaður Sjálfstæðisflokksins vegna þess að hann er af Engeyjarætt en ekki vegna þess að hann kunni að reka bensínbúllur.

Davíð Oddsson í Kastljósinu 7. október síðastliðinn:

"Við erum að ákveða að við ætlum ekki að borga erlendar skuldir óreiðumanna," sagði Davíð Oddsson, formaður bankastjórnar Seðlabanka Íslands, í Kastljósi í kvöld. Ríkið muni ekki borga skuldir bankanna "sem hafa farið dálítið gáleysislega."

http://mbl.is/mm/frettir/innlent/2008/10/0...ir_oreidumanna/