Tilfinningaríkur íslenskur skapsmunaakstur.

Ég dró stóran tjaldvagn fyrir dóttur mína og fjölskyldu hennar austur í sveit í dag á árlegt ættarmót og útilegu afkomenda Jóhanns Jónssonar og Láru Sigfúsdóttur austur. Þetta er átta manna fjölskylda og þau fengu tjaldvagninn lánaðan en áttu ekki bíl til að draga hann. Veðrið var yndislengt, logn og hlýtt. 

Þátttakan mjög góð strax á fyrsta kvöldi og kvöldstundin ljúf, sjá mynd.  

Notaði til þess 36 ára gamlan, þreyttan og sjúskaðan Range Rover með Nissan Laurel dísilvél, sem í fimm ár hefur þó skilað sínu með sóma.  

Umferðin var að mestu til fyrirmyndar með einstöku undantekningum þó.

Á leið í bæinn lenti ég ásamt fleirum í lest á eftir bíl sem ekið var á rúmlega 70 kílómetra hraða. Þegar vegurinn breikkaði og ég og aðrir hugðust fara fram úr var eins og bílstjórinn á þessum bíl sleppti sér alveg.

Hann jók hraðann og var fyrr en varði kominn á urrandi ferð að öllum líkindum vel á öðru hundraðinu því að það dró hratt á milli.

Um tíu kílómetrum síðar hægði hann aftur ferðina en þegar við komum aftur í námunda við hann, var eins og hann þyldi ekki þá tilhugsun að ekið yrði fram úr honum, heldur jók ferðina á ný greinilega vel yfir leyfilegan hraða.

Sumir bílstjórar virðast alls ekki geta fengist við það verkefni að aka á jöfnum hraða í eðlilegri umferð og fylgja þeirri reglu umferðarlaga að haga akstrinum þannig að hann verði sem öruggastur og greiðastur fyrir alla aðila, heldur gera þeir í því að vera með stæla eins og þessi fyrrnefndi bílstjóri.

Ég kalla þetta tilfinningaríkan íslenskan skapsmunaakstur vegna þess að maður sér þetta hvergi erlendis.

Umferðin hefur gengið mjög vel

Athugasemdir

[Guðmundur Eyjólfur Jóelsson, 4.7.2009 kl. 00:32]

Eg kannast vel við svona háttarlag, Hef verið rútubílstjóri lengi og það er alveg dæmalaust hvernig sumir haga sér ,dóla þetta á 70-80 km og  þegar maður ætlar framúr á góðum köflum þá er eins og eitthvað þyngist fóturinn hjá þessum mönnum og herða ferðina svo að maður fer bara aftur fyrir þá aftur og já næst þegar þeir koma aftur á einfaldan veg þá dóla þeir aftur á 70-80 km ,ég veit ekki hvað á að kalla þetta ,sjálfselsku líklega .

[Óskar Þorkelsson, 4.7.2009 kl. 00:32]

Ég hef stundum haldið því fram að það sé hægt að sjá vitsmuni þjóðar (einstaklinga) á aksturslagi þeirra...  

[Gunnar Th. Gunnarsson, 4.7.2009 kl. 05:07]

Það á að láta lögregluna vita af svona háttalagi, taka niður númer á viðkomandi bíl.

[Landfari, 4.7.2009 kl. 16:41]

Guðmundur, þú ert nú vonandi ekki að keyra rútur hraðar en á 80 km/klst.

Ertu kanski einn af þeim sem keyra flugrúturnar suður á völl. Þær fara oft ansi greitt.

[ólafur (IP-tala skráð) 5.7.2009 kl. 07:25]

hámarks hraði rútu er 90 en fyrir vörubíla 80 kæri landfari

[Óskar Þorkelsson, 5.7.2009 kl. 12:24]

það fer oft í taugarnar á sleðunum sem aka á 75 á 90 km vegi þegar alvöru rútur þjóta framúr þeim :).. að maður tali nú ekki um þegar maður gerir slíkt á leið UPP kambana LOL.. en rútur hafa hraðalás.. svo ef rútan fer framúr þér.. þá ertu að keyra OF HÆGT

[Landfari, 6.7.2009 kl. 23:35]

Ólafur, hvað hefurðu fyrir þér í því að hámarkshraði fyrir rútur sé 90?

Óskar, þú þarft að hafa í huga að 90 km/klst. er hámarkshraði sem miðaður er miðaður við bestu aðstæður. Það eru sumir ökumenn sem ríghalda sér í 90 sama hvernig aðstæður eru.

Eikki fyrir löngu skrifaði einn ökumaður í blöðin eimitt um þetta. Hann hafði verið að keyra niður af Holtavörðuheiðinni og sér til mikillar furðu komu tveir bílar framúr honum á því sem honum fannst fljugandi ferð miðað við aðstæður en þónokkur hálka var á veginum. Það sem gerði málið enn undarlegra var að skömmu áur hafði hann farið fram úr þessum sömu bílum niðri á láglendinu þar sem engin hálka var.

Þetta er ef til vill afleiðingin af því að Sturla lækkaði vikmörkin við beitingu sekta fyrir of hraðan akstur hérna um árið.