Þótt fyrr hefði verið.

Ég hef áður lýst því hér í blogginu hvernig Ólafshöllin í Þrándheimi, margfalt ódýrara tónlistarhús en okkar hús, nýtist fullkomlega fyrir hvers kyns tónlistarflutning, jafnt óperur sem annað.

Þess vegna getur það ekki verið eðlilegt sem stefnt hefur verið að, að tónlistarhúsið í Reykjavík sé hannað þannig að það nýtist ekki á þennan hátt.

Ef menn finna leið hér í Reykjavík til að nálgast frændur okkar Norðmenn í þessu efni, þá var tími til kominn og þótt fyrr hefði verið.

Í athugun að óperan nýti tónlistarhúsið meira

Athugasemdir

[Hildur Helga Sigurðardóttir, 3.4.2009 kl. 21:35]

Þótti alltaf nokkuð sérstakt að byggt væri rándýrt tónlistarhús, sem síðan yrði ekki nýtanlegt fyrir óperur !

Var á ferð um Vesturströnd Noregs fyrir nokkrum árum og sá ekki betur en að við gætum margt lært af frændum okkar þar; t.d. í nýtingu menningararfs.   Þó hafa þeir ekki meira í höndunum en við.  Kunna bara betur að vinna með efniviðinn.

[Gunnar Th. Gunnarsson, 3.4.2009 kl. 23:14]

Það er náttúrulega bara skandall að ekki hafi í upphafi verið gert ráð fyrir óperu í húsinu.

[Guðbjörn Guðbjörnsson, 4.4.2009 kl. 00:09]

Það var algjör skandall og á þetta bendu margir í mörgum blaðagreinum!

Þetta hús sem var byggt er "monthöll" og engin þörf að byggja svona dýrt hús og þetta kemur frá manni sem elskar sinfóníur og óperur! 

[Gunnar Th. Gunnarsson, 4.4.2009 kl. 00:32]

Það var helst Pétur Blöndal sem andæfði eitthvað þessari vitleysu

[Magnús Bergsson, 4.4.2009 kl. 01:48]

Óperan skal í húsið svo ekki komi til byggingu sérstaks Óperuhúss á næstu áratugum.

Það er annars ömurlegt að við séum að halda áfram byggingu á þessu fádæma ljóta húsi. Það er ekki nóg með að það kosti sitt að byggja það, það mun kosta hátt í miljarð á ári að reka það. Þessi bygging fáránleikans minnir helst á risavaxin dúfnakofa. Ég mæli eindregið með því að húsið verði á endanum meira og minna grafið í hól og á honum verði plantað trjám. Þannig mundi húsið og hóllinn gera miðbænum eitthvað gagn.