Fer aldrei í bað nema einn.

Golfíþróttin er ákaflega vandasöm íþrótt vegna þess hve gengi manna getur verið sveiflukennt. Allir kylfingar þurfa að glíma við þetta og það tekur bæði á taugarnar og getur orðið til þess að menn missi flugið. 

Á undanförnum mótum hafa kannski einhverjir farið að efast um það að Tiger Woods væri besti kylfingur heims, því gengi hans hefur ekki verið gott.

En Tiger hefur sýnt og sannað aðdáunarverðan og einstakan baráttuvilja.

Hann hefur sannað það að einungi þrotlaus þjálfun, einbeitni, járnvilji og þolgæði skapa meistara.

Sanna meistara má þekkja á því hvernig þeir taka mótlæti og Tiger er þannig meistari.

Sagt er að smæstu atriði séu undir nákvæmri stjórn hjá honum og sem dæmi nefnt, að hann láti aldrei aðra sjá sig í sturtu.

Ástæðan ku vera sú að hann vilji ekki láta aðra sjá á vöðvabyggingu sinni, hvernig hann byggir líkama sinn upp, - ekki láta aðra sjá hvaða vöðva hann leggur rækt við.

Smámunasemi? Nei,- margt smátt gerir eitt stórt, margt smátt gerir meistarann stóran, jafnt í sigri og ósigri.  

 

P. S. Man eftir skondnu atviki á leið okkar bræðra, mín og Jóns, til Svíþjóðar í sænska rallið 1981, samanber blogg á undan þessu. Á bensínstöð í norsku þorpi skammt frá landamærunum, kom í ljós að ég hafði týnt bensínlokinu af bílnum.

Ég reyndi að gera þetta skiljanlegt fyrir norska sveitamanninum, sem var að afgreiða, en hann skildi mig ekki, þótt ég notaði ýmis orð yfir þennan hlut á nokkrum tungumálum.

Að lokum bað ég hann að koma út með mér og sýndi honum, hvað vantaði á bensínstútinn. "Ja, bensínlok!" svaraði Norðmaðurinn.  

Tiger tekur forystuna í FedEx úrslitakeppninni

Athugasemdir

[Sæmundur Bjarnason, 14.9.2009 kl. 16:22]

Á dönskuprófi í Samvinnuskólanum fyrir margt löngu kom fyrir það sem á íslensku kallast "að sofa yfir sig". Þetta olli miklum vandræðum hjá mörgum en dönsk stúlka sem vann þarna var spurð að þessu og auðvitað er þetta á dönsku bara "at sove over sig". Danska orðið "tesi" olli líka heilabrotum en þýðir auðvitað tesía. 

[Þorfinnur (IP-tala skráð) 14.9.2009 kl. 16:55]

Aha. Veit ekki þetta með sturtuna, en sannarlega skiptir máli að láta andstæðinginn ekki komast of nærri þér. Sérstaklega á þetta við í einstaklingsíþróttum.

Annað stórmenni íþróttasögunnar, Roger Federer, hefur einmitt þennan hæfileika (fyrir utan allt annað). Hann ber virðingu fyrir andstæðingi sínum, lætur hann aldrei sjá veikleika sína, brýtur ekki spaðann sinn ef illa gengur (einsog margir aðrir), nei, hann heldur einbeitingunni alveg út í hið óendalega.

Federer er raunar sá íþróttamaður sem ég set númer eitt yfir fremstu íþróttamenn fyrsta áratug 21. aldarinnar. Já, á undan Usain Bolt, Zinedine Zidane, Tiger Woods og öllum hinum. Árangur FedEx er einfaldlega þannig að hann toppar alla hina.

Í gærkvöld gerði hann þetta hér: http://www.youtube.com/watch?v=w7lvMYyyqMs

Þarna var komið að lokum í mögnuðum, erfiðum leik, og Djokovic átti enn möguelika. En... ekki eftir þetta skot!

Bara varð að koma þessu að, ekki síst vegna þess að mótið sem þú vísar til heitir FedEx, gælunafn Federers... ;)

Þ.