Lítið dæmi um komandi byltingu,- hugsanlega þá stærstu.

Sú bylting, sem er að hefjast varðandi vélmenni og hvers kyns tæki, sem stjórnað er af gervigreind, er hugsanlega sú mesta í sögu mannkynsins. 

"Læknar" með gervigreind geta nú þegar til dæmis skipulagt hinar flóknustu meðferðir í krabbameinslækningum mun betur en mannlegir læknar, enda fer vél-læknirinn létt með að tileinka sér fróðleikinn úr 8000 árlegum greinum um þetta efni í læknatímaritum. 

Sjálfvirknin í akstri bíla er handan við hornið, og nýjustu ofurtölvurnar og vélmennin geta "þroskast" og lært á svipaðan hátt og manneskja gerir á æsku- og unglingsárum og þróast í persónuleika. 

Hið skuggalega við þessa byltingu er svipaðs eðlis og árásir tölvuþrjóta, möguleikinn til þess að prógrammera illvilja á nýju stigi inn í svona búnað. 

Einnig er skuggalegt til þess að hugsa að hernaður framtíðarinnar felist í enn meiri firringu þeirra sem stjórna honum en nú er, það er að drepa og valda óbætanlegu tjóni án þess "að koma nálægt" því líkamlega. 

Dróni lokaði flugbrautum

Athugasemdir

[Bjarne Örn Hansen (IP-tala skráð) 4.7.2017 kl. 07:28]

Þetta er ekki rétt, enda ekkert að fá út úr þessu.

EF vid myndum taka vélmenni, til að setja í stað manna hvað varðar alla vinnu. Myndi almenningur ekki hafa neitt að gera, og endalokin yrðu byltingar, morð, blóðbað ... in biblical proportions.  Eins og með ungmennin, þá heldur "vinnan" þeim frá því að aðhafast eitthvað "slæmt".

Þannig að þetta verður aldrei, jafnvel þó að það sé "mögulegt".  Dæmi um rök gegn þessu, má nefna "Minority report", "Robocop".

Sú bylting sem er á leiðinni, er að lengja líf manna ... með gerfi limum.  Verið er að útbúa "augu", sem geta séð... í framtíðinni, gætir þú haft "nætursýn", sem dæmi. Hægt er að rækta líkamshluta, annað dæmi ... en það sem er áhugaverðast, er að maðurinn geti orðið "betri vél", en vélmenni, en með sama styrk og endingu, og vélmenni.  Þetta er "temað" í Robocop.