Kreppan að koma til Kanarí.

Enn er fjör á Klörubar á Kanarí þar sem myndin hér fyrir ofan var tekin í morgun. Í gær röltum við með Finni Valdimarssyni og Ingibjörgu konu hans um helstu Íslendingaslóðir hér.

Á einum stað, þar sem venjulega hefur verið krökkt af fólki, var enginn í gærkvöldi. Það er billjarðstofa í miðbænum á Ensku ströndinni sem hin myndin er af hér á síðunni. Ástæðan: Kreppan er að byrja að sýna klærnar á Kanaríeyjum og það á eftir að verða verra.

Með hjálp konu minnar tókst mér undir forystu Helgu konu minnar að prútta forláta hleðslutæki fyrir myndavélar niður í brot af verðinu sem slík tæki kosta heima. Já, kreppan er komin hingað !  

Athugasemdir

[Þorsteinn Briem, 12.2.2009 kl. 16:29]

Á barnum hangir bara,
á bísann fer nú Klara,
á fyllerí hættur að fara,
formlega þar með Skara.

[Þorsteinn Briem, 12.2.2009 kl. 17:02]

Amma Davíðs í 18. sæti yfir þá sem eiga sök á heimskreppunni. - Briemsættin kemur sterk inn.

[Hörður Björgvinsson (IP-tala skráð) 13.2.2009 kl. 09:38]

Sæll Ómar, og hafðu það sem best á Kanarí.

Þar sem ég veit að þú munt af eðlislægri forvitni kanna fleiri bari á staðnum vil ég benda þér á einn sem heitir Gemini's, og er við „Laugaveginn". Þar hefur sami trúbadorinn haldið uppi fjörinu árum saman. Hann heitir Gary Lithgow, og fær gesti gjarna til að koma upp og syngja eitt lag eða svo. Þetta er vinalegur bar, þótt þeir eigi ekki almennilegan Skota, frekar en aðrir þarna suður frá. En þér er kannski sama um það.

Hörður