Sumir virðast bara ekki eldast.

Konrad Adenauer var 87 ára þegar hann lét af völdum í Vestur-Þýskalandi og hafði allan tímann á 14 ára valdaskeiði sínu, sem einn áhrifamesti valdamaður í sögu Þýskalands og Evrópu, verið hálfan valdatímann á áttræðisaldri og síðari helming valdatímans á níræðisaldri og náð hámarki afreksferils síns kominn á níræðisaldurinn. 

George Foreman varð heimsmeistari í þungavigt í hnefaleikum 46 ára gamall, níu árum eldri en nokkur annar hnefaleikari hefur hampað þeim titli.

Linford Christie var fljótasti maður heims 35 ára gamall, tíu árum seinna en venjulegir menn ná hámarki líkamlegrar getu.  

Sumir menn virðast geta upphafið lögmál aldurs og elli langt umfram það sem eðlilegt má teljast.

Einn slíkur er Harrison Ford, sem virðist verða æ meiri töffari eftir því sem árin líða, - verður 72ja ára á þessu ári.  Það er gaman að þessu.

 

Harrison Ford í nýjustu Star Wars myndinni

Athugasemdir

[Þorsteinn Briem, 2.5.2014 kl. 03:52]

Ómar hann er upp að hnjám,
alveg úr sér genginn,
af Gamla Ford þó dregur dám,
dáldið betri en enginn.

[Jón Ingvar Jónsson (IP-tala skráð) 3.5.2014 kl. 04:48]

Svo er það hann Ómar, verður bara betri, jafnvel þó að hann sé kominn eilítið yfir fermingaraldurinn.