"Jailhouse-Gálgahraunsrokk" í húsið?

Jakob Frímann Magnússon viðrar þá hugmynd að Hegningarhúsið verði að hluta til tónlistarmiðstöð og að þar verði fluttur jazz, sem hann kallar Jailhous-jazz.

Þetta líst mér vel á og sjálfsagt er að leggja eitthvað þar til málanna.

Húsið myndi til dæmis henta betur til flutnings á laginu  og textanum "Jailhouse-Gálgahraunsrokk" en Neskirkja á sínum tíma, þegar það lag var frumflutt.

Ef einhver er forvitinn um þetta lag er hægt að fara inn í leitarrammann til vinstri hér á síðunni, gegnt titli þessa pistils, og slá inn leitarorðið "Gálgarokk", en það var upphaflega heiti lagsins.

Þá kemur upp bloggfærsla frá 14. nóvember 2013 með upplýsingum og endanlega textanum, sem var að vísu þróaðist og breyttist svolítið frá flutningnum í Neskirkju.

 

Jailhouse Jazz í Hegningarhúsið?

"Beinstífur áfram brattur stár..."

Tvö nöfn eru títt nefnd í dag á netinu, SDG forsætisráðherra og Steinþór Pálsson bankastjóri Landsbanka.

Varpa ýmsir bloggpistlahöfunar ljóma lofs á SDG fyrir að hafa barist vel og drengilega við svonefnda hrægammma, og meirihluti bankaráðs lofar mjög framgöngu bankastjóra Landsbankans.

Nú fara páskar í hönd og kveðandi Passíusálmanna hljómar í eyrum á Rás eitt.

Í stíl við það kvikna þessi tvö vers:

 

Upp, upp mín sál og SDG,

sem aðstoð við þjóðina lét´í té.

og réðist með einbeitni´og kappi´í kinn

á konuna sína, hrægamminn.

 

Að mæla gegn Steinþóri´ekki á.

Alls ekki hagga honum má.

Beinstífur áfram brattur stár

bankastjórinn um eilíf ár.

 

Amen.

Ósammála meirihluta bankaráðs

Kostur rafhreyfilsins: Samfellt tog.

Helsti kostur rafhreyfilsins, samfellt tog (torque) frá 1 snúningi og upp úr, nýtist vel í hröðun rafbíla. Fyrir nokkrum árum urðu þau tímamót að rafknúinn bíll var fljótastur hina frægu leið upp á fjallið Pikes peak í Klettafjöllunum suðvestur af Denver.

Bulluhreyflar, knúnir bensíni eða olíu, hafa ekkert tog fyrr en hreyfillinn hann fer á snúning og stundum, eins og á flestum vélhjólum, næst hámarkstog ekki fyrr en á 5-7000 snúningum.

Þess vegna krefst bulluhreyfillinn góðs gírkassa eða sjálfskiptingar.

Flestir rafbílar á markaðnum njóta góðs af þessum kosti rafhreyfilins og eru ekki með neina gírskiptingu heldur bara einn gír.

Trylltasti tvinnbíllinn á jörðinni

Gleymdust sjúklingarnir í aðgerðaáætluninni?

Spítali er ekki bara grunnur og sprengingar í honum, uppsteypa og skrölt og hávaði í vinnuvélum á meðan verið er að reisa hann.

Reikna verður með því, að ef ekki er verið að reisa nýjan spítala, heldur bútasauma hann við eldri byggingar, verði viðkvæmir sjúklingar í þeim húsum, sem þar eru.  

Á Akureyri var lengi gistiheimili við rúntinn. Sett var þrefalt gler í gluggana og þar með deyfðist hávaðinn stórlega. Ekki er að sjá af tengdri frétt á mbl.is að neitt slíkt hafi verið gert enn á Landsspítalanum né að það standi til.

Kannski hefur gleymst í aðgerðaráætlunni að gera ráð fyrir því að húsin þarna eru full af veiku fólki.

Ég sá þegar ég var þarna síðast á ferð, að látið er vita um allan spítalann fyrirfram hvenær sprengingar hrista hann svo að allt nötrar.

Auðvitað er hægt að grípa til ýmissa aðgerða til að minnka truflun af framkvæmdum en betra hefði verið að gera það í tíma.

 

Flúði hávaðann á Landspítalanum