Hafa lengið verið sníkjudýr og halda því áfram.

Það er rétt hjá Pútín forsætisráðherra Rússlands að Bandaríkin séu sníkjudýr á hagkerfi heimsins.

En þar með er ekki allt sagt. Bandaríkin hafa verið sníkjudýr lengi og þrátt fyrir nú eigi að draga úr samfelldri skuldaaukningu ríksins er raunin sú að það á að halda henni áfram, þótt dregið hafi verið úr hraða hennar.

Bandarískir stjórnmálamenn og almenningur vestra hafa ekki haft þrek til að horfast í augu við það, hvert stefnir, og geta það enn ekki.

Eftir ár verða forsetakosningar og forsetinn er því "lömuð önd" (lame duck) síðasta árið, ófær um að taka af alvöru á vandamálunum af ótta við að missa fylgi.

Við Íslendingar getum lítið sagt nema að kasta úr glerhúsi . Við fjórfölduðum skuldir heimilanna á órfáum árum í aðdraganda Hrunsins og súpum nú seyðið af því. 

„Bandaríkin eru sníkjudýr“

Athugasemdir

[dagur thomas (IP-tala skráð) 1.8.2011 kl. 19:53]

með allri virðingu ómar....       þetta er ekki svona.     hefurðu kynnt þer hversu mikið af bandarísku skattféi fer til israel?    það eru það stórar upphæðir að bandaríkin sjalf skjulda nuorðið stærri upphæðir en þeir geta borgað...   meðan israel eyðir öllu í stríðsrektur ásamt usa...   til þess er leikurinn gerður og þessar skuldir eru "HANNAÐAR" TIL AÐ VERA ÞAÐ HÁAR AÐ ÞAÐ ER  einginn leið að borga þær aftur.                        þetta er ekki í fyrsta skiptið sem þetta gerist í mannkynsögunni og ekki það seinasta... en eitt er víst.     þetta endar í heimstyrjöld.

[Jón Logi (IP-tala skráð) 1.8.2011 kl. 22:09]

Ísraelar eru 6 milljón manns, Bandaríkjamenn nær 300. Það eru reyndar minna en 5% jarðarbúa, en neyslan er nær 25%. Í stuttu máli, almestu neyslukríli jarðarinnar, og með talsverðum yfirburðu. Aðrir jarðarbúar myndu aldrei eiga séns á þessari neyslu að jafnaði.

[Guðmundur Ásgeirsson, 2.8.2011 kl. 02:46]

Það er rétt hjá Pútín forsætisráðherra Rússlands að Bandaríkin séu sníkjudýr á hagkerfi heimsins.

Þetta er bara hálfur sannleikur. Raunverulega sníkjudýrið er sjálft fjármálakerfið, sem framleiðir engin verðmæti heldur bara skuldir, en eignast á endanum öll raunverðmætin þegar skuldirnar eru orðnar svo miklar að þær fást ekki greiddar og veðin eru innheimt. Þetta sníkjudýr er ekki aðeins að finna í Bandaríkjunum heldur er það alþjóðlegt, og er því einnig að finna hér á Íslandi.

Þess vegna langar mig að spyrja þig Ómar: Hvaða ákvæði er að finna í hinu nýja stjórnarskrárfrumvarpi, um upprætingu þessa sníkjudýrs sem færa má rök fyrir því að hafi orðið kveikjan að stofnun stjórnlagaráðs til að byrja með?

[Gunnar Bjarni Ragnarsson (IP-tala skráð) 2.8.2011 kl. 03:40]

Get ekki tekið undir að kalla USA sníkjudýr!

Bara minna á að USA borgaði óbeint bensínið á flugvélina þína og gaf okkur 200 sjó mílur ,Elvis Presley,fyrstu Virkjaninnar Sogið ofl ,tæknilega Búrfellsvirkun með ódýru lánsfé (Kanada) ,áburðarverksmiðjuna,landbúnaðarvélar,nýsköpunartogara ofl..(menningu)Íslenska Aðalverktaka ,Alla herflutninga til herstöðva Evrópu,Flugvöllinn okkar svo að eitthvað sé nefnt.

Hvar Ísland hefði verið án USA veit ég ekki ?

g frelsaði okkur undan vesalings Bolsevikunum og þeirri martröð sem fylgdi USSR !

God bless America og Íslenskt sjálfstæði.

Gangi þér allt í haginn Ómar Ragnarsson .

Kveðja Gunnar Bjarni Ragnarsson

020769 5569

[Ómar Ragnarsson, 2.8.2011 kl. 12:16]

Ályktun þín byggist á afar þröngum sjónarhóli okkar. Ég tek raunar undir með Guðmundi Ásgeirssyni að myndin er stærri og flóknari. Kínverjar eru líklega stærstu lánardrottnar heims og stefna í að eignast veðbönd í eignum Vesturlandabúa, fjötra, sem erfitt verður að losa sig úr á friðsamlegan hátt.

Í raun er mannkynið í heild, og þá einkum iðnaðarþjóðirnar, sníkjdýrið, sem sogar til sín auðlndir og orkulindir heimsins með stórfelldri rányrkju.

Kínverjar og Indverjar láta æ meira til sín taka á þessu sviði og láta sér í raun vel líka að Bandaríkjamenn sjái til þess með hervaldi að viðhalda sem stöðugustu ástandi í þeim heimshluta þar sem olían er mest.

Viðhald þessa herafla er afar dýrt og á meðan hrannast skuldirnar upp og skuldararnir verða æ háðari lánardrottnunum.  Þetta virðist vera eins konar hringekja að hluta til sem hlýtur að stöðvast fyrr eða síðar með tilheyrandi ósköpum.

[Ómar Ragnarsson, 2.8.2011 kl. 12:25]

Hvað snertir spurninguna um hvernig hægt sé að koma böndum á fjármálakerfið þá fór fram talsverð umræða um það hjá Stjórnlagaráði og þá einmitt á þeim forsendum sem þú nefndir.

Duglegastur við þetta var Andrés Magnússon og má hafa heiður fyrir það.

Hann flutti meðal annars tillögu um það að í stjórnarskrá væri ákvæði um afturvirkni skatta og gjalda sem miðuðu að því að ná til baka gróða fjármálaaflanna fyrir Hrun.

Þetta virtist of stór biti til að umbylta þeirri meginreglu að skattar og álögur séu ekki afturvirkar og þegar stjórnarskrá er samin, verður einnig að líta til þess að stjórnarskrá á að endast í áratugi inn í framtíðina og að svona ákvæði gætu orðið freisting fyrir ágeng, ósvífin og valdamikil stjórnvöld síðar meir til að fara offari í þessum efnum.

Stóri gallinn við fjármálakerfi heimsins er sá að það er svo stórt, að það vefst fyrir stórveldum, hvað þá örþjóðum, að gera þar þær umbætur sem þarf að gera.

[Guðmundur Ásgeirsson, 3.8.2011 kl. 13:25]

Stóri gallinn við fjármálakerfi heimsins er sá að það er svo stórt, að það vefst fyrir stórveldum, hvað þá örþjóðum, að gera þar þær umbætur sem þarf að gera.

Þetta vandamál þekki ég úr hugbúnaðargerð, þar sem forritskóðinn í stórum kerfum getur stundum orðið svo umfangsmikill og flókinn að enginn nær að hafa fulla yfirsýn. Sérstaklega þegar þeir sem skrifuðu hann eru allir horfnir til annara verka. En þá er líka bara um eitt að ræða: endurskrifa kóðann frá grunni. Þetta er það sem þarf núna að gera við fjármálakerfi heimsins, henda því í ruslið og semja nýtt sem virkar, og ekki halda að það sé ekki hægt. Það er í raun ekkert öðruvísi en fyrir rithöfund sem vinnur að stórri skáldsögu og þarf svo kannski að endurskrifa nokkrum sinnum á meðan því stendur.

En þú svaraðir ekki spurningu minni Ómar. Vissulega bendirðu á að ekki hafi verið talið réttlætanlegt að setja afturvirk ákvæði til að "leiðrétta" afleiðingarnar af hruninu sem varð 2008. En spurning mín gekk alls ekkert út á það, heldur vil ég fá að vita hvaða ákvæði þið settuð í frumvarpið til þess að fyrirbyggja að slíkt geti endurtekið sig í framtíðinni? Ég stóð nefninlega alltaf í þeirri meiningu að það væri megintilgangurinn með vinnu ykkar í stjórnalagaráði, að sjá til þess að börnin okkar og aðrir afkomendur þyrftu aldrei að þola það sama og við höfum mátt upplifa í þessum efnum.

Hvaða ákvæði í nýja stjórnarskrárfrumvarpinu koma til dæmis í veg fyrir að bankar búi til peninga úr engu? Hvaða ákvæði tryggja ríkinu yfirráð yfir eigin gjaldmiðli? Eru þar einhver ákvæði um frelsi annara en ríkisins til gjaldmiðilsútgáfu eða hömlur við því? Hvaða ákvæði eru þar sem vernda fólk fyrir því að kaupmætti þeirra sé stolið með peningaprentun, markaðsmisntokun, umboðssvikum og öðru braski? Hvaða ákvæði voru sett þar inn til að vernda eignarhlut fólks í heimilum sínum fyrir slíku braski? Var eignarréttarákvæðinu breytt þannig að skýrt sé hvort það eigi við menn eða fyrirtæki, eða er ennþá opið fyrir túlkun bankanna á því sér í hag? Þar sem fjallað er um þrískiptingu valdsins, hvar er þá fjallað um stærsta valdið í peningadrifnu þjóðfélagi: auðvaldið? Hvaða ákvæði eru þar sem koma í veg fyrir að stjórnmálamenn skuldsetji ríkið til að borga fyrir gæluverkefni sín og sinna kjósenda, og sendi afkomenduum okkar hinna reikninginn inn í framtíðina?

Eins og áður sagði þá stóð ég í þeirri meiningu að þetta væri tilgangur stjórnlagaráðs. Hvernig telur þú ágæti Ómar Ragnarsson að þessum markmiðum hafi verið náð?

[Sigurður Haraldsson, 5.8.2011 kl. 13:21]

Það er búið að opna svartholið og ekkert annað framundan en algert hrun í efnahag heimsins ásamt stór stríði! Náttúruöflin munu þar spila stóra rullu það er með auknum ójöfnuði í verðurfari og jarðskjálftum ásamt eldgosum.