Verður að hafa hraðar hendur.

ESB-deilan hefur háð íslenskum stjórnmálum, klofið alla flokka og þvælst fyrir. Nú verður að höggva á þennan hnút hið snarasta, koma málinu beint í hendur þjóðarinnar og láta hana afgreiða það en snúa sér á meðan af öllu afli að því að leysa málin sem brenna á þjóðinni, hversu sársaukafullar og óvinsælar sem nauðsynlegar ráðstafnir kunna að verða.

Strax síðasta haust ráðlagði Göran Persson okkur, reynslunni ríkari frá kreppunni í Svíþjóð á níunda áratugnum, að taka á afleiðingum hrunsins strax og af fullum þrótti en ekki að fresta óhjákvæmilegum aðgerðum.

Núverandi stjórn er með þingmeirihluta og hefur enn meirihlutastuðning í skoðanakönnunum og því getur hún ekki vikist undan þessu. Ef kjarkur hennar bilar núna verður hún fljót að lenda í minnihluta meðal þjóðarinnar eins og fyrri stjórn og ný Búsáhaldabylting mun sigla í kjörfarið.

Á sama tíma verður að gera tafarlausar ráðstafanir áður en það er of seint og sýna áræði. Vextina verður að keyra niður til samræmis við núverandi verðbólgu, - það er skaðlegt viðmið að láta hálfs árs verðbólguskot vera að þvælast enn inn í útreikningum þegar verðbólgan hefur þó minnkað síðustu mánuði.

Með því að halda þessari liðnu verðbólgu inni er verið að lengja áhrif hrunsins og gera málin verri viðfangs.

Meira en hálft ár er liðið frá hruninu og enn hefur ekki tekist að leiða allan sannleikann fram um stöðu allra mála.

Borgarstjórn Reykjavíkur náði sögulegri lægð í álit almennings á síðasta ári. Hún er að læra af því og þótt þar sé meirihluti við völd hafa meirihluti og minnihluti komið sér saman um að vinna eins náið saman að lausn erfiðra mála og unnt er.

Þetta er til sóma fyrir bæði meirihluta og minnihluta. Þetta hugarfar verður að koma á hjá nýkjörnu Alþingi.

Það er nöturlegt ef hlutirnir eiga eftir að snúast þannig við að Alþingi fari niður á plan borgarstjórnar fyrir ári á sama tíma og borgarstjórn hefur tekið sér tak.

Stjórnarsáttmáli í smíðum

Athugasemdir

[Sigurður Þorsteinsson, 3.5.2009 kl. 08:05]

Í síðustu viku kom fram á Mbl.is, að verðbólgan sé 11,9%. Þ.e. ef reiknað sé litið sé aftur til síðustu 12 mánaða. Nú fréttist úr stjórnarherbúðunum að til standi að breyta þessum útreikningi, því ef litið er aftur til síðustu 15 mánaða er verðbólgan miklu hærri. Því er Seðlabankinn að hugsa um að hækka stýrivexti. Þinn leiðtogi er ekkert að flýta sér, hún er að mynda stjórn. Það er gaman við kjötkatlana Ómar. Á sléttunni grætur fólkið.

[Gunnlaugur Ingvarsson (IP-tala skráð) 3.5.2009 kl. 08:32]

ESB hvað og kjósa um hvað ?

Ertu að meina að það eigi að fara í aðildarviðræður sem taka marga mánuði eða ár og svo eftir það eigi þjóðin að fá að kjósa.

Þjóðin er alls ekkert búinn undir aðildarviðræður, allra síst Samfylkingin sem ekki hefur mótað neinar kröfur eða hvernig standa eigi að viðræðum.

Raunar er ég skíthræddur að hleypa æstustu trúboðunum þar í það að leiða einhverjar samningaviðræður og halda þar á hagsmundum þjóðarinnar. Ég held að meira en hemingur þjóðarinnar sé sama sinnis þ.e. vantreysti Samfylkingunni í þessum efnum.

Ekki síst þar sem maður hefur heyrt málflutning sumra Samfylkingarmanna um hvernig eigi að standa að aðildarviðræðunum. Það á semsagt að reyna að koma okkur inní ESB með hraði og "sama hvað" og í samningaferlinu á að semja við Seðlabanka ESB um að lána okkur óhemju fé til þess að styrkja krónuna til þess að hægt sé að fastbinda gengi hennar við Evru og það verður þá gert strax og það áður en verður kosið nokkuð.

Síðan hefst áróðurssöngurinn um "allt fyrir ekkert" samningur og svo rétttrúnaðurinn dásamaður og uppskrúfaður í öllum fjölmiðlum elítunar. En helst verður hamrað á því að við gætum alls ekki sagt NEI því á hrindi allt saman með þetta lán og svo framvegis.

ESB sinnar ætla semsagt að nota sama bragðið og oft hefur áður verið notað af landráðamönnum allra landa í mannkynssögunni.

Það á að klifja asnann í Brussel af gulli og demöntum og senda hann yfir hafið inn yfir landamæri Íslands.

Þetta eru skíta vinnubrögðin sem ég óttast að eigi að nota

Mér líst ekki á það. NEI TAKK !

Mætti ég þá frekar biðja um ESB kosningar strax um það hvort sækja eigi um aðild eða ekki.

Ég er alveg viss um að þjóðin myndi hafna aðildarviðræðum strax nú þegar !

Þá gæti þess þjóð loks tekið höndum saman um að byggja upp þjóðfélagið !

[Gullvagninn (IP-tala skráð) 3.5.2009 kl. 08:45]

Matarverð í ESB hærri en á Íslandi?

[Birgitta Jónsdóttir, 3.5.2009 kl. 08:46]

ESB orðræðan er farin að minna óþægilega mikið á álver eða ekkert orðræðuna...

[Björn Heiðdal, 3.5.2009 kl. 10:31]

Hjá mér vinnur strákur frá Slóvakíu sem hefur nýlega gengið ESB á hönd.  Samkvæmt honum hefur ellilífeyrir ömmu hans rýrnað við upptöku evru.  Hún þarf að éta minna í dag en í gær.  Er ESB megrunarkúr?

[B.N. (IP-tala skráð) 3.5.2009 kl. 12:14]

Ég óttast að ef bylting verður á Íslandi þá verður upplausnarástand sem ekki hefur sérst hér áður. ESB já eða nei kemur ekki í veg fyrir slíka þróun það er sitjandi ríkisstjórn sem það gerir þá sem dæmi með því að hugsa fyrst og fremst um heimilin og fyrirtækin hér á landi ekki bara með orðum og prentmáli heldur verður hún að láta hendur standa fram úr ermum og láta verkin tala í stað þess að láta eigendur Jöklabréfa og aðra stærri fjármagnseigendur hafa forgang sem ég nú tel vera að gerast  bak við tjöldin í stjórnarviðræðunum. 

Baldvin Nielsen Reykjanesbæ

[Ómar Ragnarsson, 3.5.2009 kl. 16:49]

Enn og aftur ítreka ég það sem ég hef sagt frá því í haust að stundum þegar ekki er hægt að fara einföldustu leiðina í pólitísku máli er skárra að fara lengri leið en að láta allt standa fast.

Með því átti ég við það að láta kjósa um það hvort yfirleitt eigi að fara í samningaviðræður. Það kanna að lengja ferilinn ef samþykkt verður að fara í viðræður en það kann líka að koma málinu út af borðinu ef þjóðin vill það.

Ég hef líkt þessu máli við það að fjölskyldan stendur fyrir utan verslunarstað Araba og veit að hann setur upp hátt verð fyrir vöruna sem er á boðstólum.

Fyrsta ákvörðunin er þá hvort yfirleitt eigi að ganga við samninga við Arabann og prútta um verðið.

Ef það er gert kemur síðan næsta ákvörðun, hvort eigi að sætta sig við niðurstöðuna.

Arabinn er í svipaðri stöðu og Olli Rehn, sem hefur ekki umboð til þess að lofa undanþágum fyrirfram áður en leitað er samninga. Ekki frekar en íslenska samninganefndin getur samningsstöðu sinnar vegna gefið ESB það upp fyrirfram frá hvaða samningsmarkmiðum Íslendinga hún er tilbúin að víkja.

[B.N. (IP-tala skráð) 3.5.2009 kl. 19:43]

Það eru 27 ríki sem mynda ESB bandalagið í dag og ef Ísland langar að verða ríkið númer 28 þá þarf engar aðildarviðræður því þessi ríki koma ekki til með að breytta samkomulaginu sín á milli vegna okkar. a.mk. kosti munu ekki öll ríkin vera inn á þeirri línu svo við það að eitt ríki segir nei við okkur æi aðildarviðræðum er málið sjálfkrafa dautt samkvæmt Rómarsáttmálanum sem er stjórnaskrá ESB.  

Bandalagið var byggt á samkomulagi allra þessara landa sem tók stundum tímanna tvenna að koma þessu samnigi ESB landanna heim og saman því jú það urðu allir 27 að tölu að segja já svo hver liður í þessu samkomulagi fengi samþykki.

Það væri ráð að þjóðin fái að sjá þetta samkomulag sem fyrst á íslensku á netinu hjá stjórnarráðinu sem dæmi því þar er allt að finna sem skiftir máli eins og staðan er núna þ.a.s. hvað okkur stendur til boða.

Nýja ESB stjórnaskráin eins og hún var lögð fyrir Frakka,Hollendinga og Íra var ekki fyrir svo löngu  hafnað í þjóðatkvæðagreiðlu og nýja ESB stjórnaskráin fór og er í bið vegna þessa.

Það væri ekki verra að fá væntanlegu ESB stjórnaská á íslensku líka inn á netið þó hún sé í bið eins og staðan er í dag  því þá getur þjóðin öll sett sig inn í þau mál hvernig framtíðarsýnin er hjá ESB valdinu.

Mér skilst að þau lönd sem eru nýkomin inn í ESB bandalagið og þau lönd sem eiga eftir að ganga þarna inn samþykki þessa væntanlegu stjórnaskrá sjálfkrafa í aðildarviðræðunum ef ske kynni að gömlu ESB ríkin samþykktu stjórnarskána því hvert þeirra hefur en þá neitunarvald hvert fyrir sig.

Það væri gaman ef fréttamenn myndu skoða þennan punkt alvarlega og útskýra hann fyrir þjóðinni í þaula á mannamáli í stað þess að tala um skoðunarkannanir hvað margir Íslendingar vilja og vilja ekki ganga inn í ESB dagin út og daginn inn.  

Baldvin nielsen Reykjanesbæ