Grein um dýravernd í frumvarpi stjórnlagaráðs.

Í frumvarpi stjórnlagaráðs er stutt en hnitmiðuð grein um dýravernd. Sumir kunna að segja að nóg sé að hafa slíkt í almennum lögum, en vitað er að grein í stjórnarskrá setur ævinlega sérstaka áherslu á þau atriði sem þar eru sett. 

Með svona grein er hnykkt á því, að tryggilega sé um hnúta búið og komið í veg fyrir að menn sleppi til dæmis með að borga aðeins eignaspjöll. 

Sauðaþjófar skáru lamb á háls

Athugasemdir

[Hábeinn (IP-tala skráð) 4.7.2017 kl. 02:00]

36. gr. Í frumvarpi stjórnlagaráðs.
Dýravernd.
Með lögum skal kveðið á um vernd dýra gegn illri meðferð og dýrategunda í útrýmingarhættu.

Í frumvarpi stjórnlagaráðs er stutt en hnitmiðuð grein um að dýravernd verði í almennum lögum, eins og nú er. Frumvarp stjórnlagaráðs er því innihaldslaust blaður, og ekki til annars en að upphefja höfundana og lengja frumvarpið. Eftir sem áður er lögunum ætlað að sjá um dýraverndina og frumvarpið leggur engar sérstakar línur í þeim efnum.

Með svona grein er ekki hnykkt á því að tryggilega sé um hnúta búið og komið í veg fyrir að menn sleppi til dæmis með að borga aðeins eignaspjöll. Með svona grein er betur heima setið en af stað farið, eins og er með svo margar greinar stjórnlagaráðs. Halda mætti að höfundar hafi fengið greitt fyrir hvert orð frekar en einhverja hugsun og skynsamleg vinnubrögð.

[Ómar Ragnarsson, 4.7.2017 kl. 06:53]

Það eitt að þessi stjórnarskrá sé sú eina sem er með svona ákvæði, sýnir að málið er litið alvarlegri augum en í öðrum löndum og fært upp um einn flokk lagalega séð. 

Hábeinn getur þess vegna haldið áfram og hoggið niður flestar greinar núverandi stjórnarskrár í sínum niðurrifsstíl og sagt að þær séu "innihaldslaust blaður". 

[Hábeinn (IP-tala skráð) 4.7.2017 kl. 09:06]

Þetta er frumvarp frá stjórnskipuðum vinnuhóp en ekki stjórnarskrá. Og það að ýmislegt sé hægt að gagnrýna í okkar stjórnarskrá réttlætir ekki breytingar sem gerðar eru bara til að breyta en bæta ekkert.

- svo skal böl bœta að benda á eitthvað annað, söng Megas.

launaþrœllinn hnígur niður

lafmóður með œgilegan sting

& lánskjaravísitalan

hverfur útvið sjóndeildarhring

en ástandið í póllandi

fer hríðversnandi dag frá degi

það dylst þeim ekki sem er hér

við hungurmörk svo ég held ég bara þegi

ég veit ekki betur en það sé sýnt & sannað

að svo skal böl bœta að benda á eitthvað

annað

fjögur ár líða

& loks er allt endanlega í steik

& loforðin fínu

þau reyndust óll tómt djöfulsins feik

þá fréttirðu það hungraður

með húsfylli af konu & krökkum

að horfur fari versnandi

hjá þrœlunum á volgubökkum

þú flettir mogganum & ég sé að það er sannað

að svo skal böl bœta að benda á eitthvað

annað