Grafin upp gömul öxi.

Flugvélar hafa fyrr en nú verið notaðar til eftirlits með umferð. Ég minnist þess frá árinu 1986 að hafa fylgst með slíku eftirliti á Dornier Do 27 flugvél, sem Haraldur Snæhólmf flaug með lögreglumenn í í eftirlitsferð.

Við sjónvarpsmenn lentum á túninu á Hrútatungu í Hrútafirði til að taka við hann viðtal.

Þyrla er að vísu notadrýgri en flugvél, en 4-5 sinnum dýrara er að fljúga þyrlu en flugvél af sambærilegri stærð.

Dornier-vélin fyrrnefnda gat lent á litlum blettum en þó var erfiðara að komast að grunsamlegum bílum en á þyrlu.

Ég vil benda lögreglunni á að nota kvikmyndatökuvélar til að taka kvikmyndir af bílum, því að á slíkum myndum er hægt að mæla hraðann eftirá og með sambandi við löggæslu á jörðu niðri að finna út hinn brotlega.

Ók framúr flugvélinni

Athugasemdir

[Óskar Þorkelsson, 14.6.2009 kl. 02:00]

í noregi þar sem ég þekki til eru sett merki á vegina svo lögreglan geti mælt hreinlega með skeiðklukku hversu lengi viðkomandi bifreið er að fara á milli merkjanna.. síðan ertekin mynd af númeri bílsins.. og viðkomandi fær sektina innan skamms..