Ráð við sársauka.

Frábær forsíðumynd í Morgunblaðinu leiðir hugann að sársaukanum, sem við þurfum öll að glíma við á erfiðum stundum, - í mismiklum mæli þó.

Ég hef brugðið á það ráð að beisla hugann og ímyndunaraflið við svona aðstæður á þann hátt að koma mér út úr líkamanum, til dæmis í tannlæknastól.

Ég ímynda mér að ég horfi á stóran kringlóttan mæli á veggnum andspænis mér sem sýnir sársaukann frá 0 upp í 100. 100 er mesti mögulegi sársauki, sem veldur meðvitundarleysi, en mesti mögulegi sársauki frá hendi læknisins er um 50.

Síðan fylgist ég spenntur með mælinum sem sýnir sársauka minn og er þannig búinn að koma mér út úr líkamanum og fylgist með sem þriðja persóna, utanaðkomandi.

Sársaukinn er yfirleitt að rjátla í kringum 10-15 og kannski í mesta lagi upp í 20. Með þessari aðferð tekst mér að draga úr atferli skræfunnar sem blundar í okkur öllum.  

Þá sögu hef ég heyrt að þegar Haukur Clausen hafi gerst tannlæknir hafi einn af bestu æskuvinum hans, Steingrímur Hermannsson, lýst því yfir að aldrei skyldi hann þurfa að deyfa sig.

Mun Steingrímur hafa staðið við þetta heit. En Steingrímur er ekkert venjulegur maður. Leitun er að eins miklum keppnismanni og karlmenni og honum.

Athugasemdir

[Ragna Birgisdóttir (IP-tala skráð) 22.10.2009 kl. 13:01]

Ég hugsaði með mér þegar að ég sá myndina af Tryggva Herbertssyni með sársauka í hverjum andlistsdrætti við bólusetningu,.!eg hefði verið fljót að breytast í krumpustykki í framan ef ég hefði verið með þennan svip stanslaust við fæðingu drengjanna minna. Fólk upplifir sársauka greinilega á MJÖG misjafnan hátt Myndin er frábær og vonandi fær Tryggvi blessaður ekki flensuna

[Jenný Stefanía Jensdóttir, 22.10.2009 kl. 17:35]

Ragna er með þetta,   sársaukamörkin eru afar mismunandi hjá fólki, og augljóst að mörkin hjá Tryggva þessum eru mjöööööög lág.  Sé hann t.d. ekki fyrir mér gefa blóð, en þar er nálin stærri og ógurlegri en þessi títuprjónn.

[Helga Kristjánsdóttir, 22.10.2009 kl. 21:24]

Þetta er fælni held ég,svona "oj,nál að stingast í hold",þannig lít ég ævinlega undan við blóðtökur í hverjum mán,þótt finni lítið til.

[Halldór Egill Guðnason, 23.10.2009 kl. 01:09]

Það fyrsta sem mér datt í hug var.: Bíddu, kemur ekki stjórnarandstaðan síðust í röðinni? Hver raðaði eiginlega á listann? Án alls gríns, ættu allir að láta bólusetja sig sem á því hafa tök. Þetta með sársaukann er svo annað mál og finnst mér stjórnarandstaðan asskoti lítilsmegnug að sjá af svona lítilli stungu.