Eins og í Heimaeyjargosinu.

Það er mjög þarft framtak að setja upp myndavél sem sýnir beint frá Heklu og þótt þetta sé ekki í fyrsta sinn sem slíkt er gert hér á landi, er þetta í fyrsta sinn sem þetta er gert áður en hugsanlegt gos hefst. 

Fyrra skiptið var í Heimaeyjagosinu 1973 þegar á vegum tæknimanna Sjónvarpsins var sett upp myndavél við endurvarpsstöðina á Klifinu í Vestmannaeyjum þar sem sjá mátti til Eldfells og gossins þar.  

Það mætti hugsa sér að setja upp myndvél þar sem sæist til Kötlu. Hún þyrfti ekki að vera í notkun nema þegar jarðhræringar eða aðrar vísbendingar eru um yfirvofandi gos.

P. S. En nú heyri ég í Sjónvarpinu að búið er að setja svona myndavél upp á Háfelli. Gott mál það.  

Vefmyndavél sýnir frá Heklu

Athugasemdir

[Teitur Haraldsson, 15.12.2009 kl. 20:27]

Veistu hvort það sé hægt að nálgast myndirnar frá Heimaeyjagosinu á einhverjum stað?

[Ómar Ragnarsson, 15.12.2009 kl. 20:51]

Góð spurning, Teitur. Ég hef nefnilega ekki hugmynd um það. En af því að ég er að vinna hjá RUV þessa dagana skal ég spyrja að því.

[Teitur Haraldsson, 15.12.2009 kl. 22:35]

Takk fyrir það. 

Kannski ég gæti beðið þig að athuga með allar sögurnar sem RUV á upptekið, hvort það sé hægt að komast í þær?

Ég fæ kaldan hroll þegar ég hugsa um allar gersemarnar í geymslu sennilega á einhverjum eld gömlum spólum, ég er nefnilega hljóðbóka fíkill. Ekkert betra en góð saga þegar ég þarf að ferðast.

[Guðmundur Ásgeirsson, 15.12.2009 kl. 23:34]

http://www.ruv.is/hekla/

http://www.ruv.is/katla/

Veðurstofan heldur líka utan um lista yfir vefmyndavélar:

http://www.vedur.is/vedur/athuganir/vefmyndavelar/

[Kjartan Pétur Sigurðsson, 16.12.2009 kl. 01:29]

Ég hugsa að vefbanki Valla sé með eitt flottasta yfirlitið yfir vefmyndavélar:

http://www.vefbankivalla.is/vefmyndavelar.html

Og þar sem að ég veit að þú hefur smá áhuga á flugi Ómar, að þá er hér skemmtileg heimasíða sem ekki margir vita af. Þar er m.a. safnað saman vefmyndavélum sem gott er að fara inn á þegar verið er að plana flug um landið.

Flugvefur Frosta Heimissonar:

http://frosti.go.is/aero/